عصر اليوم التالي ...
.
مدت لأمها العباية : يمه نروح اول لنوال وبعدها نروح لبلال !
اخذت العبايه منها وتكلمت برفض : لا بشوف بلال اول
لحقت امها للباب ومحاوله لاقناعها : يمه خلينا نشوفها وتسولفي معها عشان اذا ارتحتي لها نجس نبض بلال ونشوف رأيه .. اضربي الحديد وهو حامي يمه !
تنهدت بقلة حيله : طيب يا إيلاف بنضرب الحديد وهو حامي مشينا
باست راسها بحماس : ايه كذا يمه خير البر عاجله
فتحت باب السياره : طيب ياام الامثال ادخلي
ضحكت ودخلت السياره ودخلت وراها آمنه...
بعد فتره زمنيه بسيطه وقفت السياره مقابل المقهى .. دخلت إيلاف وآمنه حتى تنتطق بأعجاب : ماشاء الله ذوق
ابتسمت : الحين بتشوفين الذوق كله خلنا نجلس اول
جلسوا على احد الطاولات وبدأو يسولفوا لين تجي نوال .... بعد دقائق طويله تقدمت نوال بأبتسامه : السلام عليكم
وقفت : هلا بحبيبتي نوال هذي امي
مدت يدها تصافحها وعينها تغرق بملامحها الي تقاسمها مع ابنها : هلا خالتي
آمنه : هلابك نوال .. اخبارك واخبار طارق ؟
نوال : بخير الحمدلله
ربتت على كتفها : الحمدلله الحمدلله
تذكرت كلام إيلاف امس عن خطبتها وعن موافقة امها .. عرفت سبب الزياره اليوم .. حست بأحراج شديد وهي تشوف عيون آمنه المتفحصه لها : وش حابين تطلبوا ؟
إيلاف بحماس وهي تشوف عيون امها الراضيه : هممم قهوه عربي وبان كيك .. زين يمه ؟
آمنه : زين
اخذت طلبهم وتركتهم .. تأملت ملامحها طولها المتوسط شعرها الواصل لأكتافها ملامحها الهادئه تعطيها اصغر من عمرها وكأنها في ٢٠ مو ٢٨
إيلاف بهمس : هاا شرايك يمه ؟ سبحان الله احس بينهم تناغم
آمنه بشك : هو بلال طالبها ؟
ضحكت : لاولله هو مايدري بس انا حبيتها وابيها لبلال ! ولله يمه البنت بنت عيشه ومحترمه واخلاق .. وجيتها بكل الاتجاهات بشوف شخصيتها كيف بس واضح انها هاديه ورايقه وماهي حقت مشاكل وبلال يحتاج وحده نفس كذا ! مو مثل أحلام الشر يطلع من عيونها ولسانها طولها !
آمنه بتأنيب : عيب ! تضل بنت عمتك مهما سوت وخلاص البنت بتتزوج وتشوف حياتها لاتجلسي تجيبي سيرتها
حطت يدها على فمها : هه سكتنا مارح اجيب سيرتها
_____________________
رمت الكتاب بقوه : قوم انقلع عني شوف غيري يدرسك
قام بزعل وتوجه لكتابه ياخذه وتكلم بعصبيه : مابي ادرس مابي ! وخليني اجيب صفر من عشره مايهمني .. ودخل غرفته وسكر الباب بقوه
ليلى بستهزاء : ماهميتني رسبت او نجحت .. صدق جيل قليل حياء .. تكلمت بنرفزه بخاطبه ريتان : وانتي قصري على صوت التلفزيون لاقوم اكسره على راسك !
ناظرت بطرف عينها وقصرته شوي : ماما انتي ليه عصبيه ؟ خاله ندى وعمه إيلاف مو مثلك طيبات حتى جده آمنه طبيه بس انتي العصبيه والشريره نفس الشريره الي عند سندريلا
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
