ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 51 -
أجي تعبآن من الناس
من حسبآت البآلي !!
وتلمني سوآلفك وآنسه
وتآخذني بـ دفو عيونك
وآختل جوه جفنك طيف
اليطب لـ أحلآمك تونسه 🖤
ً
گلبي يضرب بصدري بقوة وشفافي ترجف
حسيت ايدين لزمت وجهي
ورغم البرد القارص حسيت
انفاس حارة جمررر طخت بوجهي
وصوت همس يم أذني برجفة " أمنيتي لو رحتي المن اعيش انة... ولج شسوي بدنيا ما بيها أنتي"
الرجفة لازمتني واتنفس من حلگي گلبي يخفق بقوة
مو طبيعية وما مستوعبة شنو الصار صوتة الراجف
تخلل أسماعي صابتني الدهشة وأحس نفسي بحلم
مو بعلم همست بذهول :- أبو غمرررررة
غمار :- عيونة أنتي
گال هيج وسحبني لحضنة وشابكني كل قوتة
احسه يريد يدخلني، بضلوعة عضامي انطحنن طحن
حضنتة اقوة وبجيت من گلبي ونسيت الدنيا كلها.
نسيت اني وين وشنو ومنو بعدني من حضنة وخلة
گصتة ع گصتي وايدة ورة شعري وانفاسة الجمر تلفح بوجهي بقوة.
ماحسيت غير بوجهة يندفن برگبتي وينثر بوساتة
بعمق وقوة بكل مكان قشعريرة سرت بكل جسمي
وارجف بين ايدينة يبوسني بقوة وبكل مكان كأنه دياخذ
ثارة مني يطلع قهر گلبة بهالشي حجيت بأنفاس لاهثة غماررررر
حسيت ع وضعنة استوعبت الديصير صدري
يرتفع وينزل من الرجفة والبرد والخجل من
استوعبت الوضع رجعت گلت بتوسل
.. غمار أصحى ع نفسك.
رفع راسة باوعلي عيونة ذبلانة وانفاسة حارة
سريعة ممنتظمة خلة عيونة بعيوني وگال
بعصبية :- اني الأصحى لو أنتييييي ولج شنو الردتي تسوينة شلون تفكرين تنتحرين هااااااا
گالها وهزني من كتفي حيل
غمضت عيوني حيل وابجي هو گال بصوت مبحوح
غمار :- أمنية
أمنية :- همممممم
غمار :- لتبجين
أمنية :- فتحت عيوني مد اصبعة الابهام يحركة
بهدوء ويمسح دموعي ويه حركة اصبعة يتحرك گلبي وكهرباء تسري بكل جسمي وتتسارع انفاسي
الهوا بارد يضرب بوجهي يزيد من رجفتي
حجيت بهمس وتوسل وصوت متقطع
انت صدگ گدامي وداشوفك اني بحلم لو بعلم
غمار هذا انت الله عليك كول هذا مو حلو وراح افز منة وينتهي كلتها ودنگت ابجي وكلت بقهر والله
بعد مااتحمل عفيه كول هذا مو حلم كول انت حقيقة
اني گلت هيج مااحس الا سحبني لصدرة حيل
وعانقني بحب وحنان اهل الارض والسماوات
خليت ايدي ع گلبة الينبض بسرعة اسمع همساتة
بأذني الاشبه بتهويدات مداوية لروحي الجريحة
غمار :- حقيقة وداعتج حقيقة بس اهدي وكافي بجي مو دين ما بقيتي براسي بهالدموع
أمنية :- راسي ع صدرة وناسية الدنيا باهلها
خالة راسي بحضنة ونسيت مصايبي وهمومي
والمريت بيه كلة رفعت راسي وابتعدت منة
بس گلبي غصباً عليه ابتعد
أمنية :- شلون صعدت هنا
غمار :- شفتج يالثولة وما شفتيني
امشي دخلي لا يجي احد وخابريني من اي موبايل
يلا بسرعة
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
