ساند يده ع النافذه ويده الثانيه ع الدركسون .. ويسمع لمحاضرة امه : قلت لك الف مره لاترد عليه .. ياخي خليه يتكلم اسمع من ذان وطلع من الثانيه
جواد وهو ياخذ نفس : ماتحمل كلامه ..ولله رجعه للبيت هذا ماني براجع وخليه يرتاح هو كذا
آمنه بعصبيه : يعني كذا حليت الموضوع ؟
جواد : هو مو طايق جلستي معه .. اضل في بيتي احسن مو هو الي قرر من البدايه اني اطلع من البيت وتزوج ؟ خلاص هذا انا تزوجت ورجعه للبيت هذا ماني راجع ..
آمنه بضيق : ولله تعبتوني ولله اخاف يصير فيني شي منكم ماحد فيكم عاقل او يسمع الكلام ...... نزلني عند بلال
جواد تنفس بقهر على سيرة بلال وعلى كلام امه .. وكمل طريقه للمستشفى الي فيه بلال
آمنه تنهدت بضيق وهو مو معجبها احوال عيالها كلهم : لمتى يعني هالقطيعه؟
جواد : يمه بالله لاتفتحي الموضوع مره ثانيه .. وبلال ان شاء الله بشوفه لاكن مو الحين ! ...
وقف السياره قدام مدخل المستشفى .. التفت عليها : اذا خلصتي دقي
... نزلت وضل واقف لحد مادخلت .. حرك سيارته وهو يحس بضياع .. في كل مره تجيب امه سيرة اخوه .. تلقائي يتذكر اصابته وينعاد عليه الموقف نفسه وهو طايح ع الارض وغارق بدمه ! ... رغم ان السالفه صار لها سنتين .. بس مو قادر ينسى شي منها .. بلال الانسان العاقل المتفهم الي ماكان يدخل في اي موضوع او نقاش يسبب له مشاكل تدمر بثانيه بسببه ! خسر دراسته الي كان متولع فيها وخسر حياته الهاديه الي كان يعيشها كلها بسببه ، ابوه في كل مره يشوفه فيها يرمي عليه كلام يحسه سكاكين .. واخر كلامه اليوم .. اول ماتقدم يسلم عليه .. جلس يتكلم ويفتح في الماضي حاول يسكت يتجاهل الكلام بس استفزه بكلمته " هذا انت تزوجت وعشت حياتك واخوك جالس يعاني في المستشفيات " حاول يسكت مايرد بس في لحضه قلب الطاوله الي قدامه وانفجر على ابوه من قاله " بس انتبه تورط بنت الناس معك واسمعك مطلقها بعد يومين .. بس لو سويتها ولله ماتشوف وجهي او وجه واحد في البيت هنا .. لان مابك امان ... " اتنرفز من ابوه وفقد اعصابه لانه صادق في كل كلمه قالها .. فسخ الخطوبه قبل من بنت عمه و طلق نسمه لاكنه رجعها قبل ماتكبر السالفه ويعرفوا اهله ... حتى هو مايدري السبب في طلاقها .. كان في لحضه يحس فيها بالفراغ بداخله .. يحس بالذنب من كل شي ....
___________________
تقدم منه وحط كوب القهوه قدامه وجلس مقابله : وين ناوي تقضي اجازة الخريف هذي؟؟
حرك يده وهو يشرب من القهوه : كلها اسبوعين بجلس في البيت لين تفتح الدوامات مره ثانيه
راكان : يعني مارح تقضيها في مكان معين ؟
هز يده برفض : لا ، مرتاح هنا ماني نازل لمكان ، وانت؟؟
راكان وهو يرفع رجل فوق الثانيه ويضم الجاكيت اكثر له : ولله مادري ريما بتنزل عند صديقتها تقضي الاجازه عندها ..
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
