ثلاث دمعات

بارت 2

# ثلاث دمعات
الكاتبة : ســندريلا ||𝐒𝐀𝐑𝐀𝐇 ♡.
البارت - 2 -

محتاجه لحـــضن مابي عطر شـمات
محتاجه لحـــنان وشـــوگ يچــويني
محتاجه لنـ،ــهر مابـــي ولا سابـــوح
امـوت بــداخلة وبـــلهفة يحـــييني
محتاجه المــطر بس مو مطر بالصيف
ثلـــــج فــــوگاية ينزل مــــو يأذيني
محتاجه الشمس ملـيت شكل الغيم
اريد احضن ضــــواه وخلي يعميني
محتاجه استقر واضحك صدگ فد يوم
مو تضحك اشفافي ودمعتي بعيني 🖤..

أمنية...
حسيت بدفو أني وين؟
أسمع أصوات يمي... شصاير
اني وين ميتة لو حيةةة؟
حسيت ع ضربات خفيفة ع خدي
ثگل ع عيوني مو گادرة أفتحهم
صرت أفتح عيوني ببطئ...
ماشفت غير غواش... شوي
شوي اتضحتلي الرؤية
هاي دارين... وهاي طفوف
گاعدات يم راسي ويبچن..
بللت شفايفي وحجيت بأستفهام : ش ـشصاير

سرعان ماداهمت الاحداث ذاكرتي
تنهدت بحزن وبلعت ريق علقم ونزلت دموعي
بحزن وأسى ع حالي وحال أخواتي
حجيت :انـي شلون دخلت هنانة؟
حجت طفوف من بين شهگاتها : نامو أبوي وحمدية
عاد گمنا بحذر نريد نفتحلج البـاب... وشفناچ
واگعة ع الارض وملابسج تخر ماي وشفايفج مزرگة
گعدت أبوي وگتلة گال اذا ماتت ندفنها باجر و لف راسة ورد نام

عاد شلناج انـي ودارين وجبناج للغرفة بدلنالچ
وغطيناچ خاطر تدفين "وبچت بقوة"
أمنية غصبت روحي ع الابتسامة وگلت :- هسا ليش كل هالبچي؟
دارين مغطية وجهة بأيدينها وتبجي بنحيب
نزلت دموعي وگمت من فراشي اخذتهن لحضني
وبجينا احنا الثلاثة
وأعتلـة صوت شهگاتنا تلمست گصت دارين
صاير نار جمر وشفـت طفوف نفس الحااالـة
تخبلت گمت من مكاني بسرعة

جبت الوصلة والماي...
أخذنهن من ايدي
گالت دارين :-اني اسوي لطفوف وطفوف تسويلي
أمنية برفض قاطع :- لا لا تمددن خلني أسويلجن كمادات حرارتجن مرتفعةةة حيل
انـي زينة ما بية شي هياتني گدامجن
خليتهن يتمددن وضليت أسويلهن كمادات
ودموعهن تصب
أمنية :هسا غير أعرف ليش هالبـچي؟؟!!
دارين : خفت عليج أمنية خفت تموتين وبعد
ما أشوفج
طفوف :احاجيج وما تردين... أصيحج وما تسمعين
عبالي صارلج شي والله نموت بدونچ
دارين :اني ما أگدر بلاچ و ﷲ

أمنية.. أبتسمت وبوستهن من راسهن
وحجيت : ولا أني أگدر أعيش بدونجن
ولا افارگجن ...
طفوف : أمنية مالج دخل بحمدية تعودنا عليها
والله اذا صارلج شي نموت وراچ
جريت حسررة بقهر وگلت بحزن : ان شاء الله

ضلينا نسولف كل الليل ما نمنا
دارين وطفوف ضليت أسويلهن كمادات
حدما فكن شوية من الصخونة..
وصارن أحسن
تمددنا ثلاثتنة وطبگنا الغطا وتغطينا

اني نايمة بين دارين وطفوف
گلت :- شتتمنن
حچت طفوف: اني أتمنى عندي أم

"سكتت ما رديت "
گالت دارين :- لا اني ما أتمنى عندي أم
لان أني عندي أم بالفعل... ليش أتمناها وهي ما تتمناني ليش، أتذكرها وهي ناسيتني؟
أبتسمت ع كلام دارين
دائماً كلامها أكبر من عمرها...