انتهى من اول جلسه لإعادة التأهيل ..الي استمرت لمدة ثلاث شهور كامله وكانت عباره عن تمارين لتنبيه العضلات والاعصاب .. . كان واقف قدامه الدكتور يتكلم مع الممرضه ... اخذ نفسس بعمق وهو متوتر .. اكثر شي كان خايف منه بإعادة التأهيل .. هي هذي المرحله ! .. في المرحله الثانيه من علاجه رغم الالم الي كان يحس فيه بجسمه كله .. بس يحسه اهون من الي رح يبدا فيه الحين ... التفت لدكتور وهو يكلمه : يلا بلال نبدا؟
هز راسه بهدوء وشافه يتقدم منه ويحرك الكرسي : بما انك كملت ثلاث شهور معي بدأت تحرك اطرافك ولله الحمد تجاوزت هذي المرحله بإرادتك و مشيأة الله .. فإنت قادر تتجاوز المرحله الي بعدها .. صح؟
رد بتعب من الكلام الي يكرروه بكل مره : ايه
وقف مقابل الغرفه المخصصه للعلاج الطبيعي وفتح الباب : ان شاء الله هذا الشهر رح يكون التمرين على تعزيز القدره على التوازن و تقوية عضلات الظهر والخصر .. صح في البدايه رح تتعب شوي بس بتدريج رح يخف الالم حتى تبدا تجلس بنفسك .. وهذا الي نبي نوصل له !
بلال وهو طول مايتكلم ماكان معاه .. جالس يناظر للغرفه .. كانت مليانه بالاجهزه الي رح يستعملها خلال التمارين .. التفت عليه: اي جهاز رح استخدم هذي المره ؟
ابتسم الدكتور : خلينا نبدا ورح تشوف الاجهزه الي رح نستعملها
بلال : الله يعين .. نبدا ؟
ابتسم: يلا
___________________
: وكيف جواد معك ؟
ابتسمت وهي تسحب الكيكه من فم ماجد وتاكلها : تمام
نهله : ولله واضح من هالابتسامه انه تمام .. بالله قولي فيه شي صاير معك ؟
نسمه رفعت راسها لها : فيه قسوه ! ومتعباني بعد
نهله بخوف : كيف قسوه ؟ يضرب ؟
نسمه بضحكه حركت يدها : لالا موقصدي قسوه يعني ضرب .. احيانا القسوه تكون بتجاهل !
نهله سكتت شوي وهي تحاول تفهم : كيف يعني؟
اخذت نفس وهي تنزل ابن اختها عن حضنها وترجع تسند ظهرها : اممم كيف اشرح لك .. يعني يتجاهل مشاعري ماحسسني إنا فعلاً متزوجين .. مدري هو بسببي انا او هو كذا مدري ..
نهله : يمكن في شي مضايقه او مو مرتاح من شي او هو كذا طبعه!
نسمه : من ناحيه شي مضايق و مو مرتاح انا احس كذا .. بس طبع! ماتوقع
نهله وهي ترفع حاجبها : ليش يعني ماتتوقعيه طبع!!
نسمه ابتسمت : لاني لمن اكنت عند اهله ومن سوالف اخته عنه واضح انه كان انسان غير مو نفس الانسان الي معي الحين !
نهله سكتت وهي تفكر : مدري ولله .. بس انتي لاتجلسي تفكري بشياء هو ماقالها او سواها اتركي الامور وهي بتتحسن من حالها بس انتي لاتعامليه بالمثل بالعكس خلك طبيعيه ...
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
