#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 11 -
عشت مرسآل يم عميآن
محد يعرف شبيه
والسآعي الـ خذاني بعيد
اخرس مآقره الـ بيه.🖤
طفوف
بعد ما نمت الفجر، ما حسيت ع شي
ولا دريت بالدنيا طشت رشت
الا لمن سمعت الباب يندگ
أريد أگوم أفتحة وما أگدر گلبي
مينطيني أگوم من فراشي وخصوصاً
اني جنت في أقصى درجات النعس!!
سمعت طگطة بالجرباية عرفت راح يفتح
الباب… بقيت ع نومتي ما تحركت
فتح الباب ما ادري منو چان بالباب
مطفية من النعس شوية وسمعت طگة
الباب وخطواتة رجع نام بمكانة !!
أيد تخلت ع چتفي كزبر جسمي من لمستة
حبست انفاسي
وغمضت عيوني حيل
گال ببرود :- أگعدي أختج جوا
بين النايمة والگاعدة سمعتة گال
هيج وخرت الغطة بسرعة ونداريت
عليه متفاجئة...
جان منطيني وجهه مكتف ايدينة
ومغمض عيونة
باوعتلة بصدمة وگلت بعدم تصديق :- دگول والله
فتح عيونة وضيگهن وگال
بأستغراب :- وليش أچذب عليچ مثلاً !
بلعت ريگ وحچيت بتلعثم :- لا موو هيچ قصدي
بعدة مضيگ عيونة ويحچي :- ها خوش چا شقصدچ؟
صفنت بوجهه ما ادري شحچي
اندار نام ع ظهره خلة معصم ايدة ع عيونة
وگال :- للتذكير اختج تنتظرج !!
هزيت راسي وضحكت بخفوت هاي
شبيه مثولة حتى اختي نسيتهاا
گمت بسرعة رحت فتحت الباب
سمعت صوتة گال بنتر :- حجاابج !
اول مرة يحچي وياي بهلنبرة
صدگ چان النعس مأثر علية وحتى
شالي نسيتة واني مستحيل انزل بدونة
ركضت جريت شال باوعت لروحي
بالمراية كفشتييي گابة متگبگبة
همزين رگبتي ما بيها حمار شي خفيف
لبست الحجاب وطلعت سديت الباب باوعت من فوگ ع الصالة شفت امنيه وعمتي گاعدات لو روحي طارت من الفرحة نزلت اركض بكل لهفة بس اريد اشمر نفسي بحضن امنية،
وانسي كولشي كل هم وغم... سلمت عليها وع عمتي
صدمتني من گالتلي ع موضوع دراستها ابغداد بصراحة حزنت وفرحت بنفس الوقت حزنت لان راح أفارگها وتصير بعيدة عني، بمسافات طويلة ع الاقل هنا يمي، احسها وياي مو بعيدة،
وبنفس الوقت فرحتلها هذا حلمها
مستحيل اوگف بوجه تحقيق احلامها
حتى اذا ادوس ع نفسي لأي سبب كان
ما اگدر اليها تترك هدفها بالحياة علموودي
مو أنانية اني وافضل نفسي عليهاا
حسيت اجة الوقت الي لازم تعيش بي
أمنيه شجعتها وقنعتها وودعتها
بالله والنبي وبقيت ادعيلها
ربي ينور طريقها ويختارلها الاحسن!
من بعد ما راحت بچيت
داحاول اقوي نفسي خلاص
ماكو مفر بعد لازم اقوي نفسي وأتماسك
مليت من الدموع الصارت صديقتي
الصدوقة....
ردت أصعد فوگ أسبح خليت
رجلي ع أول باية وسمعت صوت
ام مهران من فوگ گالت :- طفووف
رفعت عيني بسرعة عليها صارت تنزل
من فوگ وصلت يمي رمقتني بنظرة من
فوگ ليجوة بحيث شكيت بنفسي بية
شي غريب....!!
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
