انتهت اخر محاظره لها لليوم .. اتوجهت للمكتبه مع صديقتها رسيل يكملوا واجباتهم لين تنتهي محاضرات راكان ... كانت مركزه مع كتبها لين سمعت سؤال رسيل لها : وش سويتي في اسبوعين الاجازه ؟
ابتسمت : في الاسبوع الاول رحت عند راما والاسبوع الثاني جلست مع راكان في البيت
رسيل بستغراب : ماطلعتوا ماكان طول الاسبوع ؟؟ غريبه اعرف راكان مايقدر يجلس في البيت
ضحكت : تبين راكان يجلس ؟ كان مجهز لسته كامله للعطله وانجزها كلها .. وانتي ؟
رسيل بحماس : في اول يوم من الاجازه جت امي وابوي من تونس عندي جد كانت اجمل اجازه عندي طول الاسبوعين وهم عندي
ريما شاركتها حماسها : ماشاء الله ولله اجمل مفاجئه لسه موجودين ؟
رسيل : لا امس رجعوا
ريما وهي تجمع كتبها : منجد انك محظوظه بجيت اهلك واثقه ان هالاجازه هذي كانت من اجمل اجازاتك الي قضيتيها هنا
رسيل وهي تقوم ابتسمت مأيده كلامها : جد من اجمل اجازاتي
طلعوا من المكتبه وودعوا بعض وكل وحده مشت بطريق .. استعجلت بمشيها عشان توصل بوقت خروجه بضبط .. وقفت قدام المبنى بعد ماوصلت واخذت نفس عمييق تسترجع فيه نفسها الي راح من المشي .. كان واقف مع مجموعه ويتكلم معهم بينما معتصم كان بعيد عنهم بمسافه بسيطه ويكلم جوال .. تقدمت منه بقهر وهي تشوف البنات الي مع المجموعه الواقف معها .. انتبه انها جايه وترك المجموعه وتقدم لها وهو يبتسم : هلا بحلوتي هلا .. مسك يدها ولف مكمل مشيه معاها : كيف كان يومك؟
ناظرت له ريما وتكلمت من غير نفس : تمام
عرف انها متضايقه من المجموعه الي كان واقف معها : عندنا مشروع جماعي وذي المجموعه بتكون معي
التفت ريما وهي تبتسم : ليش جالس تبرر؟
راكان : مو جالس ابرر بس اقولك يعني انه عندي مشروع وذي مجموعه بتكون معي انا ومعتصم ..
ريما : زين .. طالع مكان اليوم ؟
راكان : لا من متى نطلع بأول يوم في الاسبوع؟؟
ريما : يعني ممكن تقولي بروح للمقهى مع معتصم او بتروح تسوي المشروع معهم
مارد عليها يعرفها زين .. من النوع الي يلمح لشخص خطأه لين يعترف وهي الحين شاكه فيه ! تنهد وجلس يحاول يتذكر وش الغلط الي سواه عشان تشك فيه؟ ...
____________________
الساعه 7:48 صباحاً ..
من بعد صلاة الفجر وهم جالسين يسولفوا او بصحيح العباره ان نايف هو الي يتكلم وجواد يستمع او يرد بجمله ويسكت ....
نايف بنفعال : قسم بالله انك موطبيعي تكلم شفيك ؟
جواد بإبتسامه: يارجال مافي شي .. وانت كل ماخلصت سالفه ترجع تسألني شفيك مافي شي
نايف : ادري انك كذاب ليه مارحت لشغلك اليوم ؟
جواد : ماخذ اجازه
نايف : شعندك ؟
جواد بنرفزه : شفيك ؟ فاتح محضر انت ؟؟
نايف بضحكه : تكلم ليه ماخذ اجازه
جواد سحب عليه ومسك جواله : بالله انطم
سكت نايف دقايق وبعدها سأل : كم صار لك برياض ؟
قام جواد بعصبيه : نايف قسم بالله سؤال ثاني لأهفك بالدله
نايف بضحكه وهو يهديه : اهدى والله اسأل جد كم صار لك ؟
جواد بتأفف : كم يعني ؟! سنتين
نايف : ايواا ... سكت بعد ماحس انه بالغ بالاسأله تنهد بعد ماتذكر سالفه : اييه صح تذكر ابو صلاح ؟؟
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
