ثلاث دمعات

بارت 39

.#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت -39-

لسان حال أمنية...
مثل كل يوم، أرد تعبان
أشمر روحي بفراشي
يلوليلي التعب وأغفى،
مثل كل يوم..
أگول الدنيا ما تسوى🖤

گعدت الصبح ب ٧ رتبت الشقة وسويتلي كوب جاي
وگعدت ع الميز أشرب ومشغلة دعاء الصبااح
باوعت لأرجاء المطبخ وتنهدت أي وبعد وين راح يصفا
بيه الحال ذبيت حملي ع رب العالمين وگمت أسبح...

سبحت وطلعت أمشط بشعري ودگ موبايلي
باوعت للأسم "عمتي رحاب" أستغربت شعجب من الصبح
رفعت خط وبعد السلام گالت اريد أجيج أتريگ وياچ ما گدرت الا انطيها العنوان....!!

بقيت افتر بالشقة وأعزل ولبست صايتي ورحت
للسوبر ماركت جبت صمون وأجبان وقهوة ورجعت
احضر بالريوگ وانتضرها توصل...

الى ان وصلت وصلت عمتي وجايبة
وياها اشكال وارناگ
هوايه اشياء من احتياجات البيت وحتى مسواگ
جايبة ممخلية شي مجايبتة وياها وجاية كثر خيرها..

أمنية :- عمة والله احرجتيني شدعوة هلگد جايبة
والله ميصير تكلفين نفسج هالشكل
رحاب :- تستاهلين يمة انتي بنيتي الما جبتها
أمنية :- الله يسلمج عمة وانتي ام الما ولدتني
ما قصرتي ماادري شلون أشكرج
رحاب :- تدللين بنيتي

أمنية :- گمت جبت الريوگ وأجيت تريگنا وضحك
وسوالف بس ابد ما جبنا طاري الهالموضوع ورة مكملنا شلت الصينية ورجعت
رحاب :- عوفي كولشي من ايدج عمة وتعالي عندي
سالفة وياچ
أمنية :- گولي عمة أسمعج
رحاب :- يمة بدون لف ودوران اني اليوم اجيت اطلب ايدج لأبني أمير

أمنية :- أنصقعت من طلبها وبعد كولشي صار الة
عين وجاي يريد يطلب ايدي وشيترجى ممكن أوافق
عليه طيرت عيوني بتعجب ورديت بأستجهان
أمنية :- مستحيل عمة انتي وطلبج ع عيني وع راسي بس مال أوافق ع أمير هذا شي مستحيل
رحاب :- انطي فرصة لنفسج والة هو دزني وشاريج وطلع هاويج والشيطان زينلة الرذيلة ودفعه عليها
وهو معترف بغلطة ويريد يصحح غلطة لتقفلين الأبواب بوجهج ووجهة وانطي فرصة والله يحبج..

هزيت راسي بأستنكار ورديت برفض قاطع
أمنية :- عمة أرجوج أني امير مااكدر اوافق عليه
رحاب :- ليش شبيه أبني
أمنية :- عمة لتزعلين مني بس امير احسه شاب طايش وهذاك اليوم شارب وراد ينتهك شرفي
وهالأمر قناعة واني ما أگدر أوافق وبس اخلص دراستي أرجع للبصرة...!!

رحاب :- يمة شفايتلي تجين يمي وتوافقين دفكري
فدوه لعينج ماريد منج هسه اي جواب فكري براحتج
ورديلي خبر واني وابني مستعدين نتتظرج شگد متحبين
أمنية :- عمتي والله ماكو نصيب
قاطعتني من گالت :- ماريد اي جواب منج هسه فكري ورجعيلي خبر تنهدت وهزيت راسي بأيماء..

سولفت عمتي شوية وراحت ... هالأمير مو راضي
يفك ياخة عني شلون أوافق عليه..؟؟
وبأي عين يطلب ايدي يريد يصحح غلطتة او
بالأحرى اغلاطة الي جنت أعبر وافوتهن ألة..!!