#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 16-
مكابر كوةَ اجيب الراس ع الراس
واعاند دنيتي عناد المجانين
وانه شما اطيح اكل للروح لا باس
علـهَ جروحج توجي ولا تصيحين
شربني الزمان هموم من كاس
أقسى وأمر من سم الثعابين
تجرعته بصبر ماسمعت ناس
لجن ياحيف فضحني النياشين
انه الروحي جبل يهدمها يافاس
وانه المرمر لتنحد بي سجاجين
لخلي جفوني علهَ الدمعات حراس
واكل للعينَ فنج بعد تبجين
اذا وصلت منيتي لكطع الأنفاس
واجب من يمر شامت تضحكين
مرمر سكف روحي واصلب الساس
ولامن جام بيتي وساسي من طين
وطبع بالروح يشبه ورقة الياس
يتكاثر عطرها بفرك الايدين.. 🖤
(بارت طويل جداً لعيونـ🌹ـكم)
طفوف.... دخلت ووسط خوفي وحيرتي اول مدخلت
نسحبت من ايدي ونشمرت
بالگاع باوعت.. بذهول وصدمة
وشفت ...جنان گدامي تباوعلي
بغيض گمت من مكاني بسرعة
واني اتاآوة من الوجع
نكتت ثوبي وگلت بعصبية :-
هااي شجاج ليش هيج تسوين؟
گالت بغضب :- وراسج افلشة يا خدامة
بنت الفلاليح امشي جوا بيبي تشوف شغلها
وياج احسن خدامة وتريد احنة الشيوخ نخدمها
بكيفج تطلعين وتفترين هسا بيبي تعلمج امشيلها.
تنتظرج بالصالة ....!
كورت قبضة ايدي ورددت الإستغفار بكلبي
باوعتلها وحجيت :- جنان انتو مفتهمين غلط
ترا ابوج بنفسة وداني لاهلي لان خطوبة اختي
گال مجتبى :- جنان انتي معليج لا تخليني
اشكيج لأبوي وتعرفين شيسوي
انتفضت وگالت :- هذا الناقص بعد والله خوش
تروح تشكيني لبابا علمود هاي واشرت عليه
بأستصغار واحتقار
مجتبى :- جنان مكافي
جنان :- اهووو سكتنا الظاهر لاحسه مخكم كلكم
الدموع تجمعت بمحجر عيني
عفتهم ودخلت جوا واحس گلبي
نزرف من الوجع كلامها جان مثل الجمر
ينزل ع گلبي ويحرگة بدون رحمة..
أول ما دخلت للصالة...
گامت عمتي من مكانها وگالت :- واخيرا شرفتي ست طفوف وين جنتي
باوعتلها برجاء وحجيت :- والله خطوبة اختي وابن عمي وجنت يم اهلي والله والشيخ بنفسة وداني
وگال من ارجع اجي اخذج...
رفعت حاجبها وگالت بأستهزاء :- هنا الحجي
الشيخ هو الموديچ
گتلها بتأكيد :- اي والله هو وداني
گعدت بمكانها وگالت :- گتلج لتحاولين تسحبين الشيخ لصفج لو مگتلج؟
باوعتلها بحيرة ورديت :- يعني شلون اسحبة لصفي؟؟
گالت بحدة وابتسامة هازئة مرسومة ع ثغرها :- انتي اعرف شلون تسحبينة لصفج اسمعيني ززززين
طلعة من البيت منا وهيج ماكو حتى اذا الشيخ
قبل اني ما اقبل وفنچ تكسرين كلمتي وتطلعين
واساساً انتي ممطولة ترا كلها جمن اسبوع وترجعين
لأهلج وساعتها شبعي بيهم وملي لا بارك الله بيج
وساعة السودة الجبناكم خدم النا وگعدناكم يمنا
هزيت راسي بمعنى أي شريد اجاوبها قابل
واني مو گدها واگفة گدامها والخوف متغلغل
بأعمااق اعماقي صاحت مزمجرة :- صار مفهوم
يبنت شااكر
رديت بأحرف مبعثرة :- اا اي عـ عمة صااارر
گالت :- روحي لشغلج بسرعة
رديت :- اي عمة بس ابدل وانزل
أنت تقرأ
ثلاث دمعات
Chick-Litثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
