ابتسمت و بوسته '" احبك والله '"
ضحك '" واني بعد احبج و اموت عليج '"
بدلت وطلع حلو عليه شافني حيان ضحك وگال '" نلعب كيم ثاني حبيبي ماكو بعد دور ثاني اشو كلتهه عليك يا الله وصدك صارت بامتحانات الدور الثاني '"
ضحكت '" اي البارحه امتحاناتهم '"
'" اي ابويه انتي فـ بعد ماكو دور ثاني اكو كيم ثاني و ثالث ورابع و خامس '"
باوعت عليه واني فاكه عيوني '" وبعد وبعد وبعد '"
ضحك '" اي كلشي اتوقعي لان مشتاق بكد الگون '"
وره شويه گلي بدلي راح يجي خاله بدلت ولبست شي مستور بعدهه اجه خاله سلم ومن شافني ضحك وكل لحيان '" حقككك يااب من تكول خذت عقلي حقكك الله يحفظهه ويخليهه الك '"
'" تسلم خال ويخليلك بت الملاكم '"
'" حيان بروح ابوك ما تعلمني شلون الاكم حته اروح الاكمه وابوكهه منه هذا يشلع البطن مو بس الكلب والله '"
ضحكنه '" شسالفه خال اني الاكمه بدالك واطلع بي كول '"
باوعله صفح '" خاف متقبل يمعود ترا اقوه منك ومني والله بنفخه يطيرنه كلنه بس بنيته داخله عقلي '"
'" خال هو انت لا تحبه ولا تحب عائلته شجابك على بته '"
'" افاااا عليك يحياان احب بنيته وحفيدته وابنه الجبير وابنه الصغير بس الباقي كلهم ما ارغبلهم بس هذول من ولد عمي احبهم '"
"' خال التريدهه انت شايفهه بس مركز عليهه كثير ولده كلهم اعرفهم اما حفيدته احبهه حيل فقيره ومحبوبه تسودني من تصيحلي عمو كم مره اكلهه بنيتي كولي حيان تضحك وتكول عمو بس الشهاده ل الله حلوه على عماتهه '"
"' باوع لا حلوه ولا هم يحزنون اليحجي بيهه اكسر راسه بنيتي هاي من بعد ابوهه وما ازوجهه لياهو الجان '"
ظل يداهر وي حيان وكام يحجي على حبيبته اني اسمعهم واضحك كتله '" عمو تحبهه '"
باوع عليه وصفن هو وحيان واحد عالاخ وطكوهه بضحكه "' اطررررب ياااب ترا مو شايب حيان مو بس انت تصيحلك عمو اني هم تصيحلي عمو وهسه مرتك هم تصيحلي عمو شسالفتكم ترا بعدني شباب '"
ابتسمت باوعلي حيان وگال '" حبيبي ترا الخال بكدي ضبط عالحد وهم اني اكبر منه بيومين '"
انصدمت كتله '" صدك '"
ضحك وكال '" اي وداعة عيونج '"
باوع عليه خاله وضحك ووجه كلامه لحيان وكله '" اي شوكت نشوف انتاجك '"
'" بعد كم شهر و نور هم انتاجي '"
'" اي عمي حلووين الله يحفظهم اذا ولد شتسمي '"
ضحك حيان وكله '" اسمي كاطع '"
خزره وكلي '" نطيني من يمج شي خل اركعه بي يقلد حظرة جناب العالم جابر بن حيان '"
