بعد مانتهت من شغلها توجهت لسيارتها راجعه للبيت .. بتتغدا وتجهز لدوام العصر ..... وصلت للبيت الي كان عباره عن شقه صغيره مكونه من صاله متوسطة الحجم وثلاث غرف ومطبخ وحمامين وسطح جانبي ..... دخلت الشقه ورمت عباتها ع الكنبه ودخلت الغرفه طلعت لها بنطلون اسود مع قميص خفيف سماوي .. دخلت الحمام واخذت دش وطلعت لبست وتوجهت للمطبخ ... سخنت لها من غداها امس وتغدت ع السريع ورجعت لغرفتها تكمل باقي تجهيزاتها ....... ع الساعه 3:05 كانت في السياره متوجهه للمستشفى بتشوف اخوها قبل ماتروح لدوامها ... وصلت للمستشفى وركنت سيارتها بمواقف السيارات ودخلت للمستشفى متوجهه لغرفة اخوها ... فتحت الباب حتى تشوفه ملتهي بالعبه الي معه وواضح انه مركز .. رفعت النقاب من وجهها وجلست جنبه وحضنته : مساء الخيير
طارق : مساء النور .. ليه ماجيتي الصبح ؟ صح اليوم اجازتك من الشغل؟؟
نوال : اسفه ولله ياعمري بس عشاني غبت يوم الاثنين عوضت اليوم الي غبته باليوم بس اوعدك بكرا بجلس عندك طول اليوم ب
طارق بإبتسامه : طيب ... رفع اللعبه لها : تعرفي تسويها ؟ حاولت اسوي نفس بلال بس ماضبطت مدري كيف يسويها.. تعرفي؟
نوال : امممم طيب اعطينياها وبحاول اسويها في البيت لاني الحين مارح اقدر اركز
طارق بحماس : طيب خذيها وهمس بصوت واطي : بس لاتقولي لبلال انك سويتيها
ضحكت : اوكك مارح اقوله واذا سألك وين اللعبه قول انك سويت شوي منها ومخبيها عشان مايشوف تمام؟
حرك راسه بحماس : تمام
____________________
جالسين بالمقهى المعتاد وهو كان يطقطق بملل على الكيبورد .. رفع حاجبه بقهر : هي ترا تقسيمكم لشغل ظلم!
راكان وعينه ع الجوال : ليه؟
معتصم بقهر : ليه انا الي ماسك ترتيب العرض ؟ وانتم بس عليكم ترسلوا لي البحث؟ وكل شي علي من ناحية الترتيب والتنظيم حتى فكرة البحث انا جبتها!
راكان رفع نظره له : بما انك قائد المجموعه لازم يكون اغلب الشغل عليك !
معتصم : تعال ساعدني واتصل على الاربعه الباقين يجون هنا نكمل الشغل مع بعض وكل واحد يسوي فقره وإلا ... رفع الدفتر الي موجود فيها اسماء المشتركين في المشروع وابتسم بقهر وهو يرص على القلم تحت اسم راكان: حذفت اسمك من المجموعه بحجه انك ماسويت شي
راكان بصدمه عدل جلسته : وش دخلني انا !؟ انجزت شغلي اول واحد
معتصم : عشان تعرف مره ثانيه كيف ترشحني اكون القائد وبما اني القائد الحين فقدر اسوي اي شي .. اتصل عليهم الحين وخليهم يجون
راكان وقف : خلاص بكرا بنقولهم الحين مافي احد رح يرد علي .. سكر جهازك ومش معي
معتصم وهو يسكر الجهاز : وين؟
راكان : ياخي متضايق امش نطلع من هنا
رفع شنطة الجهاز ع كتفه ووقف جنبه ومشيوا : ليه وش فيك؟
راكان : مدري .. امش بروح اللعب
يروح يلعب ؟ يجلس يناظر فيه ثواني يحاول يفهم وش دخل اللعب في الضيقه؟ اصلاً وش يبي يلعب ؟ ..... جلس يمشي جنبه لين وقف قدام الملعب التفت عليه راكان : تعرف تلعب
رفع حاجبه : في احد مايعرف يلعب كوره؟
راكان : مو قدم ؛ سله
معتصم : ماعمري لعبتها بس عادي نجرب
راكان وهو يرمي جاكيته ويرفع اكمامه : خلاص انا الفايز اشتري لي شي اشربه
معتصم : الي يعرف يلعب كرة قدم يعرف يلعب السله
راكان بضحكه : ياهوو ارحمنا يا كريستيانو .. اقول ادخل العب بس ...
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
