ثلاث دمعات

بارت 22

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 22 -

دارين .... باوعلي بحب وايدينة حاوطت
خصري ... تقرب وباسني بهدوء ورقة
بادلتة ابتعدت وابتسمت بمكر
هه ميدري شناويتلة من نية اليوم
كتلة الف مرة راح تتندم بس
هو عاند اذن خل يتلقى نتيجة عنادة !

ركز عيونة بعيوني ووجه نظراتة
الذايبة والمبتهجة علية باسني من راسي
وگال بهدوء :- الله يقدرني واگدر اسعدچ
خلي ايدچ بأيدي ولتتندمين...
بعيوني اخليج واقفل عليهن اوعدچ مراح
ازعلج بيوم احبج داريني يا اميرتي انتي
احبج
لزم وجهي بأيدينا وبدة ينثر بوساتة بكل
مكان...

بعدت عنة وكل كلامة ما أثر بية
بالعكس زاد اصراري اضيع كل لهفتة
رفعت نفسي لان هو اطول مني
وطبعت بوسة ع رگبتة حسيتة طار
من شافني متجاوبة ويا بقة يهمسلي
بكلماتة ويزيد جرأة... دفعتة بخفة
باوعلي بعيون ذابلة وتنفسة عالي
دارين :- ناصر اطلع خليني ابدل واجهز نفسي
مسح وجهه بايدينة وتفاحة ادم تصعد وتنزل
هلكد ميبلع ريكة وانفاسة متسارعة
هز راسه وطلع بلا ميحچي اي كلمة...!

هو طلع اني ركضت قفلت الباب
ورحت للشباك باوعت ولا سيارة بس
سيارتة كلها ماشية حتى اهله راحو
يباتون يم اهلي عشتو زعم عرسان
حتى ناخذ راحتنا ومحد يزعجنا ...!!

گعدت ع الجرباية اضحك وافل بتسريحتي
اني الكم لسه مشفتو شي هاي البداية
فقط صبركم عليه اختفت ضحكتي
وحل محلها دمعة تسللت من عيني
حتى تلسع خدي بحرارتها... هاي اني
شداسوي شنو تفكيري ... تخبلت لو
هسه عقلت... جانت روح الانتقام
متولعة بداخلي وماكو شي يكدر يطفيها...

أحس روحي بلا مشاعر لا احساس
ولا لهفة هيج داخلي فارغ ماريد احد
ولا اريد اعيش وية احد ماريد اخلف
واذب جهالي ويتعذبون بس اريد اعيش وحدي
وليومي وبس هيج داخلي ناشف مابيه
اي لهفة وحب ومودة...!!

كملت التسريحة كمت مسحت كل المكياج
وبدلت طبعا ملابسي عمتي وامنيه
كلهن مرتباتهن بالكنتور طلعت تراكسود
خفيف لبستة ورحت طفيت الاضوية
وردت اتمدد حتى انام وسمعت طرق
ع الباب وصوتة تخلل اسماعي وهو
يكلي فتحي الباب....

ما رديت عليه رحت تمددت ع الجرباية
تلفلفت زين بالبطانية دفيت وجنت
نعسانة وتعبانة واسمع طرقاتة المستمرة
علمود افتحلة الباب هزيت ايدي
وغمضت عيوني
ناصر :- فتحي الباب احسن ما اكسرة
دارين :- اكسرة ان استطعت..

غطيت حتى راسي وبعد ما حسيت
بشي نمت والنومة نومة... للصبح..
سمعت صوت دگ ع الباب باوعت
للساعة بانزعاج ب ٨ الصبح...
صحت :- منووو
ناصر :- اهلي واهلج راح يجون بس
فتحيلي الباب خليني اخذ ملابس ما
رايد شي منچ...

گمت والنعس غالبني وحالتي
حالة كوة مفتحة عيوني...
فتحت الباب بسرعة باوعلي
واحس بداخلة غضب مكتوم
صفن بوجهي شوية وبعدها دفعني
من الباب ودخل...