فركت كصتي بعصبيه ' ياا صبر ايوب دخيلك ربي شلون بيه و بهالمصيبه اللي راح توكع على راسي '
باوعت على حبوبه صافه ويه جدي الدنيا كلهه صارت ضدي محد يسوه و يستاهل و علي فنيت عمري لاجلهم و تالي هيج استرخصوني
ما وكفت وكفاتي الهم بعينهم وما وكفت بعين احد بس بعين امي و مروان و جوري و شمعتي
"' يبعد حبوبتك انت ليش هيج معاند جدك لمصلحتك دا يحجي "'
العصبيه وصلت لراسي "' ياااا مصلحه حبوبه لخاطر ربج يا مصلحه هااي مصلحتي الي كولي مصلحته كولي مصلحة الباله مو مصلحتي الي دتهدموني انتم دتهدموني وتدمروني بهاي قرارتكم ماكوو بس حيان اللي الدنيا كلها واكعه براسه تجون عليه ولكم والله حرام عليكم و حق امير المؤمنين حرام الداتسو انتم اثاري معاملتكم النه جانت كلهه تمثيل وخداع بعد عيني حبوبه مشكوره "'
شهك جدي و ظل يكح و لزم كلبه ركضتله حبوبه و صاحت عليه "' لك انت شلووون وياك تريد تموت جدك يـ حيااان سوي اليريده وان ما سويته ما ارضه عليك دنيا و اخره وخطية جدك بركبتك وان مات هالرجال كلهه راح تذبهه براسك ووين تنطي وجهك بين الناس باجر عكبه وليدي تجفه الشر بروح ابوك اذا تعزه "'
"' وبيتي حبوبه و بيتي "'
دك عوجيته بلكاع ولزم كلبه و حجه بخنكه "' غصباً ما عليك تسوي الطلبته منك فااهم وان ما سويته حيان وحق امير المؤمنين التحلف بي احرمك من كلشي و حته دوامك تنحرم منه بأتصال واحد من يمي اكلب الامه عليك وحته مرتك اطيرهه منك و امحيهه من الوجود و تعرفني انت من اكول كلمه "'
باوعتله واني ما مصدك هذا جدي دخيلك يا علي شكد جنت مخدوع بهالمناظر و الاشكال العد البشر كمت و صديت عنه
"' أبشر يجدي التريده راح يصير بس وحق الحق و الكفل زينب الا اطلع حقي و قهري كله من عيونكم وكل دمعه راح تكون خطيه بركبتكم منا ليوم الدين و شوفو الوجه الثاني لـ حيان اللي راح يظهرلكم من جديد لان الفلوس عمتكم وحته حق ابوي اكلتو واني مو مادي مثلكم وحق ابنكم اللي هو المفروض النه وانتو اخذتو طايحلكم لخاطر تراب ابوي بالنهايه تبجون دم و داعة معزتكم الجانت بكلبي يا جدي "'
ضحك مروان '" جدي اتقي الله راح تموت باع حالتك وصلت للكبر راح تنقرض '"
كام لمروان ديضربه وكفت كباله و كمشت ايده '" اخوي اليمسه بماي امسه بنار وما اسمح لياهو الجان وللغريب يجي يضربه جفينه شرك والله بلمرصاد السويته تتحاسب عليه اذا مو بدنياك بأخرتك '"
'" شنوو غريب جدك اني يحياااان '"
'" جنننت جننت جدي المفروض هسه انت مالك وجه وجرأه تحط عينك بعيونه '"
'" هسه اشوفك شراح اسوي '"
كعدت و كمش فونه ضحك ' المسؤول ع القوه البحريه العامه بالعراق اسمه ......... '"
