#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 44 -
مكسورين ،
محد يعرف شبينه
مايعرفنه بس الله وبواچينه🖤
ً
وبيوم گاعدة اقرة وكتبي واوراقي حواليني
اندگت الباب طلعت وباوعت بذهول واني
أشوف ابوية واگف گدامي أنصدمت من جيتة
بقيت مبحلقة أباوعلة بدهشة.. وشعرفة بمكاني؟
أمنية :- گلت بهمس وبهت لوني باابا شجابك
شاكر :- جابتني رجليني الج
گالها وباوع ع ارجاء المكان مااحس الا
دفعني ودخل جوا سديت الباب ودخلت وراه
بسرعة ومستغربة ومذهولة بنفس الوقت..
دخل للمطبخ واني وراه
أمنية :- بابا صاير شي شذكرك بيه هسه تذكرت
عندك بنية
شاكر :- لمي ملابسج وامشي وياي
رديت بسرعة :- امشي وين
شاكر :- للبصرة
أمنية :- عندي امتحانات
شرايد مني وليش تريدني ارجع وشلون گدرت توصلي
شاكر :- باوعلي بعصبية ونتر سوي الگتلج عليه بدون
لغوة كاعده هنا وتسرحين وتمرحين بكيفج وعبالج
ما وراج اهل تريدين تجيبيلي الفضيحة انتي هين
يا أمنية گوية وكل عمرج ما تمشين بشوري عاندتيني
وكملتي دراستج ومافاد وياج شي واجيتي لهنا
بس لهنا وبس
أمنية :- اجيبلك الفضيحة؟ ترا اني صح انت مربيتني بس اني مربية نفس كولش زين
ومالك حق تجبرني ارجع وياك واني ماأدري شنو
السبب واني مو صغيرة واعرف اتصرف
شاكر :- اني گلت هيج اجة جرني من شعري
وفرك حلگي وهو يصيح ويعيط، يريدني ارجع وياه
أمنية :- والله ماارجع شرايد مني؟
شاكر :- رايد اطم عارج يا عاررررر
فتحت عيوني ع اوسعهن واحس گلبي أنخمش
أمنية :- شدتحجي أنت
شاكر :- تغشمين نفسج بنت الـ ***
أمنية :- رجفني ترجف من كلامة المليان الغاز
لو بس افتهم شصاير وع شنو ديحچي عقلي
من الصدمة ميگدر يفكر
شاكر :- تگومين لو شلون؟
أمنية :- ما أروح مستحيل عندي امتحانات
مهمة
شاكر :- اجة عليه رجعت ليورة بخوف وبلعت ريگ
من علقم عيونة يجدحن نار همس بفحيح وهو
يشكل ايدينة ع رگبتي ويخنگني بقوة
الج ١٠ دقايق بس الگاج گدامي ومتحضرة
حاولت اوخر ايدينة عن رگبتي لان احس انفاسي
انسحبت مني وانقطعت كحيت بألم وهمست
بحجرة مجروحة وتجمعت دموعي بعيوني
بابا راح تموتني عوفني گلتها وشهگت وخر ايدينة
وگعت بالگاع التقط انفاسي وافرك برگبتي
وعيوني احترگت بدموعي
أمنية :- شتريد مني يمك بقربك مأذيتك طالبة
شي منك عوفني اكمل دراستي ليش تريدني
ارجع واوعدك ماريد منك اي شي بس عوفني
انسة عندك بنية اسمها أمنية وعوفني بحالي
شاكر :- باوع للمكان وگال صايرة إحوال منيلج؟
أمنية :- اشتغل بصيدلية
شاكر :- بسيطة أمنية ما صدگت اخلص منج
بس الحضة ردي يبقئ ردي ما مكتوبلي افتك
من عدجن
أمنية :- شنو الصاير أحجي عفية
شاكر :- انتي تعرفين بالصاير لا تطولينها علية
كومي دام النفس عليج طيبة لا تخليني اافقد
عليج
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
