ثلاث دمعات

الأخيــــر | النهاية.

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت الأخيـــــر

من أنا؟
أنا تلك القوية الشامخة
التي بداخلها هشاشة كل الضعفاء
من أنا؟
انا تلك الفتاة الصلبة
التي لا يخلو يومها من البكاء
من أنا؟
انا تلك الجبال الصامدة
التي تكتم بفؤادها شجىٰ الارض والسماء
من أنا؟
انا تلك الوردة المتفتحة
التي تذبل بكل يوم وتشارف علىٰ الانتهاء
من أنا؟
انا تلك الفتاة الجليدية
التي بداخلها براكين غير قابلة للانطفاء !!

(بنات اسفة ع التأخير بس بقيت اكتب
والبارت جدا جدا طويل اذا مطلع كامل عدكم
مسحو القصة ورجعو نزلوها .. قراءة ممتعة
كل الحب❤️)

دارين...
بيوم چنت گاعدة دگ موبايلي باوعت طفوف
دارين :- هلا طفوف
طفوف :- اگلج دارين تدرين بالصار؟
دارين :- ها اسم الله شنو الصار
طفوف :- شاكر وحمدية مگلوبة السيارة بيهم
وحمدية ماتت وشاكر حالتة خطرة وبراق
يگولون ممتأذي هواي...!!!

دارين :- مو قصة انقهرت لا والله ما انسى السوو
بينا بس أنصدمت
هاي الحجي شوكت؟
طفوف :- اليوم الصبح
دارين :- وهسه همة بالمستشفى؟
طفوف :- أي وراح ينصبون فاتحة حمدية

دارين :- أنتي منو گالج
طفوف :- ما تنضم من الصبح لسة ومهران
الگالي وخابر گرايبنا وهسه ديلتمون والمصيبة
براق ماكو بس أكيد بالمستشفى
دارين :- تروحين للفاتحة؟
طفوف :- لا مستحيل الموت صعب ادري بس
مستحيل گلبي يحن واروح اوگف بفاتحتها
مااگدر

دارين :- هه اووف باعي الدنيا شلون دتدور
ع العموم لازم نروح للمستشفى نشوف براق
طفوف :- أخلي السايق يجيبني عليج ونروح
دارين :- أنتضرج
طفوف :- رحت لمهران وگتلة ماقبل نروح ويه
السايق گال انا أوديكم بدلت بسرعة ورحنا أخذنا
دارين ورحنا للمستشفى يعرفها مهران والجهال عفناهم يم امي

دخلنا اني وطفوف وكل وحدة بينا تگول بداخلها
حوبتنا ما خطتهم اللهم لا شماتة بس العذاب
الشفنا ع أيدهم حتى ماخلة رحمة بگلوبنا أتجاهم
سألنا عليهم ودلونا رحنا ولگيت براق گاعد أباب
غرفة وطاگ من البچي هو هسه أبن السبع سنين
ركضت عليه بسرعة ولميتة بحضني...!!

براق :- در ابوي وماما كلهم دم اندعمنا
واني ختلت جوة الكشن
دارين :- عفية بحبيبي السبع لتخااف لتبجي
اني يمك وشوف طفوف هم يمك وهسه تجي
أمنية احنا كلنا منعوفك
براق :- بس أني مااحبجن
دارين :- ليش

براق :- أمي دائما تگول خواتك خبيثات وما يحبنك
ابد لتتقرب منهن ولا توصل وحتى لتسلم
دارين :- رفعت عيوني بأستدراك وگلت أهاا
بگلبي گلت حتى الرحمة حرامات بيج شلون تخليني
ادزلها ثواب هسه بطريقتي الخاصة استغفر الله..!!

طفوف :- انت شتسوي هنا محد اجة عليك
براق :- هذا الممرض گالي اگعد هنا لما يجون
أهلك
طفوف :- منو بالغرفة؟؟
براق :- أبوي
مهران :- خل افتهم الصاير بأبوج وأجي
راح مهران ورة شوية رجع وگال ديسوولة
عملية وعندة كسر بالحوض وبأيدة