جمع قبضة ايده وضربها بقوة على الطاوله .. ريما بهمس : راكان حنا في مكتبه هدي شوي !
ناظر فيها بغضب واخذ جواله وطلع من المكتبه واتصل للمره الثالثة على معتصم لكن مافي رد .. عض على شفته واتصل على ريان وبعد ثواني رد : هلاا بالرفيق
راكان : وينك ؟
ريان : وش تبي فيني ؟
جمع قبضة يده : ابي اشوفك اخلص وينك ؟
ريان بضحكه : لاتقول انك قطعت علاقتك مع رفيقك وماضل حد حولك ؟
راكان بنرفزه : وش قايل له انت ؟
ابتسم : قلت له حقيقتكم عشان يحذر منك
راكان بستهزاء : بالله ؟ ووش حقيقتنا يامحترم ؟
ريان : يعني ان اخوك راعي مخدرات وانت راعي بارات شرايك ؟
ضغط على الجوال بقوه وتكلم بغضب واضح : من هو راعي المخدرات والبارات ياكلب ؟؟
رد بتعجب : مدري اسأل نفسك ... واغلق الخط
ضرب رجله بقوه على الارض ورجع يتصل على معتصم لكن مافي رد ... ارسل لريما "اطلعي بسرعه "
ريما " ؟"
راكان : " سريع بمشي "
خلال دقائق بسيطه طلعت من المكتبه بستغراب : شفيك انت اليوم ؟
مسك يدها وسحبها معه وصار يمشي بستعجال : بروح لمعتصم اشوف وش عنده مايرد علي
كانت تحاول تماشي سرعته : وانا وش دخلني ؟ اتركني في المكتبه وروح
راكان برفض : لا مع بعض نروح ونرجع وانتي اجلسي مع اخته عادي
سحبت يدها بقوه ونحنت تلتقط انفاسها : ترا مو اول مره تتركني لحالي ! عادي روح له انت وانا برجع للبيت لحالي مو حلوه يعني ادخل على بنت كذا فجأه من غير موعد
راكان : امشي بس مارح تقول شي البنت
ريما : سبحان الله وش عرفك انت ؟
مسك يدها وكمل مشي : مين اخوها ؟
ريما بستغراب : معتصم بس وش دخل ؟
راكان : مدري بس امشي بسرعه ...
خلال ربع ساعه كان راكان واقف قدام الباب واصبعه معلق على الجرس ...
_____________
كان جالس في غرفته ومندمج على احد المباريات كرة القدم لدرجه انه نسى اختبار بكرا ونسى سالفة ريان وراكان .. لكن المداهمه الي صارت فجأه في البيت رجعت له رشده وطلع من الغرفه بقلق ليصادف سما واقفه مقابل غرفتها وتتكلم بخوف : مين هذا الي يرن بهشكل ؟
انتجه للباب وناظر في العين السحرية وابتسم اول ماشاف راكان المنفعل لف لسما : سما عندنا ضيف مزعج ادخلي الغرفه
استغربت بروده بس دخلت الغرفه وقربت من الباب تسمع حوارهم .... فتح الباب ومازالت الابتسامه عالقة على شفته : خير مزعج اهل البيت ؟
راكان بنرفزه : اطلع معي وخلي البنات في البيت
انتبه لريما الي واقفه ورا راكان : تفضلي يأم بكر تفضلي .. وابتعد عن الباب عشان تدخل مجرد مادخلت ريما سكر الباب وناظر في راكان : ايوه قولي مين حارق اعصابك ؟
مسح على عوارضه : ليه ماترد ؟
جلس على درج البيت وتكلم بستهزاء : مو فاضي كنت اشوف مباراه مصيريه
رفع حاجبه مدعي الدهشه : لا إله إلا الله ! مباراه مصيرية ؟! .. وش قايل لك ريان ؟
معتصم بعدم اهتمام : ولاشي يبي يفتح سوالف معي وعطيته على جوه
راكان بشك : وصدقته ؟
التزم الصمت لثواني وبعدها رفع كتفه بعدم اهتمام : مالي دخل سواء كان صادق او كذاب مااهتهم انا يهمني كيف انت معي اما من وراي انت حر سوي الي تبيه
رفع حاجبه : يعني ؟
معتصم : يعني مالي دخل فيكم احكم بينكم او اقطع علاقتي فيك على امور انا ماعرف صحتها من كذبها ..
ناظر فيه لدقايق وبعدها تكلم : تراه كذاب ! وانت لك حرية التصديق
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
