انزعجت من صوت الرسايل المتواصله في جواله .. فتحت عينها بخمول ومدتها لكتفه وهزته على الخفيف : جواد جواد
التفت وعطاها ظهره : همم
نسمه بنعاس : اكتم جوالك الله يخليك ابي اناام
فتح طرف عينه بعد نداء نسمه المتكرر واخذ الجوال يغلقه بس اتصال ماهر كان في وجهه .. استغرب من اتصاله في هذا الوقت المتأخر .. جلس ورفع الخط : هلا ماهر
ماهر بنبرة جافه : انزل تحت بسرعه
جواد بقلق : وش فيه ؟
ماهر : انزل .. واغلق الخط .. احساس قوي يقوله انه في مصيبه جايه .. اخذ نفس عميق وقام من السرير
نسمه : على وين ؟
جواد بستعجال وهو يبدل ملابسه : مافي شي ارجعي نامي وطلع من الغرفه بسرعه .. توقعت انه بيجلس مع خوانه ف ماهتمت ورجعت نامت ...
نزل من على الدرج بسرعه ودخل الصاله وكل الانظار توجهت عليه .. امه ماهر نايف .. بستثناء ابوه الي كان منزل راسه بين يديه وهذا الي زاد القلق عند جواد منظر ابوه !
جواد بقلق : وش صاير ؟
قام بكر من مكانه وبدل مايوقف منتصب القامه كان ظهره منحني بشكل ملحوظ وملامحه باهته .. مر بجانب جواد وبكل قهر تكلم : ولله ماني راضي عليكم لانت ولا راكان
وطلع من الصاله
بهتت ملامحه وشعر بضيق يعتصر صدره من كلمة ابوه وترددت كلمة نسمه في باله " سوي الشي في وقته عشان لاتندم بعدين " ليه ماتكلم مع ابوه من امس ؟ .. ناظر في ماهر يطلب تفسير : وش صاير ؟؟ شفيه ابوي ؟
ماهر من غير مقدمات : ابو ريما واصله كلام عن راكان و فيديو وهو في بار بين الخمور والرقص جالس ومقطع ثاني لريما وهي تتبدال مع وحده حبوب وطبعاً واضح حبوب وش ! شرايك ؟
اكمل نايف : وطبعاً اي احد يشوف بنته عايشه بطريقه هذي مارح يسكت ! حلف انه يطلع بكرا لالمانيا وياخذ بنته والطلاق يتم اول مايرجع
يحس رجله مو قادره ترفعه من هول الكلام الي سمعه وش وصل المقاطع لابو ريما ؟ وليش ريما اصلاً في هالفيديو ؟ ماهتم لاخوه كثر ماهتم في ريما الي راحت بطيش من اخوه .. : هالكلب وش موصله للمخدرات والمراقص وايش الكلام الي واصل غير القرف هذا ؟؟
آمنه في لحظة غضب صرخت فيه : يتبع منهج اخوه طبعاً وتبي تعرف باقي سوالفه ؟
التفت ماهر لها : يمه !
آمنه بكل قهر على حال عيالها تقدمت من جواد ورفعت اصبعها اسبابه بوجهه : انحرق انت واخوك بس لاتدخل بنت اختي في وساختكم ! اذا الله مبتليكم لاتدمروا بنات الناس معكم ! انت بديتها ياجواد واخوك كملها ودايماً تطلعون منها وغيركم ياكلها اطلع ورجع اخوك من برا قبل لاتكبر السالفه اكثر من كذا
من شدة صدمته من كلامها ضحك وشر البلية مايضحك اجل هو السبب ؟ لسه لقب المدمن ملتصق فيه رغم براءته !
ابتسم بستهزاء بستحقار لنفسه : يعني الحين لفت لفت ولتصقت في ظهري ؟ ليه بزر راكان يسمع لي ؟ قاطعين نوميتي عشان ترموا هالكلمتين علي ؟
ماهر : متصل عليك عشان تجيبه من المانيا بكرا قبل ماتكبر السالفه ويسوي ابو ريما الي براسه
ناظر فيه وبرود : وش دخلني انا ؟ ليه مافي غيري في هالبيت يقدر يجيب هالكلب ؟ انقلع انت واخوك جيبوه من برا انا مالي شغل مسوين فيها رجال وانت... .. وقبل ماينتهي من كلامه توجه له كف من ماهر شعر بتصفير في اذنه من قوته ..
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
