#ثلاث دمعات
الكاتبة :- سارة سندريلا العراق
البارت - 35 -
لسان حال ناصر ..
تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل
لسان حال دارين..
تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
.. همس :- شبيج
همستة وقربة وترني وخلة نبضات گلبي تتسارع
انداريت اباوعلة بعيون مدمعة... نصيت والرجفة
لازمتني وگتلة :- ما بية شي
اندار وگف بصفي ومكتف ايدينة گال بهدوء :- ليش
مدتركزين بشغلج
باوعتلة بقهر والله ما يحس ابد
بلعت الغصة ورديت :- اسفة بس شوية نعسانة
قلص عيونة ويباوعلي بتفحص نظراتة تربكني
شال عيونة عني وراح گعد ع الكرسي وگال :- ان شاء الله
تكون السالفة بس هيج
أمنية :- اي مجرد نعسانة لعد قابل شكو
غمار :- ماكو شي گالها رافع حاجبة
أمنية :- ما رديت عليه وأحس بقهر فضيع غمار ما يحس ولا ناوي يحس واني گلبي اوف گلبي الحقير برغم استفزازة
ومعاملتة الجافة لسة يريدة ومتمسك بية
صارت الساعة ١ الظهر وهاي فترة أستراحة للـ٢
دائماً بهيج وقت غمار يطلع واني ابقه بالصيدلية
مرات اسدها وارتاح ابقى گاعدة ومرات استمر بالشغل
عادي هو طلع وشوية ورجع ودار وجه اللافته ليبرة
مغلق يعني...
بقيت گاعده بمكاني مسوية نفسي أتصفح بالموبايل
بس چذب كل حواسي يمة وكل شي بيه... هو راح
للمخزن اسمعة مدري شيفلفس بالأدوية تذكرت شي
وانتضرتة يجي حتى اگولة الة... شوية وطلع
وگفت وصحت :- غمار
وگف يباوعلي بتساؤول
بلعت ريگ وحچيت :- هذاك اليوم يعني من اندعمت
التكاليـ
سكتتني نترتة من گال بغضب :- اشش
أمنية :- بس غمار
غمار :- بس شنو أنسة أمنية؟
وخلة عيونة بعيوني بؤبؤ عينه يتحرك وية حركة عينة گلبي يتحرك ويدگ بصدري قوية ينبضلي
بحبة أعترف اني أضعف گدامة... حبة أحتلني
واني راضية بهالغزو
أمنية :- بس ميصير انت تدفع بدالي!! بصفتك شنو؟
غمار :- مسح ع وجهه وگال بعصبية.. هم گالت بصفتك شنو هم گالت هذا الهامج بصفتي، شنو
بصفتي مديرج بالشغل .. !! ها أرتاحيتي؟
أمنية :- لتصيح غمار... ترا داحچي شي طبيعي
ليش تتكفلني مثلاً
غمار :- امنياااااااا وشدد ع الألف بنفاذ صبر
أمنية :- هااااا گلتها بهدوء
باوعلي من فوگ ليجوة وگال :- أركدي شوية
أريد أشتغل بتركيز
أمنية :- بس
عاط :- لا بس ولا بطيخ تمسلت ماريد ترا كوة لازم روحي عنج...
أمنية :- واني شگلتتت وباوعتلة صفح
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
