#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 5 -
شـايـف مـن تـهـز حـسـراتـك الـگـاع
ومامـش بشـر گـدهـا يصيـرلـك بـيـر
شـايف مـن يـسـألونـك علــه الـحـال
تگـول بخـيـر وأنـت مضيـع الـخيرر 🖤
فتحت الباب وجان أنصدم
بـ ناصر أبن عمي گدامي... هذا شجابة
فززني من گال :- شلونج يبنت عمي؟!
جاوبت :- أهلاً
أبتسم بهدوء وحجة :- شلونج شخبارج
كونج بخير متغيرة وكبرانة
رديت ببرود :- شكراً
گال :- يلا بدلي وأمشي وياي
رفعت حاجبي وگلت :- نعم أمشي وياك لوين؟؟
ناصر :- لبيت عمج بعد وين؟
غمضت عيوني وگلت بملل :- ما اريد وأعتقد لو
رايدة أجي جان جيت من البداية
بقة صافن بوجهي
گلت بشبه حدية :- أعتقد كلامي واضح ماريد أجي
حك مقدمة رأسة بالسويچ وگال :- بس أبوي
گال لا تجي الا وبنت عمك وياك
صفنت بوجهه وحجيت :- عمي هيج گال
هز راسة وگال :- بضبط عمج هيج گال
أرتجة ع الحايط وخلة قبضة أيدة ع وجهه
والايد الثانية ورة ظهره ونظراتة علية وكمل كلامة :- عمج يگول مشتاگلها حيل
وأريد أشبع من شوفتها !!
بقيت مصفصفة بوجهه عمي؟
أول تالي؟؟
گتلة بأستغراب :- انت شنو متأكد عمي هيج
گال هيج
شبه أبتسامة نرسمت ع شفايفة
رد بأصرار :- متأكد مثل ما متأكد إني داشوفج گدامي...
بقيت صافنة ومستغربة
رجع گاال وعينة بساعتة :- هيج راح نتأخر
دخلت جوا وكلي أستغراب
من عمي وحنانة المفاجئ أستغربت
حيل منو لاعب بالاعدادات بدلت
ولبست عبايتي وحذائي وطلعت
لگيتة ع وگفتة وباوعلي من فوگ
ليجوة بنظرات ما عرفت أفسرها
نظراتة متشخصة عليه باوعتلة بطرف
عيني !! مستنكرة نظراتة !!
گال :- بلا ألتفتي
عگدت حواجبي وگلت بعدم أستيعاب :- شنووو؟؟
رجع گال :- قصددي عطشت مي بلا زحمة عليج
رجعت دخلت اهز بيدي وادردم جبتله الماي وأنطيتة الة
شربة كلة وگال :- مشينا
طلعت ورا فتحلي الباب الي بصف السايق
تجاهلتة وفتحت الباب اليورة أريد أصعد
جرني من أيدي ودخلني
بالمقعد الأمامي وسد الباب والتفت لجهة
السايق وصعد...
ضربت البنيد وحجيت بغضب :- انت بأي حق
تتصرف هيج تصرف؟؟
باوعلي وسكت واني صرت نار من تجاهلني
رجعت گلت بعصبيه :- أحجي ويااااك
مارد صرت أدخن من الاعصاب
شهاليوم المو راضي يخلص
درت وجهي أباوع من الجامة وأهز برجلي
بعصبية
هو طلع جگارتة وصار يدخن
السيارة نملت دخان ضاق نفسي وتحستت وبيت عمي صار شبعدة عاد ما تحملت الدخان
گلت :- الدخان خنگني عندي حساسية بصدري
فتح الجامة بسرعة وشمرها
ووگف السيارة ع صفحة بسرعة جيت انردم
بالجام المقابيلي
گال :- ما أدري عندج تحسس غير تگولين !!
رديت :- مصار شي بس أفتح الجامات
فتح الجامات ونزل من السيارة !
عبر الشارع ركض شفتة دخل لمحل
وطلع بيدة علاگة صغيرة
اجة فتح الباب عليه وگال بنبرة قلق :- نزلي شربي مي وأشتمي هوا هزيت راسي بنفي
فتح المي وقدمة الية شربت شوي وتنفست بعمق
حسيت صرت تمام
رفعت نظري شفتة يباوعلي بعمق
هو أنتبه ع روحه عدل وگفتة وگال :- ها شلون صرتي؟
رديت :- احسن
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
