ثلاث دمعات

بارت 40

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 40 -

بهيده يچويات العمر تاهت ملامحنه.🖤

أمنية :- افتح الباب خليني انزل غماررررر افتحة
ما رد عليه حرك السيارة ومشة بكل سرعتة
ولا كأنما سمعني...!!

يمشي سريع وما مهتم لكلامي
أمنية :- غمارررر أحچي وياك وگف السيارة
نزلني
ما رد عليه أحس عطبت أعصابي وزهگت فدنوب
أمنية :- احچي ويااااك وين ماخذني
مارد رمقني بنظرة حادة رجفتني.. بلعت ريگ
وقويت نفسي باوعتله صفح..

مااحس الا ضرب الستيرن بقبضة ايدة
وعاط بية :- نزلي عيونج لا أفگسهن
أمنية :- نزلني بسرعة وين ماخذني شلون
تتجرأ هيج تسوي هاا
ما رد بس يمسح ع لحيتة ويستغفر بصوت ناصي
دگ موبايلي طلعتة باوعت سما ما صدگت ردت
ارد مااحس الا سحب الموبايل مني بحركة سريعه..

هنا متحملت تلفت اعصابي فدمرة وماادري وين ماخذني حچيت بنبرة حادة :- بصفتك شنو حتى
تسوي كل هذا هاااا جاوبني ارجوك نزلني بأي حق
هيج تسوي
غمار :- بس أسكتي ولزمي لسانج شوية وأركدي
گالها بنفاذية صبر تحسة گوة مسيطر ع أعصابة..!!

سكتت منة واريد اشوف وين يوصل بخبالة
وگف السيارة يم حدائق
غمار :- تعالي صعدي هنا حتى أعرف احچي
أمنية :- گول العندك ماايحتاج
غمار :- أمنيةةة
أمنية :- هااا گلتها بهمس
غمار :- بابا تعالي بدون عناد گالها وفرك رگبته..

مثل خوش بنية نزلت وصعدت يمة جان ظهر
والمكان فارغ وهادئ ماكو عالم الا قليل
الجو طيب احنة هسه بنهاية شهر ١١.. بقينا ساكتين
غمار :- أمنية

نبض گلبي بقوة التفتت باوعتلة وتلاگت عيوونة
ركزت بعيونة شي لا ارادي خارج سيطرتي أريد. ابعد
عيوني وما أگدر لا شلت عيوني ولا شال عيونة عني
نظراتي تتبع حركة بؤبؤ عينة وية حركتة تتحرك عيني ذبلت عيوني وانفاسي صارت عالية ومسموعة
وگلبي يريد يقفز خارج صدري من شدة نبضاتة القليل وصف متسارعة بحقها ..!!

ذبلت عيوني وكأنة يتحداني كزبر جسمي
ومغصتني بطني ورجفت اعضائي من نظراتة
مااتحملت نزلت عيوني بأستسلام .. درت وجهي
أباوع من الجامة واتنفس بقوة مثل القاطع مسافة
كبيرة بالركض..

مشاعري مفضوحة گدامة لو بس أگدر أسيطر ع
نفسي گدام حضرتة شجابني ع الحب وشمعرفني
بسوالفة.. أحساسيسي بقربة مني هلكتني لو بس
يگول كلمة وحدة تشفيني وتطفي براكين النار
الشاعلة بثنايا قلبي..

غمار :- أمنية
أمنية :- هااا
گلتها ودايرة وجهي منة حرگتني عيوني احس
راح ابچي وشفايفي ترجف بوضوح
غمار :- باوعيلي گالها بهدوء
أمنية :- شتريد غمار گول العندك المن جبتني هنا؟!

باوعتلة سحب باكيتة طلع جگارة شعلها وجررر
نفس قوي منها ونظراتة ليگدام باوعلي ونفخ
الدخان بوجهي هفيت بأيدي وكحيت بخفة
غمار :- رايد أخطب..
أمنية :- اي أخطب.. گلتها وطفرت دمعة من عيني
غصب عني مسحتها بسرعة واحس خنگتني العبرة..