ثلاث دمعات

بارت 55

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 55 -

لو عليچ الدنيا تظلم
راح تلگيني بوجه دنياچ صبحچ
الله خالق روحي حتى تداوي جرحچ
ولا تسأليني اهتمامي بشنو وتعرفين بيّه
انه كل همّي اذا اشوفچ حزينه بيّش افرحچ 🖤

طگ مي الراس وزادت الاوجاع
عرفت داطلگ لحظات اشبه بالموت البطيئ متت
من شدة فضاعة الاوجاع كمت بيه مابيه ابجي
وامشي كوة دخلت للغرفة ولزمت ناصر من
كتفة وحجيت بألم فضيع :- ناااااااااااصر
داولد الحگلي فدوة راح أموت...!!

گمز من فراشة بسرعة اني وگعت بالگاع
مااگدر اوكف ع حيلي من الوجع صاكة ع اسناني
واعيط شغل الاضوية ودنگ عليه
يحجي بخوف واحسة خاف اكثر مني
دارين دارين حبيبتي اتحملي بس اجيب
عبايتج

گالها وفتح الكنتور يدور خطية انخبص
حجيت واشرتلة ع خانة وكتلة هنا تلكاها
بسرعة طلعها هي وشال واجة كعد كبالي
اني اباوعلة ومنتهية من الاوجاع لبسني الشال
والعباية وگام جاب محفضتة وبدل بسرعة واجة
عليه گومني لزمت ايدة وطلعنا صعدت بالسيارة
والاوجاع تزيد متنقص هو قفل البيت واجة

خابر ع عمتي وعمي اثنينهم ما يردون
دارين :- خابر ع مرام بلكي تكعد
ناصر :- راح اخابرها حبيبي بس اتحملي فدوه
اروحلج
دارين :- متت ناصر بسرعة عفية
مرام :- جنت سهرانة بغرفتي ع فيلم واباوع
ومندمجة فززني صوت الموبايل باوعت اخوية
ناصر عدلت كعدتي يمة شصاير داك عليه بهالليل

اني فتحت خط اجاني صوتة المستعجل
ناصر :- روحي لامي بسرعة خل تكعد
جايين عليها
مرام :- رايحة بس احجي شصاير
ناصر :- دنجيب كالها باستعجال وعدم انتباه
مرام :- شنوووووووووو
ناصر :- دارين دتجيبببب شبيج

مرام :- يلا اوك باي سديته جان اطگها بضحكة
طويلة يكولي دنجيب خرب خرب حظي بعدها
نزلت طيران وكعدت ماما وبابا كتلهم ماما بين
مااجة ناصر هي محضرة روحها طلع شفت دارين
مبينة طلوگها قوي خطية بقيت ادعي ربي يسهلها
وحيل فرحانة واخيرا راح أصيررر عمة شددد ابو النضيف...

دارين..
رحنا للمستشفى ودخلوني صالة الولادات بغرفة وحدي جناح خاص فحصوني
وگالو عدها توسع نوموني ع السدية وعشت لحظات
صعبة حيل عياااطي اخذ المستشفى متت وحييت
لما ولدت وسمعت صوت بجيتة بسرعة بجيت
وراودني شعور بفرحة عارمة..

لمجرد سمعت صوتة احس نسيت كل الالم والوجع
غمضت عيوني بتعب وهنا كملن مني جنت هادئة
احس انهلكت بعدها جابولي أبني خلو بحضني
ولافاتة بملحف أبيض دنگت عليه وشميت عطرة
حيل احس ردتلي روحي..

انفتحت الباب ودخلو عمتي وناصر
ام ناصر :- الحمد لله على السلامة بنيتي
يتربى بعزكم ان شاء الله
دارين :- رديت بوهن وابتسامة الله يسلمج عمة
باوعت لناصر شلون يباوعلنا بلهفة اجة باس
راسي وهمس :- الف الحمد لله ع سلامتج أميرتي
گالها ودنگ ع أبنة باسة من ايدة ورفع راسه عليه
يباوعلي وفرحان دمعت عيونة