ثلاث دمعات

بارت 38

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 38 -

المشكلة المابيه جرح
ما يفهم.. البيه حسرة
مرات.. تلگالك عدل
بچفوفة يحفر گبرة 🖤

سهاد :- بچت وگالت بنحيب وصراخ
ووولج يمة بشير خابرني يگول مهران مسوي حادث
والسيارة مگلوبة بيه وحالتة خطرة لو يعيش لو يموت ..!!
هي گالت هيج لو أحس الدنيا أنهدمت ع راسي..

ركضت عليها لزمتها من كتوفها وأهز بيها
شهگت وحچيت بصعوبة وترجي ونبرة
عدم تصديق گلت :- گولي السمعته مو صح
دفعتني وگعت بالگاع صرخت بيه كل قوتها
سهاد :- تشوفيني داجذب عليج اكلها بين الحياة
والموت گعدت ع القنفة وخلت راسها بين ادينها وبچت..

أم مهران گامت تلطم ع رجلها وتدعي وتبجي وجنان كذلك اني ع وگعتي بالگاع واباوعلهم بعيون مدمعة
اريد أستوعب... گمت من مكاني لازمة ظهري بألم
جرت دموعي ولجمت گلبي گبل خدي...

گعدت بطرف الصالة وضميت رجليني لصدري
أريد احجي اصرخ ابجي بس البيني ميخليني
فززني صوت صرخة خنساء :- ماايردون محد
يرد بسلا صار شي ولهيج مايردون

گمت من مكاني وصرخت بكل صوتي بنحيب
بحيث احس أوتاري الصوتية تمزقت وگلبي
أعتصر بألم وعذاب مميت...
-ما مات مهرااان ما مات مهران مايعوفني اي
والله مايخليني وحدي.. گلتها وجهشت ببكاء
حاد..

رحت لجنان گعدت گدامها شهگت ومسحت دموعي
ووگعن غيرهن بلعت ريق من علقم وهمست
بمرارة :- جنان لا تبچين ما يعوفنا والله ميعوفنا
گومي خلي ندعيلة گومي
بس تبچي ماردت.. گمت واحس گااع الله بكبرها
ضاقت بيه براكين من نار متأجأجة بوسط صدري..

صعدت فوگ وعفتن يتعايطن ويبجن
دخلت للغرفة اطلع بملابسة واحضن بيهن
وابجي واتخيل گعدتة وسوالفة وكل شي بيه
رفعت راسي للسگف ولزمت گلبي بوجع
صرخت بنحيب وبكاء :- اللهي من عمري ع عمرة
ربي اخذ عمري وخلي ع عمرة بس لا تفجعني بيه

گعدت واحس انتهيت من القهر النار شاعلة بگلبي
جمر ما ينطفي احس بداخلي صرخات مكتومة
وعبراتي مستقرة ما تنبلع.. الطم ع وجهي واملخ
بشعري ربي دخيلك ربي هو ابوي وامي وسندي
وَكل ما أملك..

ربي فدوة لبابك اذا ردت تاخذة اخذ عمري قبلة
ولا تخليني عايشة بلحظة اليجيبون خبرة
تمددت بالگاع وشگد باردة بس أهيس حتى
البرد يلجمني..جهنم تمشي بشراييني..

گلبي من الوجع والخفق القوي احسه ع ساعة
يوگف من شوغت گلبي الاسوي، شنو ماا ادري
ابجي اعيط الطم ادعي اكعد اكوم وافتر
بالغرفة ساعة ساعة اطلع بملابسه واشمهن...

نزلت جوا اترجا خبر منهم همست بعذاب
وصوت مببحوح وحنجرة ممزقة :- ماكو اي خبر
جنان :- دموعها عشرة عشرة ع خدها هزت راسها ب
لا خليت ايدي ع وجهي وبچيت ربي انت اعلم بحالنا
وتدري بالنار التسعر بأرواحنا.. لا تفجعنا بيه