إيلاف ضربت يدينها في بعض وكأنها تذكرت شي : صححح نسييت اكلم جواد ... ولله امي لاتذبحني اذا درت اني ماخبرته .. سحبت جوالها من الشنطه وهي تضغط على اسمه وتتصل .. بلال سكت بستغراب من استعجالها بالاتصال .... ضل يرن الجوال لفتره وبعدها ارتفع الخط .. رد بخمول : هلا؟
إيلاف بستغراب : نايم ؟
جواد وهو يقوم عن الكنب ويمسح وجهه يبده : ايه
إيلاف : تمام صحصح معي بسرعهه ابيك بموضوع ضروري
جواد وهو يمشي في الصاله مستغرب من هدوء البيت كمل مشيه طالع لدرج : وش الموضوع؟
إيلاف اخذت نفس حتى تتكلم : قبل امس اتصلت عمتي منيفه ع امي زعلانه ليش ماقلنا لها انك رجعت مع زوجتك ع الرياض .. وماخذه ع خاطرها عليك ليش ماكلمتها او رحت لها .. المهم امي تقول اتصل عليها واعزمها في بيتك او روح لها لاتقطعهم ..
جواد وهو يجلس بصاله الجانبيه تكلم بملل : ان شاء الله في اوامر ثانيه ؟
إيلاف : لا سلامتك ...
جواد : تمام يلا سلام
إيلاف : سلام .. سكرت معه حتى تلتفت لبلال : هو اشفيه منفس؟
بلال رفع كتوفه : مدري عنه
إيلاف : اخوك نفسيه .. المهم تذكر حديقة ندى ؟
بلال بضحكه : ياقدمك وش صار عليها ؟ للان مهتمه فيها ندى ؟
إيلاف : اوووه مهتمه وبس ؟! هذي لو تجي لها ماتطلع منها ابدد قبل امس مصوره لي الطماطم و الجرجير وتقول تعالي كلي من سلطة حديقتي
بلال : لاتكون ذي الطماطم نفسها الي نسى نايف يسقيها وخربت الزرعه ؟
إيلاف بضحكه : ايه هي نفسها وياعمري رجعت من الجديد تزرع فيها وقبل امس طلعت اتوقع نبتت من دموعها
بلال وهو يضحك : لايسمع نايف بس وانتي تطقطقي على زوجته
إيلاف بحقد : مع نفسه هو وراكان بعد مسوين فيها امرؤ القيس
بلال : ياساتر ليش حاقده عليهم ؟ ع اساس انتي وراكان اصدقاء
إيلاف : وع هو وصداقته مالت عليه
كان يستمع لها وهي تشتكي منه ..ممكن تكون إيلاف الوحيده الي تجيب سيرة جواد وراكان عنده وتتكلم طبيعي عنهم عشان ماتحسسه انهم افترقوا ، بستثناء امه وابوه وباقي خوانه مايجيبوا سيرتهم قدامه عشان مايتضايق ... اسند راسه ع المخده وهو يحس بحرقه بقلبه .. مايدري وش المشاعر الي يحس فيها هالحين .. غيره ! غبطه ! او ممكن حقد ... مايدري بضبط وش هالمشاعر الي فيه بس كل الي يحس فيه شي يحرق صدره حررق .. سنتين من عمره راحت ع المستشفيات .. اخوانه خلصوا دراسه وتوظفوا وتزوجوا وكل واحد عايش حياته .. وهو على وضعهه حتى الوظيفه الي كان يحلم فيها ماتوظفها ..احلامه كلها راحت هبااء .. بدل مايتوظف في هالمستشفى كادكتور .. صار مريض فيها ... تنهدد بعمق محاول يتجاهل هالافكار بس مايقدر .. حس فيها وهي تلمس يده وبخوف : بلال تحس بشي؟ تبيني انادي الدكتور؟؟
بلال وهو مغمض عينه : لا.. بس نزلي السرير بنام شوي
تقدمت منه حتى تضغط ع الزر الي بجانب السرير وتنزله له : كذا ؟ ...بلال : ايه
إيلاف : تمام ارتاح وانا بجلس برا لحد ماتيجي امي لانه ماضل شي ع العصر ..
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
