ثلاث دمعات

هدية

يهلا والله ♥️
هذا البارت الوعدتكم بية والي طالبتوني
بي هواية أتمنالكم قراءة ممتعة

تعالن تعالن وين رايحات تقرن ارجعن
خل نتفق تصويت + تعليق ع الفقرات
ترا ازعل فجرو البارت بتفاعلكم
🥺♥️♥️♥️.

-
"تَدَاوَيْتُ مِنْ لَيْلَى بِلَيْلَى عَن الْهَوى
كمَا يَتَدَاوَى شَارِبُ الخَمْرِ بِالْخَمْرِ
ألا زعمت ليلى بأن لا أحبها
بَلَى وَاللَّيَالِي العَشْرِ والشَّفْعِ وَالْوَتْرِ
بَلَى وَالَّذي لاَ يَعْلَمُ الغَيْبَ غيْرُهُ
بقدرته تجري السفائن في البحر
بَلَى والَّذِي نَادَى مِنَ الطُّورِ عَبْدَهُ
وعظم أيام الذبيحة والنحر
لقد فضلت ليلى على الناس مثل ما
على ألف شهر فضلت ليلة القدر
قيس بن الملوح

- تمر أيام وتجي غيرها تهدأ أوجاع وتلتهب غيرها
تعدي ليالي صعبة وتصعب علينا الأصعب منها
تموت الحياة بأرواحنا واحنا ع قيد الحياة
تذبل أوراقنا وتكاد تتساقط وبمعجزة من ربي
ورب الجميع تنسقي أوراقنا وتنطينة أمل للحياة
تنطينة أمل حتى نعيش أو بالمعنى الأدق نتعايش

هذا حالي وأني فاقدة أغلى أنسان علية
بس الله مينسى عبادة حاشى لله رزقني
بأبني سندي من بعد الله كل يوم اشوفة
يكبر كدام عيني حبيبي كلما يكبر يصير
يشبه ناصر ارأقب حركاته بيه هوايه من
صفاتة وحركاتة جنت بغرفتي أرتب االملابس
كملت ترتيب باوعت لدشداشة ناصر المعلگة
مديت ايديني الترجف تلمستها بأيدي سحبتها
لحضني وأستنشقت عبيرها بكل قوة..

يعالم مو بيدي جمرتة ما تنطفي لا والله
ولا بيوم يهدأ سعيرها رجعتها بهدوء
ورحت ع سند أگعده قبل المغرب اگعد
بيه وهو منزعج ضحكت عليه وتذكرت ناصر
جان ينزعج إذا أگعده دمعت عيني وجان
اكو تناقض عجيب بين ضحكتي ودمعتي

صرت دارين سهله تنزل دموعها بكل مكان
وكدام اي، شخص وبأي وكت بعده بعد
ما جنت بضلة قوية تنهدت بهم وقنعت
سند يگعد غسلتله صحصح وطلع يم عمي
بالمحل..

عادي حياتي مابيها كل مستجدات
كل يوم نفس القبله عمي وعمتي عايشين
بس عمتي دائما تتمرض وهوايه تبجي
وتنقهر مرام عايشه والحمد لله زوجها
صاينها ورامي يدرس ويشتغل ويايه
وأني كل يوم شغلي يتطور أكثر وأمي
علاقتنة زينة حيل بيها وبراق مداريته وخالته
بعيوني وهو يحبني واني هم هوايه احبه احسه
ابني مو اخويه وهم يدرس ..

اليوم ذكرى زواجنا أني وناصر صار الليل
والكل نام حتى سند وبراق جانت ساعة
١١ ونص جانت مرام يمنة ونايمة يمهم
عفتها تححي وي زوجها اتصال..

وگمت بهدوء طلعت الكيكة المسويته
ونقشت حرفي وحرفة عليها خليت بيها
شموع وشلتها هي وسكين صعدت فوك السطح
حتى اخذ راحتي واطلع كل البگلبي

ليل وضلام يتخلله الاضوية الجايه من البيوت
والشوارع كعدت ع الكاع وخليت الكيكة موبايلي
ويايه شغلت أغنية "بحبك وحشتيني"