يوم جديد وتحديداً في برلين الساعة ١١:٣٥ صباحاً في الجامعه .. جالس بإرهاق يتأمل منظر الثلج المتراكم في ساحة الجامعة و غارق في تفكيره... رفع نظره لمعتصم الي جلس قدامه وتكلم بستغراب : مواصل ؟
تنهد بنعس : مانمت غير ساعه
معتصم : هالله ليش سهران وعنك اختبارات ؟
ابتسم نص ابتسامه ونزل راسه على الطاوله وتكلم بسخرية : انتظرهم يقبضون علي
رفع حاجبه بعدم بفهم : يقبضون عليك ؟! وش مسوي ؟؟
ضحك من غير نفس وركز ذقنه على الطاولة : متهم بتدمير سمعة العائلة
تنرفز من طريقة كلامه الساخره : ترا كف الحين وش السالفة ؟
تنهد بضيق : اخذوا زوجتي مني ويبون الطلاق
وجيت برسل لها بالواتس مسويه لي حظر !
فتح عينه بوسعها وبدهشه : ياساتر ! وش صاير بالليله وضحاها ؟؟
تكلم بحقد : ريان لعب لعبته القذره واختفى ..ولله لتندم ياريان انت والي متعاون معك .. ضرب الطاوله وبقهر : انا ودي افهم بس مين الي مصور ريما ؟؟ هالكلب مايبي يتوب ؟
معتصم بصدمه : مصورها ؟!!
راكان : ايه وهي تاخذ حبوب من وحده ومركزين الفيديو عليها
معتصم بتعجب : ياخي علاقتكم مع هالشخص غريبه وش مسوين انتم عشان يوصل للمرحله هذي من الحقد والأذيه ؟
راكان بشك : تدري عاد صرت اشك ان اخوي مسوي فيه شي يخليه يحقد علينا هالحقد ! مو طبيعي شلون يمسك واحد واحد فينا كذا من باقي من خواني ؟ ماهر ونايف ؟
معتصم : عجيب امره ولله
تأفف وناظر ساعته : اقول بس قوم معي بروح لقسمها اطلب لها تأجيل لأختبار بكرا
مشى معه وهو مستغرب من هالانقلاب الي صار .. وصلوا لقسمها ودخل راكان عند الدكتور وجلس معتصم في الكافتيريا ينتظره يخلص ...
_____________
انهى اجرائاته وجلس على مقاعد الانتظار وفتح جواله يشوف الرسايل .. ابتسم بخفه وهو يقراء رسالتها " صباح الخير .. لاتنسى تستودع نفسك وتقرا اذكارك وتراك ماكليت شي من امس ف افطر عشان لاتدوخ وتبلش الناس معك .. واستمتع في رحلتك " كانت اول مره يتواصلوا فيها على الواتس .. ماحب شعور الكلامات المكتوبه لانها ماتعطي احساس نفس نبرة الصوت ودفئها .. جته رغبة جامحه في انه يتصل عليها ويسمع صوتها بس تراجع في اخر لحظه
وطلع من صفتحها ودخل على ماهر وارسل " ارسل لي موقع راكان او الحي الي ساكن فيه "
وقفل جواله اول ماسمع النداء للرحلة وتوجه بخطوات متعبه من كل شي صار في هالساعات القليله ... ركب الطيارة وجلس على الكرسي وعينه تنتقل للركاب بملل.. سند راسه لورا وغمض عينه بتعب بس عقد حواجبه بضيق من ريحة الشخص الي جلس جنبه كانت ريحته دخان قويه وكأنه متروش ببكيت وداخل للطيارة .. شعر بمغص شديد في بطنه من قوة الريحه فوق انه ماهو مفطر او ماكل شي من امس يجي هذا مع ريحة دخانه يكتمه طول الرحله .. رفع السكارف على خشمه يخفف من الريحة ورجع يناظر النافذة بقرف ..
____________
انجبر يتصل عليها بعد مانتظرها ترد على رسايله ليوصل له صوتها المتضايق : الو ؟
ماهر برسميه : هلا ريما ؟
ريما بتفاجئ : ماهر ! اخبارك ؟
ماهر : بخير الحمدلله ، الحمدلله على السلامه
ريما : الله يسلمك .. بغيت شي ؟
ماهر : ارسلت لك على الواتس بس مارديتي كنت ابي موقع شقتكم او الجامعه في المانيا اذا عندك موقع او الحي او اسم الجامعه
تكلمت بفرحه : مسافر عند راكان !
ماهر : مو انا جواد
سكتت لثواني بقلق وبعدها تكلمت بضيق : عشان سالفة المخدرات ؟ تراها حركه مقصوده بس ماحد مصدقنا !
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
