# ثلاث دمعاات
الكاتبة :- ســندريلا ||𝐒𝐀𝐑𝐀𝐇 ♡.
البارت - 9 -
لا تنغش و اذا كلولك شلونك ؟
هاي الكلمة بس من الغربة تنكال!!!
ما يحجيها واحد مفتهم لونك 🖤
نفتح الباب ودخل الشيخ مهران
كمزت من الجرباية للگاع
هو گال بهدوء :- أهدي بوية أهدي
رمشت بعيوني... وانتبهت ع روحي
بدون حجاابي جريتة بسرعة ولبستة !!
باوعتلة وآگف بس ميباوع عليه
تقدم بخطواتة بثگل وگعد ع الجرباية
واني واگفة وما ادري شسووي
تحمحم وگال بهدوء :- تعالي هنا
وأشر ع المكان اليمة !!
بقيت اباوع بذهول كل عقلة أگعد يمة
يا عيبت العيبة !
بعدين تذكرت العقد ومشيت بخطوات
مترددة وگعدت يمة بينا مسافة بسيطة
بقينا ساكتين اثنينة واني حتى انفاسي حابستها
هو مسح ع لحيتة وگال بتساؤول :- شنو چان أسمچ؟
بللت شفايفي وحجيت بتلعثم :- طـ طـ فـ وو ف ططفوف
شح ابتسامة ارتسمت ع ثغرة
دنگت بسرعة وصرت اعصر بأصابيعي
هاي الحركة اسويها كلما أتوتر
هو گال بوقار :- عاشت الاسامي طفوف
وأردف :- أنتي تدرسين
هزيت راسي بنفي
هو تنهد وگال بتفهم :- ارتاحي بوية انة جيت اطمئن عليج وأروح...!
رديت بسرعة بفضول :- انت وين رايح...؟؟
هو صفن بوجهي واني لعنت لساني الفالت
سالمين طفوف انتي شعليج بيه وين رايحح
لو بس ابطل هذا فضولي...!!
هو گال بهدوء :- عندي خطار
وگام وگف بطولة الفارع رفعت عيني
عليه ونزلتها بسرعة مرتبكة
رجع گال وهو يمشي بخطواتة للباب :- انتي ارتاحي ونامي اخذي راحتج
وطلع وصفگ الباب ورا !
من طلع تنفست براحة طول ماهو موجود
انة كاتمة انفاسي،،،، تذكرت هدوئة واسلوبه
شگد هادئ،،،،،يارب والله تعبتت
اوووف شراح يصير بية بعد !
بچيت بقهر اشتاقيت لخواتي
ما مفارگتهن ابد... فكرت شعجب محد صعد علية
يلا هسا اني شعليه بيهم
حسبة توديني وحسبة تجيبني
لو بس عقلي ميفكر لو بس يوگف عن التفكير
ساعة وحدة مو اكثر بس اريد ارتاح.
نفسيتي جسدي عقلي كلهن متعبااات!
تمددت ع الجرباية المخدة ملياانة
عطر قووي عرفتة عطرة بردت الغرفة
هدوء تام بس ضوضاء مزعجة بداخلي
بعد يوم حافل بالمشقات والدموع
نمت بدون ما احس ع روحي!
حسيت ع ثگل ينذب ع الجرباية
رفعت راسي وفركت عيوني بنعس
ضلام دامس وباردةة ثلج
نسيت نفسي وين ورجعت للفراش
راحة مو طبيعية البرودة منعشة
ومتغطية باللحاف ريحتة تخبل
للحظة استوعبت نفسي واني وين؟
گمت بفزع شمرت الغطة وباوعت
بالمكان اليمي شفتة شفتة نايم ومنطيني
ظهرة بلعت ريگ بتوتر،،
شوكت اجة حتى ما حسيت عليه
گلبي ما اسيطر ع نبضاتة
گمت خليت رجليني بالگاع
وگاعدة بطرف الجرباية كل شوية
التفت اباوعلة.. هسا شسوي وين انام
باوعت عليه نايم بهدوء ابد ما تحرك !
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
