كمشت ايده ماكو حطيتهه على صدره ودفعته يلا وخر مني تلمست فكي بوجع وهو عينه عليه
"' يوجعج "'قصص وروايات عراقية كرار صلاح
"' لا "' جاوبته وعدلت الباقي وصعدت فوك ركض اني وشتاتي وداخلي المحطم وكلماتي اللي لساتهن يرنن بأذني رن ويأذن كلبي وينهشن بي
غسلت وجهي ورجعت للغرفه تلمست نواره مجمره مصخنه حيل حيلي باد انطيتهه دوه و ضليت اسويلهه كمادات يالله شويه شويه ضلت تنخفض حرارتهه و للصبح يلا صارت احسن كعدت و عيونهه بلكوه فتحتهه و تبجي تخبلت شيوجعهه ما ادري اجتي بحضني تبجي شلتهه نزلت جوه لكيت حيان كاعد و كلهم جوه
"'يمه تره نواره مريضه الليل كله مصخنه سويتلهه كمادات ونخفضت هسه بس مادري شيوجعهه بس تبجي يحتاجلهه دكتور "'
اول ما سمع كلامي كبل كام من مكانه اجه عليه اخذهه مني وهي زادت بجي
"' هاا ابويه المن هالبجي شبيهه بنيتي "'
حطت راسهه على جتفه وتبجي وتكله اوا
باوعت عليهه عيوني دمعت اول مره اشوفهه هيج نمرد كلبي عليهه وخفت حيل صحاني من قهري و خوفي صوته
"' انتي الخ المن راح تبجين امشي جيبيلي السويج مال سياره من فوك وجيبيلهه شي احطه عليهه بارده بره "'
صعدت جبتله الرادهن وحطيت على نواره شي ثخين حته لا تبرد لان جان بوكتهه بداية شهر الثاني ' شباط 'و برد قوي اخذهه و راح و اني ما هديت ضليت رايحه راده ونار بداخلي تغلي بالي كله يمهه بنيتي على ايدي ربيتهه و ما فاركتهه هلكد وكت وحته من ياخذوهه كبالي
طول حيان فوك الساعتين يدكون عليه ميجاوب رجليه بعد ما حملتني كامت ترجف كعدت و ضليت ابجي وين راحو و ماما و حبوبه و جوري يمي يهدون بيه بهالأثناء دخل مروان سئلو
"' كلشي مابيهه بويه تدلل علينه ست نور جذابه بس طلعنه سكتت بس هم وداهه حيان للدكتور كله كلشي مابيهه مجرد استبراد خفيف وحيان الله يسلمه ضل يفتر بيهه .. ضحك وكمل .. بس والله فلست ابوهه خلته ينكل السوك كله '"
مسحت دموعي باوع عليه امسح بيهن ضحك '"ولجج ڤيون هااي بتج فد داهيه سوده "'
ضحكت دخل حيان شافني كاعده بلكاع و امسح بعيوني كامت تحركني
"' بس لا الثانيه هم تمرضت '"
ضحكت ماما '" لا يمه مابيهه شي بس من حركتهه على بنيتهه جان تبجي و بالهه يمهه "'
كمت اخذتهه منه بوستهه وحضنتهه هو يباوع صارت عيني بعينه رفعتله حاجبي و هو هم رفع حاجبه بنفس الوكت حته من يرفعه يضل معكود يا الله معقوله من الله هيج لو هو يسويهه
كعدنه ودا العب بنواره من الالعاب الجابهه حيان ترست الهول وهي مكيفه غايصه بنصهن
ونطقتهه النستني شكو وجع و هم و اذى عشته جتي بحظني نطتني اللعبه جان تكلي ' ماما ' بس بصعوبه شلون متكله لحيان ' بابا ' بصعوبه اليوم كلتلي ماما يا فرحتي بيهه شلتهه بوستهه و شميتهه
'" روح ماما عمر ماما انفاس ماما '"
