ثلاث دمعات

البارت 42

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 42 -

الناس مو نفس الطبع بيهم جرح
بيهم دوه ماسامع أشگال المثل؟
مو كل اصابيعــــــــــك سوه 🖤

طفوف
زهگت فدنوب ودفعتها وسهاد تتفرج بمتعة مااحس
الا خنساء تدفعني شگد ماعدها قوة مگدرت اتوازن
ووگعت ع ظهري ليورة صرخت بوجع ولزمت بطني
واتأوة من الوجع وماحسيت غير بحرارة الدم النزل عليه..!!

رجف جسمي وأحس گلبي وگع من الخوف
حسيت بوجع قوي نفس المرة السابقة بسرعة لزمت
بطني وگمت رادن يعترضن طريقي ماانطيتهن مجال
مشيت بسرعة لغرفتي بلا ما احچي ولا كلمة..

دخلت وقفلت الباب وكل لشتي ترجف
بدلت وشفت نفسي انزف بس مو قوي
بسرعة خابرت دارين وتجمعت دموعي بعيوني
خفت اخسر هذا الطفل هم
دارين :- هااا
طفوف :- حجيتلها بسرعة
دارين :- عزااا العزاج طفوف بسرعة تمددي
وخلي مخاد ورفعي رجلينج

طفوف :- خاف صار شي بالطفل گلتها وبجيت
دارين :- الله اعلم اني شمعرفني قابل بس
باعي لو تموتين هسه وياي ع الخط مااجي عليج
هسه تخابرين رجلج يجيج من شغلة حتى يشوف
بنفسة شديصير بيج كافي طيبة گلب وفهاوة خلي
يشوف شلون خال مرتة بنص عگارب منين ما ترفع
راسها يگرصنها

طفوف :- دارين دارين اني وين وانتي وين داگلج
داحس بوجع بظهري وبطني لا صار بي شي والله اموت
دارين :- ما عليج شي عرج ميطگج بس اذا خسرتي
طفلج تبقين بقهرج وحسرتج لو بيج خير خابري رجلج خلي يجي ياخذج ويشوف هالادبسزيات شمسويات بيج شلون اهل ياكلون بماعونة وايديهم
بعيونة

طفوف :- ماشي بس خاف ميصدگني
دارين :- يصدگ لتخافين اكيد اهلة ويعرفهم من يا طينة
طفوف :- ماشي يلا
دارين :- نتبهي ع نفسج ابقي متمددة لتتحركين ابد
ولتخافين وتوترين اعصابج مو زين
طفوف :- تمام لعد يلا مع السلامه
دارين :- هلو

لزمت بطني بخوف ودموعي تجري رفعت راسي
للسگف اناجي ربي يارب بحق ال بيت النبوة
تحفظة من كل شر ياربي وميصيرلة شي الللهي
مسحت دموعي وخابرت مهران

مهران :- هلا بوية
طفوف :- تعال بسرعة للبيت عفية
مهران :- شني الصاير؟
طفوف :- حللت اليوم وطلعت حامل وهسه
دانزف تعال وافهمك كولشي بس استعجل ليروح
الطفل

مهران :- راح اخابر بشير ياخذج بينما اوصل
لا يصيبكم شي
طفوف :- لا الله يخليك انت تعال
مهران :- رد بخوف واستعجال يلا مسافة الطريق
بوية

سديتة منة وبقيت رافعة رجليني والالام تروح وتجي مرة تخف مرة تزيد والله گلبي من القهر
تعب وتعبت روحي ومابيه طاقة اكمل بيها ابد
الضنا عزيز بالرغم صار ساعات من عرفت ابني
مزروع بين احشائي بس أحسه صار بعزية روحي...