ثلاث دمعات

البارت 45

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 45 -

حال غمار...
وضلوعي هزهزها البرد
حسبات تاخذني وترد
يمته ترد..؟؟

حال أمنية...
بَعدنِي أشتآك وأدعِيلك
بعدني لهسَة اغنِيلك
بعَدني مِن أكعد لوحدِي
مكآن بصفي أخليلك 🖤

أمنية مشيت اجر بخطواتي اجر بثياب الخذلان والحزن وگلبي مجروح وروحي ذايبة من العذاب
دگيت الباب وطلعلي ابنهم مجتبى
أمنية :- ابتسمت ابتسامة تعب وگتله شلونك ابو الشوب
مجتبى :- هلا بأمنية تفضلي تفضلي
گالها بهدوء ورزانة بلا ميرفع عينة ليگول الگدامي رجال جبير مو ولد مراهق تربية شيوخ هذا الشبل من ذاك الأسد..

فتح الباب وگال تفضلي دخلت بالطارمة
أمنية :- عفية صيحلي طفوف
گلتها وانفتح باب المطبخ طلعت طفوف وبيدها
المكناسة باوعتلي بعدم أستيعاب وبقت ترمش بعيونها
أمنية :- طفوف

طفوف جنت انطف بالبيت وطلعت اريد اكنس الحوش
ولگيت امنيه بالطارمة جفلت شجابها وماادري ليش
گلبي نغزني شنو اليخليها تجي بهالصبح ومن بغداد للبصرة والله اعلم شصاير وياها ركضت حضنتهاوسلمت عليها جانت هادئة فدنوب گلبي أنتهى عرفت اكو شي..

دخلتها جوة جانت جنان بالمدرسة وعمتي يم بيت بشير والبيت فارغ
طفوف :- شلونج حبيبتي ليش عيونج هيج مورمة
ماردت عليه بس عيونها تتحرك عليه جرت نفس بنشلة
ووگعن دموعها والله من مصب عينها للگاع..

بسرعة حضنتها ومسحت دموعها
طفوف :- اهدي يگلبي واحجيلي شصاير وياج وشجابج
أمنية :- اريد احجي وافضفض ماكدر أحس گلبي مخدوش حتى طاقة للكلام ماعندي.. خنگتني العبرة وأريد اهدي من روعي بس البيني ميخليني..
طفوف :- گومي فوگ وياي ليجي احد حتى تاخذين راحتج

گومتها وصعدتها بغرفتي عاد گعدت وبعدها متحجي
بس دموعها تشكي حالها متت بدمي سحبت موبايلي
وگلت :- بس اجيب مي واجيج
طلعت وسديت الباب بسرعة طلعت رقم دارين وخابرتها
ماكو غيرها تجي تفتهم الصاير اذا تبقى علية لا ربحنا..

دارين :- ووووجعع وسم يالمزعجة يااختي ذوق ماكو
داگة من الصبح شتريدين متگولين عالم مطمورة نايمة اجي اخرب عليهم ليشششش ياالضالمة
طفوف :- انطيني عطوة خل احجي.

دارين :- قصدج خل امسلت لان انتي ماتحجين كل
حجيج تمسلت بتمسلت
طفوف :- كافي دارين خل احجي
دارين :- كافي لو گيمر
طفوف :- حجيت بعصبية دااارررررين
دارين :- لا مادراين

طفوف :- وجعة امي صوجي اني مخابرتج
ولي يلا
دارين :- لا بعرضي احجي شكووو
طفوف :- سحبت نفس قوي وبچيت
لج أمنية اجتني وبس تبجي وماادري شبيها حالتها
حالة وماتحجي وكولشي ما مفتهمة منها تعالي عفية

دارين :- هي گالت هيج هية طفرة من الجرباية للگاع
حتى نسيت حملي كوليي والله دتشاقين
طفوف :- والله العظيم هذا شي مينضحك بيه
دارين :- گلت بأستعجال باي جاية