بين زرعها واقفه تسقيهم وريحة الورد مليه المكان ، مجرد ماخلصت اخذت السله الصغيره الي تحتوي على الريحان الي قطفته ودخلت للبيت ...
نايف : وش محصولنا اليوم من مزرعتك ؟
ندى بأبتسامه وهي ترفع السله : ريحان
نايف : اوو ماشاء الله يعني اليوم الشاي رح يكون بالريحان ؟
ندى وهي تجلس جنبه : ايه ان شاء الله وباخذ لخالتي بعد
نايف : يعطيك العافيه
ندى بابتسامه : الله يعافيك
نايف : بتروحي اليوم عند اهلك ؟
اعتم وجها فجأه وقالت بحده : لا
نايف بستغراب : ليه ؟ اليوم جمعتكم
ندى وهي تقوم وتاخذ السله : مالي خلق بروح عند خالتي احسن
نايف بضيق : متهاوشه معهم مره ثانيه ؟
ماردت ودخلت للمطبخ ، مسح على راسه بتعب اكيد فتحوا معها سالفة فيها حمل ، قام داخل للمطبخ : وش قايلين لك ؟
بدات تغسل بالريحان بتجاهل
نايف : ندى اكلمك ! ... كانت مستمره بالغسيل ، تقدم بهدوء خلفها وسكر الماء ومسك اكتافها من ورا : ايش صاير ؟
ندى : مافي شي مهم بس مابي اروح عندهم
نايف : فاتحين معك سالفة الحمل ؟
التفتت عليه وتكلمت بضيق : تخيل انه امس بس عرفت ان اختي حامل وبشهر الثامن بعد !
نايف بدهشه : وليه ماتكلموا ؟
ندى بقهر : اكيد خايفين اني احسدها ومقهوره منها انها متزوجة السنه الي فاتت وحملت وانا خمس سنين وماحملت
تنهد وجلس على كرسي طاولة الطعام : لاتهتمي وروحي وباركي لها واضحكي وجلسي وسولفي ، لانك اذا مارحتي رح يثبتوا فكرة انك مقهوره جد
ركزت ظهرها على المجلى وبدت تمسح دموعها الي استرسلت على خدها : هم بحركاتهم ذي يقهروني جد ! ليه احسدها ؟ بالعكس فرحت لها من كل قلبي بس حركتهم تحسسني اني ناقصه جد !
عض على شفته بقهر من حركات خواتها التافهه ، واذا تدخل وكلم امها مارح يطلع بنتيجه لانه حتى امها مارح تقدر لخواتها ومكايداتهم .. تقدم منها ومد يده ساحب راسها لصدره : خلاص اسحب كلامي من شوي لاتروحي لهم ، تبين تروحي عند امي ؟
ندى بصوت باكي : ايه
ضحك وهو يبوس راسها ويضمها له اكثر : انا وش ابي بالاطفال دام عندي طفله تغنيني عنهم ؟؟
رجعت لورا وضربت صدره بخفه : ماني طفله !
ابتسم : طيب يابابا انتي كبيره
التفتت لريحان وهي تخفي ابتسامتها من مزحه .. ضل يناظر فيها بضيق ، ماحد راضي يستوعب ان العقم والحمل كلها اشياء من الله والعبد مايبده شي غير الدعاء ، غثوها كل ماشافتهم تكلموا عن عقمها وكل وحده فيهم تتفاخر بحملها واطفالها ، امها كبيره بسن وبحالها ماتحب تدخل بمشاكل بناتها ...
_______________
صادفت إيلاف بالممر الي يضم غرفة اخوها و بلال وندمجت معها بالسوالف ونست تماماً عنه عندها دوام العصر ...
نوال : الاسبوع الجاي اختباراتكم ؟
إيلاف بقرف : ايه واليوم اخر مره اجي هنا ! لاني بنحبس بالبيت اذاكر
نوال : اووه يعني مارح اشوفك اسبوع !
إيلاف بدراما : ايه للأسف ، انتي طالبه ؟ او مخلصه ؟
نوال : لا ماني طالبة
إيلاف : من متى مخلصه ؟
نوال : ولله مااذكر يمكن من سبع سنين او ثمانيه ؟!
إيلاف بدهشه : ماشاء الله ! ، كملت بصدمه : هالله يعني كنت انا لسه بالمتوسط او بالابتدائي !
نوال بضحكه : ايه درست دبلوم سنتين كاخصائية تغذيه
إيلاف : ايوااا ، ياحظك ارتحتي من الجامعه وهم الاختبارات
نوال بضحكه : خلاص اول ماتخلصي اختباراتك قابليني بالمقهى الي ورا المستشفى واطلبي الي تبين بحساب المقهى مكافئه على تعبك
إيلاف بصدمه : عندك مقهى !!
ضحكت من صدمتها : ايه بشارع الثاني ورا المستشفى
إيلاف بدهشه : احلفييي هذا حقك !
نوال بضحكه : ولله ليه تعرفيه ؟
إيلاف : ايه كل ماامشي من عند بلال لازم امر عليه اخذ لي دونات ! اظن الي يخلص عليكم الدونات انا !
نوال بضحكه : اييه وانا قول الدونات تخلص دايماً بدري
إيلاف انتبهت لبلال الي طلع من غرفة العلاج : خلاص نتقابل بعد لختبارات
نوال : ايه ان شاء الله
إيلاف : اوك بااي ياجميله
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
