ثلاث دمعات

بارت 19

# ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 19 -

شلونكم؟؟
شلون لون المستحه البوجوهكم
مثل الاول؟؟لو خبط مايه وتغير لونكم
جنت اشوف الشمس تطلع مرتين
مره من حظن السما..
ومره تطلع من اشوف اوجوهكم
شلونكم ؟؟شلون حال الوفه بين عيونكم
تربي لو عافت سججنه
انه بعيوني اشك ولا اشك بعيونكم
انه بكَليبي اشك ولا اشك بكَلوبكم🖤

طفوف.. نهبطت من شفتة وبلعت ريگ
بخوف ورهبة هو نزل بسرعة وعيونة
تجدح اعصاب انطة السويچ للسايق
وتقدم اتجاهي من الخوفة حتى دارين
بعد ما التفتت الها اجة عليه
خزرني ولزمني من زندي ودخلني
جوا وايدة تعصر بزندي حيل
غمضت عيوني بوجع
بنبرة غاضبة وحادة وبصوت مصرور
گال :- گداامي فوگ..

وعاف ايدي لزمت ايدي وفركتها
بوجع باوعتله خازرني وعيونة ملتهبة
بنار العصبية خليت وصعدت فوگ
أركض دخلت والخوف مسيطر ع
كل مساحة بيه اول مرة اشوفة بهالعصبية
دومة هادي تبلعمت بمكاني و
بقيت اخذ شهيق وزفير احس انفاسي
نگطعت....

شوية وفتح الباب ودخل بهيئتة
الغاضبة ورمقني بنظرة حادة دخل
ورگع الباب حيل وصاح بعلو الحس وهو صاك ع اسنانة :- فهميني شنو معنى وگفتج بالشااررع؟
بللت شفايفي بخوف وجاوبت بتلكأ :- والله رردت
رفعت نظري عليه عيونة صايرات بگصتة
وصاك ع اسنانة رجفت بقوة من منظرة
وسكتت فززتني عيطتة من گال بنبرة
عالية :- شنهييي الي ردتي ما تحچين..

تلألأت الدموع بعيوني وجاوبتة بخوف
وحذر واني اقطع بالكلام :- عفية لتصيح
والله ما أعرف احچي والله وخليت ايديني
ع وجهي وبچيت بقهر وقوة وگلبي يدگ سريع
من گدما خايفة ومرتبكة

گعد الجرباية ويمسح ع لحيتة
ويردد الأستغفار بقة ع هالوضع فترة
مو قليلة واني اباوعله بخوف واستنجاد
اندار عليه وزفر بقوة وگال :- تعالي هنا
وأشر ع المكان اليمة

رحتلة امشي واجر بثياب الخوف
وگعدت يمة وشهگتي مداسيطر عليها
وامنعها تطلع ولا دموعي التصب گادرة
اوگفها....
بنبرة هادئة لكن ممزوجة بصرامة :- آسمعچ

رفعت عيوني عليه وباوعتلة بتوسل ورجاء
وحچيت بحنجرة مجروحة :- والله والله ردت
أشوف أختي
قابلني بنظراتة المحتلتها معالم الدهشة
وسأل :- وتشوفينها بالشاارع ؟
خليت ايدي ع حلگي اكتم صوت شهگتي
مو بيدي والله اخااف حتى كلامي مبعثر
ومو گادرة اتمااسك...

هز راسة وگال بعصبية :- شلون تطلعين وتوگفين
بالباب شيگولون الوادم لو شافوچ...
سكتت ما رديت وبس دموعي تعبر ع قلة حيلتي
رفع اصبعة وگال بتحذير :- تصرفات طايشة
ما أريد أگول ما تعرف اطباعنا ومتساهل وياچ
هذا التصرف مرة الاخرى ما يتكرر
احنا عالم معروفين واي تصرف خطأ هاي الوادم
تلكاه حجة حتى تجيبنا بالرايحة والجاية
بهاي فعلتج غلطتي وهالغلط ما اريدة يتكرر
اريدج فطنة ولا تتصرفين من راسچ لو احتاريتي
بأمرچ تعاليلي واشور عليچ.... يابوية لا تبچين
يمكن صح انة عصبت بس لان تصرفج نرفزني
وما سيطرت ع اعصابي انة كل الاريدة اعلمج
ع اطباعنا واوعيج اختج لو ردتي تشوفينها
امنعچ منها انة؟ بس گولي وتدللين بالتردينة
انتي مرتي وانة ما اريد واحد يجيب طاري
مرتي بالمو زين... من هاي عصبت وجر
راسي وباسة...