تمد لها كاسة الشاي وترجع تجلس : وين تبين نطلع اليوم ؟
ابتسمت وهي ترفع كاسه الشاي ع قريب من شفايفها : بروح اتقضى لي واجيب شي لراكان زمااان مااهديته شي
لوت فمها بعدم رضى : لاتجيبي له شي خليه هو يجيب
ريما بأبتسامه : لو بيعطني مارح يعطيني شي رمزي ممكن سوي لي شي اكبر من كذا
راما بستهزاء : اكبر من كذا ؟ وش يعني مثلاً يشتري قصر او موكب ؟
ريما ابتسامه وهي ترفع كتوفها : ممكن
راما وهي تصفق : الله على طيور الحب ذول اقول بس قومي نجهز نفسنا ونطلع
سكتت وهي تحس بضيق داهمها فجأه تبي ترجع لراكان ! ماهي متعوده على فراقه ابد صار لها ثلاث ايام وتحس بتموت من غير راكان .. تحس بندم انها اصرت تجلس عند راما وتتركه .. تنهدت بضيق والتفتت لها : ضروري سوق اليوم ؟
راما : لا عادي اذا ماتبين اليوم نطلع نأجلها بوقت ثاني
ريما : ايه احسن خلينا اليوم بالبيت
راما : في بالك شي نسويه ؟
ريما بتفكير : اممم نطبخ ؟
راما بحماس : ايه بخاطري اطبخ مع احد من زماان
ريما : تمام اسبقيني للمطبخ وانا لاحقتك .. ارسلت لراكلن الي كان متواصل معها من ربع ساعه " شوي وارجع اكلمك "
___________________
منسدح ع الكنب وهو يرد عليها " تمام " ويسكر جواله و يرميه بملل .. وينطق : معتصم ماصار غدا هذا ! صار لك ساعه مدري وش تسوي في المطبخ .. ياخي متنا جوع اخلص ..
يرتفع صوت معتصم من المطبخ : لو بك حيا كان قمت ساعدتي .. مو تتآمر وانت منسدح طول اليوم كانك بنفاس !
رد بضحكه : ضيف انا عندك .. كيف تبيني اشتغل!
طلع معتصم من المطبخ وهو يرفع المغرفه بوجه راكان : قم ! قم ساعدني ولا ولله لاتغدا لحالي وانت خلك جالس بجوعك .. ولله ماصارت قال ايش قال ضيف .. اقول قم ولاولله لاكسر هالمغرفه على ظهرك!
راكان انتفض بخرعه من شافه يقرب منه .. طاح من الكنبه متمسك في الارض ويرجع يقوم : شفيك قلبت امي ! بالله نزل الي بيدك تراني منجلد فيها لحد ماقلت امين ... تيجي انت تكمل علي بنهاية عمري ..
لا بالله .. نزلها
التفت راجع للمطبخ : تعال بسرعه ساعدني
تحرك راكان بملل وهو يدخل المطبخ ويجلس ع الكرسي : بالله اساعدك ع باستا ! ولك ساعه مدري وش تسوي فيها !
معتصم وهو يحط الصحن مقابل راكان : احمد ربك .. ترا للمعلوميه هذي اخر مره اطبخ فيها .. بكرا مالي شغل .. قولتك كنت ضيف واكرمتك ثلاث ايام الحين صرت من اهل البيت قوم انت بكرا دبر الاكل
راكان يوقف يفتح الثلاجه ويسحب علبتين بيبسي : يفرجها ربك بكرا .. الحين خلنا ناكل ..
معتصم بهدوء وهو ياكل : كيف اوضاعك مع اهلك ؟
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
