ثلاث دمعات

بارت 24

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت -24-

أخ يعيوني شكثر
تهوى البجي
وأخ ياصدري شكثر
شايل حجي
وأخ ياضهري يعينك الله
ولاحصلتك حايط علي
تنتجي
وضمهن همومك يكلبي واصبرلهن
وين تلكاه اليسمعك
حتی تكعد تشتكي....

ناصر :- راح ترتاحين من اطلگج
دارين :- ما تتصور شنو من راحة راح ارتاحها
اعيش بسعادة ونعيم
غمض عيونة وهو ينطق بصعوبة :- انتي طالق
دارين :- كلووووش

فزيت بذعر وخليت ايدي ع گلبي
تنفست بعمق... لا حول ولا قوة الا بالله
حتى بالحلم يطلعلي وحتى بالحلم
اني ماريدة واهلهل... لأن طلگني
گمت اخذت مي وشربت باوعت للساعة
ب ١١ بليل وهو ما بين...

گلت يلا بعد احسن شعلية بية
سحبت التليفون وخابرت ع أمنية
بقينا نسولف لحدما گالت أروح انام
وراية دوام يعني طردتني برقة...

بس يلا هو اني شفهمت من عدها گضتها
عليه طفوف اويلي طفوف
يعني هسه طفوف دتحرر حلب
گاعدة ووضعها زين هي تگول هيرو
زين وياها ومن اكلها مهران تبتسم گبل
ويرتفع عدها هرمون السعادة....

وهم هواي تسولف بيه وتمدحة
وكل شوية تتذكر وتشگ الابتسامة
ههه خطية يمكن تتخيلة وتضحك
هيه هم مدري شبيها كايمة تحبة يمكن خطية

بس لا هي صح فطيرة وتافهه ورجل
دجاجة متحل وحقها ينوكل ومتعرف
تتصرف وعدها نوع من الثول بس ترا
هي خطية متعرف تدافع عن روحها
بس بعد شبيدي منين اجيب سباعية
للفاهي...

لو اني وياها اي واحد يفك حلگة وياها
اشگة اي لعد شنو اسكتلهم مثلا
والله العب بيهم شلم بلم..
اهوو هاي اني يمكن نعست وكمت اقنبل
شو چني حميت هواي...

لـ ١٢ نفتح الباب ودخل بملابسة العسكرية
شعرة مبعثر والتعب واضح عليه
وعيونة ناعسة...!!
ناصر :- السلام عليكم
دارين :- يا اهلا

ناصر :- شلونج
دارين :- شلوني يعني؟
ناصر :- صاير شي
دارين :- اكو شي اقوة يصير من الديصير هسه
برأيك
گعد الجرباية ومغمض عيونة ويفتح بأزار
البدلة...
تخصرت ووگفت گدامة
وگلت :- بس اريد اعرف ليش تتجاهلني

نزل ايدينة وفرك وجهه ورگبتة
وينفخ...
دارين :- لا يكون ما عاجبك
ناصر :- عاجبني
دارين :- لا گول معاجبك
واگفة گدامة واحجي بأنفعال هو سحبني
من أيدي وگعدني بصفة
باوعتلة بأستنكار هو گال بنتر :- لج أنتي ما تملين
أركدي شوية ولتنسين أهلي بالبيت
يعني صوتج لتعلينة وتصرفاتج وازنيها

خزرتة وگتلة :- اشفتني مسوية بلا؟
شو گاعدة ومگموعة بهالغرفة..
ناصر :- ما گتلج مسوية شي دا انبهج
خاف تغفلين بيوم
دارين :- لا احجيلي شسويت اني
غمض بتعب وهز راسة بأسى
دقيتة من كتفة وگلت :- نمت