ثلاث دمعات

بارت 37

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 37 -

لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه 🖤

أمنية.. بقيت بالمطبخ مادري شسوي مااحس الا
أمير داخل عليه يطوطح ومبين سكران
متت بدمي من الخوف اجة عليه ويصيح ويجر بالكلام
امير :- لجججج امنياااااا اليووووم انتي الي
يعني ألي...!!!

لحظات هي بس لحظات بس الرعب العشته بيها
مينوصف احس عقلي، ضرب وكل عضو بيه
يرجف من الخوف.. تقدم عليه ويباوعلي بنظرات
يشمئز البدن منها رجعت ليورة وبلعت ريگ من
علقم وحچيت برعب :- أميرررر اصحىٰ ع روحك
شبيك أني أمنية لتأذيني أمير

هز راسة وضحك وگال :- ايي أنتي أمنيتي
ومرتي اليوم تصيرين مرتي وو×××××
من گال هيج گلبي راد يوگف من الخوف
گالها وهجم عليه من حرگة گلبي بقيت اضرب بيه
وأملخ بيه بس ولا كأن سكران بيه كل الحيل
شمرني ع الگاع ونام فوگاية أنفاسي نقطعت..
وحسيت هاي نهاية المطاف وماكو أي مهرب..

ايدة تتلمس بجسمي انجنيت شعور ماضل براسي
الشرف غالي عشت كل عمري بذل وفقر بس
غنية بشرفي... حاولت أبعده ادفع اضرب قيد
ايديني ونزل ع رگبتي ينفخ بانفاسة القذرة بيها..

من سوة هيج ماأدري منين اجتني القوة
رفعت رجلي وضربته ع المنطقة الحساسة
بكل قوتي وگع ع ظهرة گبل ولازم نفسه ويون
من الوجع من شوطت گلبي تفلت عليه باوعت لموبايلي واگع بالگاع أخذتة وطلعت اركض

فتحت باب الشارع لفحني الهوا الضلام حالك
ماجنتي واعيه ع روحي شسوي بس اهم شي
انقذ نفسي من هالقذر طلعت حافية وبدشداشتي
وبس موبايلي وياي أركض ودموعي تتسابق وياي
حتىٰ شال ماكو ع راسي... ليل والساعة فوگ
الوحدة الافرع فارغة بس السماء والطارق وصوت
فحيح الأشجار عالي...

وگفت اباوع نفسي اني وين حتى ماادري
لا عندي احد هنا ولا عندي شخص التجأ ألة
اباوع للبيوت كل العالم مقفلة بيبانها ونايمة بسلام
نزلت دموعي بغزارة وضعف وقلة حيلة
گلبي وجعني لزمتة وگمت افرك بيه وابلع بعبرة
وتخنگني الاقوة منها...

خليت ايدي ع عنقي وامسح عليه اريد اتنفس
أختنگت واني بنية ووحدي وبنص الشوارع
القلق مسيطر عليه بچيت بوجع گلب رفعت
راسي للسماء وهمست بنحيب :- ربي أسندني
يا سند من لا سند له أللهي انت دتشووف حالي

تذكرت مولاتي وسيدتي السيدة زينب
(عليها السلام) والجرة عليها جهشت بنحيب
وشهگاتي تگطع گلبي... نخيتها توگفلي وتفزعلي
اوووف يا سيدتي ومولاتي انتي حاسة بيه
والبگلبي بحق دم الحسين أحلفج بقمر بني هاشم
توگفيلي بهالشدة وترفعين أيدج للباري ..