قبل ثمن ساعات وتحديداً الساعه ٩:٠٠ صباحاً ..
انتهى من تمارينه واستبدل كرسيه المتحركه بالمشايه المعدينه بما انه صار له فتره يتدرب على المشي فيها ..
تكلم الدكتور : من اليوم رح تستغني عن الكرسي وتعتمد على الماشيه لمدة شهرين وبعدها رح نبدا بمستوى ثاني .. تمام ؟
هز راسه وهو ماسك المشايه بأحكام : تمام
طلع من عنده مع احد الممرضات وهو يمشي ببطئ يحس بشعور منعش واقدامه تخطو على الارض .. اخيراً رجع له هالشعور الممتع بعد مافقده سنتين ! .... مجرد ماوصل الغرفه جلس على السرير واتصل على امه بس ماردت عليه سكر الخط ورجع يتصل على إيلاف خلال ثواني ردت : هلا بلال
بلال: هلابك اخباركم ؟
إيلاف : بخير الحمدلله وانت ؟
بلال بسعاده وضحت بصوته : تمام الحمدلله .. وين ابوي اليوم ماجا ؟
تكلمت بتردد : اممم تعبان شوي
رد بنبرة قلقه : وش فيه ؟
إيلاف : ولاشس بس ارتفع عنده الضغط شوي امس باليل
بلال : مين مزعله ؟
إيلاف : ولله مدري بس صارت مشكله مع راكان ومن بعدها والبيت قالب وماحد راضي يقولي شي
رجع شعره لورا بضيق : لاحول ولا قوه إلا بالله ، وش مسوي ذا بعد
إيلاف بضيق : ولله مدري .. المهم اخبارك مع نوال ؟ تكلمتم مع بعض ؟
رفع حاجبه: خير ان شاء الله اسولف معها ؟!
ضحكت : اقول اذا جيت اليوم بجلسكم مع بعض واسوي لكم جلسة تعارف واعتبروها شوفه شرعيه
بلال بملل : اقول شكلك فاضيه عشان كذا بقفل
إيلاف بضحكه : انتظر مسوي فيها خجلان
ابتسم : قفلي قفلي بس .. وسكر الخط
قام بصعوبه وهو يمسك في المشايه .. بدأت عملية طارق من ساعتين واكيد انتهت الحين دامها ماتاخذ وقت .. توجه بخفه للمصعد وضغط على الدور الثاني وهو يجاهد نفسه على التحمل للوقوف لفترة طويله .. كان يمشي بحماس لين وصل للغرفه المقصوده بس تبخر كل شي واختفت ابتسامته اول ماشافها جالسة على الارض مقابل غرغة العمليات وتبكي بكل قوه ..
ناداها بذعر : نوال !؟
رفعت راسها لتوضح عيونها الغارقه بدموعها تكلمت بين شهقاتها : مات يابلال مااات وتركني .. ضغطت على صدرها بقوه وطلعت منها آه من اعماق قلبها : يوجع ولله يوجع الفقد رفعت راسها له : قلبي يابلال يوجعني .. وانفجرت تبكي بكل قوه وتتكلم بصوت عالي بين شهقاتها : كيف كذا ؟ دخل لغرفة العمليات وهو مبتسم ويودعني فجأه يطلع الدكتور ويقولي انه توفى ؟ رفعت يدها وضربت صدرها بقوه محاوله لتخفيف الألم تحرك لها بسرعه ووجثى على ركبته مقابلها وحضنها بقوه ليمنع من ضرب نفسها .. وتكلم ببحه تأثر : ماينفع هالكلام يانوال هذا يومه .. تكلمت بنحيب وهي تشد على تيشيرته : انت تدري اني ماعشت معه لسه .. قضى طول عمره بالمستشفى وتوفى فيها ! ماكان لي نصيب اعيش حياتي معه .. راح وهو يتمنى يدرس ويلعب راح وهو ينتظر لحظه خروجه من المستشفى .. آهه ياقلبي .. ونحنت وتبكي بكل قوه بين يديه
ماقدر يواسيها او يواسي نفسه .. عض على شفته عشان يخفي شهقاته بس ناظر فيها بخوف لمن بدأت تشهق بقوه محاولة لأخذ نفس وماقدرت وفجأه ارتخت بين يديه فاقده للوعي ...
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
