ركبت السياره بمزح : اخصص من متى الكشخه والسياره
راكان وهو يعدل المرايه الاماميه : جاي اخذك ماتبيني اكشخ ؟ صارلي اسبوع ولله مارجعك للبيت بنروح نلفلف بكل مكان وبعدها نرجع
ريما بضحكه : رح تهلك سيارة معتصم !
راكان : عادي مره بسنه تنهلك مارح يصير فيها شي ، هو لو يشوف وش كنا نسوي بسياراتنا كان حمد ربه على الاحترام الي اعامل فيه سيارته !
ريما بحنين : ياااه اشتقت لايام خطبتنا ! لمن كنا كل جمعه نجتمع وننسحب انا وانت من الجلسه ونطلع وماحد ينتبه غير لمن يفضى البيت !
راكان بأبتسامه : ونتحجج انا نتمشى حولين البيت وحنا كذابين
ريما وهي تسحب يده : طيب بما انه جالسين نعيش اللحظات نفسها ف خذ ذي ، لبسته اسوارا خرز سوده
رفعت يدها له حتى توضح سوارتها الي بنفس التصميم لاكن بالون الابيض : شرايك
ابتسم وهو يخلخل اصابع يده بيدها : تجنن عطيني عطرك
ضحكت لانها كانت متوقعه الحركه منه ، اي شي تهديه له لازم يعطره بعطرها حتى لو هي معطرته قبل لازم يعطره هو عشان تثبت ريحتها بكل اغراضه وهي اخذت الحركه منه ، فتحت شنطتها واخذت العطر ومدته له : خذ
مسكه وبدا يرش على الاسواره : مامعي عطري الحين بس نوصل برش لك
ريما بضحكه : اوك
______________________
الساعه صارت ١٢ باليل نهله مشيت بعد صلاة العشاء .. وهو لسه ماجاء حتى رساله وحده مارسل ! اخذت نفس بتعب من كل شي ماتدري وش نهايه التجاهل هذا .. دخلت عليها روان وبصوت واطي : تيجي نعمل لنا شي ناكله ؟
نسمه بستغراب : انتي لسه مانمتي؟
روان وهي تتقدم منها وتجلس جنبها ع السرير : بكرا بغيب عشان كذا لازم استغل كل دقيقه اليوم وبكرا
نسمه : وليش غايبه؟
روان بملل من اسألتها : باخذ راحه من الدراسه .. الحين ردي ع سؤالي بتيجي تاكلي معي ولا اروح اكل لحالي ؟
نسمه وهي تقوم : قومي طيب يلا نشوف وش ناكل ... هي امي وين ؟
روان : راحت تنام ... دخلت المطبخ وهي تفتح الدولاب وتطلع كيسين اندومي : تبين اندومي ؟
نسمه : اسرع شي .. سويه وانا بحط لنا شبسات وبجهز شي نشوفه
روان بحماس : ياااه ذكرتيني بسهراتنا من ورا امي ونروح للمدرسه مواصلات وهي ياعمري ماتدري غير لمن نقول لها
نسمه ابتسمت وهي توزع الشبسات بصحون : يلا خلينا نحي الذكره بسرعه خلصي الاندومي ولحقيني لصاله
روان : اوكك بس اخاف يجي جواد فجأه ويخرب سهرتنا
نسمه ماردت وهي تاخذ الصحون وتمشي لصاله تحطهم في الطاوله المقابله لتلفزيون .. واخذت الريموت وهي تقلب بالقنوات على شي يشوفوه .. وقفت بعد ماحطت على mbc2 واخذت جوالها فاتحه على صفحته في الواتس .. طالع من المغرب وماكلم كل هذا شغل!! اتحدى .. جت روان بسرعه وهي تحط الصحن قدامها وتجلس : وش ذا الي فاتحه عليه ؟
نسمه : مدري فلم وفتحته اذا مو عاجبك شغلي الي تبيه او اقولك افتحي على السبيستون اشتهيت اشوف كرتون
روان : استغفرالله الله لايبلانا ، الحين مسوين هذا كله ويعنني بسهر معك وفي الاخير تبين سبيستون ؟ اقول قومي لغرفتك احسن
أنت تقرأ
لآذار صورةٌ أخرى من «الحنين» لآذار لغةٌ أخرى من النّبض.
Romanceقد يهدأ الطّقس الرّبيعيّ قبـل أن يغتال هدأته، وقد يرجئ وقـد البراكـين؛ حتّى تتمّ الولادة: ولادة السّكون الـمرعب، وألـمعيّة النّرجس، وأقـبية الوحدة، وكلّ السّنين الّتي شنقت أطيافها... ولادة فضاءٍ من الأمس الـمخمّر بالذّكريات، وبانتكاسات الـمواضي الـم...
