ثلاث دمعات

البارت 34

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 34 -

أحس متغير أني ومالي خلك الناس
وأحس تعبان كَلبي من الوكت مقهور
مثل غيمة حزن تمطر.. علي كبريت
وأنااا بنار عايش... والدموع تفور
كل يوم الأمس مثل الفلم ينعااد
وباچر والأمس والجاي نفس الطور
ناعور الوكت يسگيني جان أشعار
وأفتر الوكت وانا الصرت ناعور
جنت أضحك وأسولف ويا هذا وذاك
على غفلة ولكيت الناس كلها جور
طرت بجناح واحد للفرح فد يوم
شو حتى الفرح ردني بجنح مكسور
ضيعت البخت وإنه الجنت محظوظ
حتى ويا العشك ما عشت لحضة بنور
يا گلبي شكثر عذبتك انت وياااي
أحس گلبي على گلبي من الحزن مفطور 💔

دارين :- توجعني أنت
گلتها وبچيت بقوة
ناصر :- دارين دارين حبيبتي بس أهدي
لتبچين
دارين :- تعال ناصر بعد ما أتحمل مو چنت اگلك
اندمك اني الندمت والله اني
ناصر :- أهدي وكل شي راح يتصلح لا تبچين
داريني

دارين :- هممم
ناصر :- أجي عليچ
دارين :- تعرف اني وين؟
ناصر :- وين احجي
دارين :- فوگ السطح تعاركت ويه شاكر
ومرتة وشردت للسطح
ناصر :- لا بربچ جايج انزلي حضري نفسج بعد مااخليج دقيقة
دارين :- من تجي كولي حتى انزل
ناصر :- اول تالي دارين تخاف؟

دارين :- مااخاف طبعاً بس ماعندي طاقة بعد
سكت ورجع گال :- تقبلين ترجعين وياي
دارين :- لو مرايدة هالشي اني صدگني چان ما أتصلت بيك ولا عبالك اتصلت بيك بسبب مشاكلي ويه اهلي لا صدگني اني متعودة وهذي لا شي عندي
اني شفت هواي ومريتهن وعبرتهن ضلت ع هاي بس
اني احتاجك ناصر تساعدني اتخطى مخاوفي؟!
واتجاوز عقباتي؟

ناصر :- اي مخاوف دارين
دارين :- تعال مو مال موبايل
ناصر :- داريني
دارين :- همممم
ناصر :- انبح صوتة وگال بهدوء لا بس
راح اوصللكم من اتصل بيج نزليلي
دارين :- ماشي

سديتة وبقيت گاعدة بمكاني احمد ربي واشكرة
ناصر حيرجعني وكتها عاهدت نفسي اصونة
واصير أميرتة من صدگ .. باوعت لحالتي
الشعر مكفش وشفتي الدم يابس عليها
وبلوزتي وردية والبجامة سمائية فتحت كاميرا الموبايل واخذت صورة لنفسي وشفتها عيوني مورمة ومنتفخة وحالتي حالة مسحتها واول مرة احس اريد اترتبلة واريدة يشوفني بأبهى صورة..

شوية ونور موبايلي بأسمة فتحت باب السطح
ونزلت راد تجرني حمدية من شعري لويت ايدها
ورحت ركض للاستقبال شفتة واگف وية ابوي
العار ... هو شافني مثل الفز اجة بسرعة اتجاهي
ناصر :- دارين منو مسوي بيچ هيج؟

دارين :- ناصر بعدين نحچي خلي اجيب عبايتي واجيك
ناصر :- لا هسه نحچي گولي ياهو المتعدي عليچ؟
دارين :- باوعت لشاكر بحقد
بسرعة التفتت ناصر
ناصر :- عمي بأي حق تسوي هيج بحرمتي واظن مو من شيمنا نضرب مرة ونتلذذ بضعفها

شاكر :- كبرت يا ناصر وتوگف بوجه عمك لخاطر حرمتك الي هية بنتي
ناصر :- لا تنسه يا عمي مرتي كرامتها من كرامتي واحترامها من احترامي واليدوسها ع طرف گائن من يكن راح يلاگي الما يسرة انت عمي وماريد اثگل بالحجي وياك بس الصار اليوم لا يتكرر حتى ليصير شي ما يرضيك