انتهى من تلبيس ريتان ورفعها على كتفه : يلا ننزل تحت عشان نطلع بعد شوي
ريتان بطفوله : وين نروح ؟
ماهر : عند عمكم بلال
ريتان بحماس : بروح عنده ! وحمود رايح معنا ؟
ماهر وهو ينزل من الدرج متوجه لصاله : اكيد كلنا بنروح ..
امنه وهي تشوفهم داخلين عندها : ها خلصتوا ؟
ماهر وهو ينزل ريتان بحضنها : خليها عندك انا بروح اشوف محمد اذا جهز
امنه : طيب
ماهر وهو يناظر لريتان : وانتي اجلسي مؤدبه لين ارجع لو رجعت وشفت جدتك معصبه منك مارح تروحي معنا
ريتان وهي تكتف يدها وتتكلم بادب مصطنع : خلاص انا مؤدبه
ابتسم لها ماهر وطلع لغرفة إيلاف بما انه محمد طلب ينام فيها .. فتح الباب ودخل وشغل النور وهو يقفل الباب من وراه .. رفع راسه عن الاب توب من تشغل النور ... تقدم ماهر له : وش تسوي ؟
محمد وهو يجلس بعد ماكان منسدح : كنت اتابع مقاطع في اليوتيوب
ماهر : ماتبي تروح معنا عند بلال؟
محمد : إلا بروح
ماهر وهو يمسك كتفه وينزل راسه لراس ابنه : طيب ممكن نعرف ليش حمودي زعلان ؟
محمد : مو زعلان بس قلت لك امس اني بروح لامي
ماهر وهو يبعد عنه ويتربع بسرير : طيب وانا مالي حق تجلس معي ؟ صارلي اسبوعين ماشفتكم واكيد هي ماخلتكم تجون هنا يعني حرام امي وابوي يشوفنكم ؟ وانا بعد حرام اجلس معكم من غير هواش طول اليوم ؟
محمد وهو يناظر للارض : خلاص امس شفتنا وجدتي وجدي شافونا كفايه كان رجعت عندها
ماهر : هي قايله لك شي؟
محمد وهو يناظر لابوه وبصوت فيه البكيه تكلم : ماقالت لي شي ! بس انا مابي انت تجلس هنا وامي هناك ابي كلنا مع بعض ! وبعدين انا مابيها تزعل مني وماتحبني عشاني تركتها نفسك .. ابي اضل معها عشان ماتتركنا
ماهر بستغراب : مين قالك بتتركنا؟
محمد وبدت الدموع تنزل من عينه : انا سمعتها عند خوالي كانت تقول لجدتي انها بترجع لهم ! وش معنا الكلام هذا ؟ معناه انها ماتبينا وتبي ترجع تعيش عندهم
ماهر وهو يضم ابنه له : قصدها بترجع لهم بعد فتره مو تتركك ! لاتجلس تفكر انت وتختلق قصص مارح تصير .... رغم انه يحاول يهديه ، حس بنار تحرق قلبه وهو يسمع شهقات ابنه وكله بسببها وبسبب الكلام الي تقوله قدامه ... بعده عنه وهو يمسك وجهه : يلا قوم خلينا نطلع جدتك واختك ينتظرونا .. وسحب النظاره الشمسيه من جيبته ولبسها لمحمد وتكلم بإبتسامه : خلك لابسها لاتضحك عليك ريتان اذا درت انك تبكي
محمد بضحكه وهو يرفع النظاره ويمسح دموعه : بعدين تفضحني عند الجميع
مسك كتفه وطلعوا من الغرفه متوجهين لتحت .. كان لمحمد معزه خاصه بقلبه مايدري ليه بس ممكن عشانه حضر كل المشاكل الي كانت بينهم وكان واعي من هو صغير .. عكس ريتان الي ماتدري عن شي لانه كل ماتصير مشكله بينه هو وليلى كان محمد يبعدها عن مكان خناقهم ويحاول يلهيها عشان ماتنتبه واغلب الاحيان كان يجي ويطلع وهو وبوه من البيت عشان ماتكبر المشكله ..... فتح باب السياره حتى يركبوا كلهم وشغل السياره متجه ع المستشفى ...
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
