ثلاث دمعات
الكاتبة :- سارة سندريلا العراق
البارت - 46 -
أمنية... چنت نايمة وگعدتني دارين گعدت
أحس راسي مفجور يريد يطگ وجسمي
كلة يون عليه ويأذيني من الضرب الاكلتة
دارين :- اجة ناصر كومي أحجيلة كولشي
وان شاء الله يحلها يلا دينتضرج
أمنية :- أنتي گتيلة؟
دارين :- سولفتلة مختصر
أمنية :- گايمة بس خل ألبس شالي واجي
طفوف وين؟
دارين :- گاعدة يم براق بالطارمة مو تدرين
بيها شگد تحبة
أمنية :- تمام روحي جاية وراج
راحت دارين دعيت ربي تنحل وناصر يگدر
لشاكر ويگدر يخلصني لبست شالي ومشيت
بيه ما بيه.. وحاولت اتفائل شگد ما أگدر
جانت الدنيا مغرب حتى ماأدري شوكت نمت
مو حاسة ع روحي دخلت للأستقبال لگيت شاكر
وناصر ودارين وطفوف وحتى حمدية كلها گاعدة..
سلمت ع ناصر وگعدت
ناصر :- شلونج بنت عمي عساج طيبة؟
ابتسمت ابتسامة تعب مجاملة ورديت
بهدوء :- الحمد لله عايشة
ناصر :- يستاهل الحمد .. أي يا عمي
گالها واندار لشاكر وحجة هو وعاگد حواجبة
.. صحيح السمعتة؟
شاكر :- وشنهو السمعتة
ناصر :- عاقد لأمير وأمنية؟
شاكر :- اي طبعاً صحيح
ناصر :- جبر؟
شاكر :- غصباً عليها هالعار تريد تخلي راسي
بالتراب من تالي عمري وتجيبلي الفضيحة!!
ناصر :- ها عمي ع كيفك وحدة وحدة خل نفتهم
مو هيج الحجي يا فضيحة التحجي عنها ويا عار
هذا التسولف بيه؟
شاكر :- تدز صور فاضحة وسوالف ما يلبس عليها
ثوب لابن عمتها امير هالماتتسمى فضحتنا وفشلتنا
ويه الوادم وهو من زينة واخلاقة راد يستر عليها
ويعقد عليها قبل ما تجيبلنا الفضيحة وگال انة الم
كل سوالفها خلفلة عليه
ناصر :- عمي الله بالخير عليك انت هم ماأدري شلونك شنو هذا امير وتصدگ بيه خلگ واحد
طايش ومبين طايح حظ يعني تصدگ بيه
وما تصدگ ببنيتك
شاكر :- شلون مااصدگ، بيه وهو شوفني كل الصور
شلون تريدني اجذب عيوني واصدگ بجذبات
بنتي
ناصر :- ومنو گال هاي الصور حقيقية عمي
ترا احنا بعصر التطور وكلشي يكدر الواحد
يسوي منو گال هالصور ما مركبة.؟ وبعدين أمنية
بنت عمي واعرفها ماعدها هاي السوالف ومستعد
احلف يمين بمكانها هي بريئة والصار كله لعبة قذرة
من أمير والسالفة واضحة لكن الغاية من هذا كلة
أمنية راح تحجيلنا كولي أمنية سولفي..
أمنية :- اول شي اني ابوية اجة اخذني من بغداد
وبلا ماافهم شي ولا ادري بالصاير بسرعة كال لمي
غراضج وامشي واني مثل ماراد سويت وبالرغم
عندي امتحانات حيل مهمة بس ما گدرت اسوي شي
ورجعنا ويه امير وبنص الطريق ووگفو يم بيت سيد
يريدون يعقدولنا ومن ماقبلت ابوية تكفل وصار وكيلي واني مموافقة ووداعت عافيتي ان شاء الله الله يموتني لو جذبت بحرف بعمري كلة مادازة صورة
لا لامير ولا غيرة واتحدى واحد يكول غير هالشي
أمير بعمرة مالمح طرف شعري والصار كلة خطة حتى يوگعوني بيها..
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
