تكلم بصوت عالي وهو يلبس جاكيته : ريماا انا طالع قفلي الباب وراي
ردت وهي بالغرفه : امطار ياراكان وين بتطلع ؟؟
سحب المظله وفتح الباب : مارح اتأخر ساعه بالكثير وراجع .. وطلع من البيت . فتح باب المصعد وطلع من العماره كلها ورفع جواله يدق على ريان .. بدا يرن لفتره وبعدها قطع ، تأفف بقهر وركب المترو متجه للمحطه الي ساكن فيها معتصم .. جلس على احد المقاعد الخلفيه وعينه على الشارع وهطول الامطار الغزيره ... ورجع يدق على ريان ثواني طويله ووصل صوته : الوو
راكان : هذي هي لعبتك بالمريض ؟
سكت ثواني وبعدها تعالت ضحكته " الشامته" : راكان !
راكان بكره : وش غايتك من هالحركات البايخه ؟
ريان بستهزاء : استمتع بردات فعلكم ! رغم اني ماحبيت ردت فعلك البارده ، زوجتك تموت وانت تناظر ؟
راكان وهو ناوي عليه : وينك انت ؟
ريان بضحكه ساخره : عشان المره هذي تذبحني ؟
راكان وهو ينزل من المترو ويمشي بشكل سريع لاقرب مقهى : ولله لو طولك لاذبحك وذبح الي معك
ريان : اعذرني ماقدر اشوفك احتاج اعيش اكثر ماني مستعجل على موتي ، بس بجاوب على سؤالك ك مكافئه لك رغم اني ماحبيت ردت فعلك البارده عكس جواد الي ردات فعله كانت تعجبني ...سكت ثواني وبعدها كمل بصوت مستفز : اووه زلت لسان
راكان بصدمه : لعبتها مع جواد يالخسيس ؟
ريان : لعبتها معه من غير علمه وماتوقعته يجيب العيد بسرعه ، لاكن انت معك خبر انها لعبه لذلك اتمنى انك ماتجيب العيد وتعطي ردات فعل افضل عشان لاتقلب اللعبه جد .. يلا بااي عندي شغل .. سكر معه وعض شفته بقهر وهو في باله فكره وحده ! كيف يقهر ريان ويوقعه بشر اعماله بهدوء ؟ مافي غير انه يصير نذل مثله ويقلب اللعبه عليه ... طلع من المقهى يناظر للثلج الي بدا ينزل من فتره بسيطه ، تنهد بضيق كان نفسه يشوف ريان ويطلع حرته شوي بس كانت طلعته من البيت وقطعه المسافه هذي على الفاضي ومافي الحين مترو ينزله للمحطه الي ساكن فيها ، ناظر للثلج الي غطى الشوارع وبرودة الجو الي زادت لو انتظر المترو الثاني يوصل رح يتجمد من البرد كان اقرب مكان له شقة معتصم ، دق على معتصم يعطيه خبر انه جاي ووقف تاكسي يوصله لبيت معتصم ....
بعد سبع دقايق كان راكان واقف قدام شقة معتصم ..
فتح الباب : هلا هلا
سكر مظلته وركنها عند باقي المظلات : هلابك
معتصم بمزح : لايكون بس مطرود من بيتك وجاي تستنجد فيني
راكان بحزن مصطنع وهو يعلق جاكيته : شفت شلون ماعندها قلب طاردتني بعز هالبرد ، انتظر برسل لها رساله لاتطردني جد بعدين .... جلس بصاله وارسل لها انه بيجلس عند معتصم .. واخذ كوب القهوه الساخن من معتصم .. يدري ان معتصم كل نهاية شهر يطلب عاملين عشان ينظفوا البيت له استغرب من تنظيف البيت بغير موعده .. سأل بستغراب : اخص ايش هالاجتهاد الي عندك منظف بيتك ؟
تمدد على الكنبه : انطم عاد بيتي دايماً نظيف هذا اول شي ثاني شي اختي الله يعطيها العافيه نظفته
ابتسم : اييه ، ولله اني حاس انه البيت سكنته روح ، يلا عقبال تتزوج وتستقر هالروح في قلبك
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
