ثلاث دمعات

بارت 13

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 13 -

خـريفَ سنيني ورگـ🍂ـة تسـابگ بورگـة
أدور بـروحيَ غير همـَوم ماألگـــة
ماكلـنـيٰ الوجعَ وبروحي لمةة آه
بس أضحكَ چذبَ والـوادمَ مصدگة 🖤

. طفوف... من بعد ذاك اليوم ولسة ما صار
اي شي جديد حتى هو من يجي
ماعندة غير "جهزيلي الحمام"
والصبح يريد چاي،،، عمتي
بيومها راحت وجايبة اشكال وأرناگ
الملابس الماركات شگد حلوات بس مو
بعيني من اتذكر سخريتها مني ومن لبسي
اموت من القهر يعني اني شبيدي
فقيرة! اني خلقت نفسي فقيرة!
بس هو الفقير ما يعيش وحتى محد يحترمة !!
هذا واقعي ودااعيشةة

جانت دنيا الظهر وهو لساتة نايم
مرات من الصبح يطلع ومرااات
يبقى للظهر يلا يگعد من بالبيت
هوايه خطار يجون عليه واني ابقى چاي، ماي
قهوة...

بعد ما خلصت كل شغل البيت وحسيت
حيلي انهد حتى اذا البيت نضيف
ويلمع لازم ارجع انضفة وشرط من فوگ
ليجوة والله والله ابقى الاهث من التعب

صعدت فوگ حتى أسبح وارتاح شوية
شفتة متمدد بالجرباية ويتصفح بتليفونة
يعني گاعد لعد ليش ما نزل عفتة ورحت
اخذت ملابس وتوجهت سبحت وكملت
ورجعت للغرفة،،،

گال بلا ميباوعلي :- چاااي.
رديت :- اي
رحت سويتلة چاي وجيت مشطت وصليت
وهو راح يسبح شوية ودخل
راح فتح الجرار وكام يدور بالساعات !!

عگد حواجبة وألتفتلي گال :- صيحيلي جنان
گتلة :- ماشي
رحتلها للغرفة دگيت الباب ودخلت
لگيتها گاعدة ع التلفيزيون
باوعتلي بانزعاج وكالت :- خيرر شرايدة
گتلها :- أبوچ يصيح
گالت :- وليش يصيحني؟
كلتلها :- والله ما ادري
تعالي وشوفي گامت ودفعتني برا الغرفة
وطلعت وسدت الباب وراحت لغرفة ابوها
دنگت راسي ومشيت وراها اداري بدموعي

دخلت وية دخلتي هو گال :- باباتي مشفتي وين
خليت ساعتي
ردت:- تقصد ساعتك الذهبيةةة
گال :- ايي
شهگت وأشرت علية وگالت :- والله العظيم بابا.
اني شفت طفوف بعيوني كسرتها وشمرتها
بالزبالة وحتى اذا تريد اشوفك الصورة صورتها من
شمرتها والساعة بايدها، ومن سألتها ليش.
تكول بكيفي ويعجبني ومدخلج وحتى دفعتني ورادت تضربني وتحولت نبرتها للبكاء

اسمعها والصدمة محتلتني شوكت اني
هيج سويت، هو باوعلي بسرعة
واني نزلت راسي گال :- هاهية بابا روحي لغرفتج
گالت :- اي بابا رايحة وخلت وطلعت
بقيت اباوعله بخوف گاعد ومدنگ
راسة ويهز برجلة بعصبية...
گتلة بتلعثم :- عفية لتفهم غلط والله
مو هيج الموضوع

طبطب ع المكان اليمة وگال :- تعااي
مشيت بتردد وگعدت يمة
گال :- كولي اسمعج
حرت شلون ابرر لنفسي تصرفي
شلون اكلة چنت أعبث بأغراضك
بقيت مدنگة راسي ودموعي تتسابق بالنزول
ما عندي الة اي جواب لو ردت ارد شرد
عليه من شافني ما رديت
گام من مكانة وگال بهدوء :- أنتبهي علئ تصرفاتچ !!