#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 6 -
هيــــه هم تسمىٰ دنيـــــا
وبيــها ارضة شما يصــير
تمــشي ويه الطيب اعوج
والله ماعــــدها ضمــــير
الغـــــني مرتاح بيــــــها
والتــــعب بس للفــــَقير
ربــي ما تفرجهـا عــــــاد
خــلــي نتنفس هــــــواك
الأرض ضاگـــــــت علينا
وهوىٰ ماكــو مــن سماك
صرنــــا بيد الدنيا لعبةة
وهــــذا يشمرنا لهذاك🖤
أشر بأتجااه طفوف أنصدمت...
وقع الحدث مثل الصاعقة ع اسماعنا
باوعتلة بذهول وحجيت بصوت متقطع من الألم :- ليش بابا
ليش احنا مو بناتك ليش هيج ترخصنا
لطمت ع خدودي وأعتلة صوتي شهكاتي
گلت بتررجي :- بابا الله يخليك مو طفوف
خليني اني أروح.. بس مو طفوف ما فكرت بيها
شراح يكوون مصيرها وهيي طفلة
كل عمرها ١٧ سنة بسس..
حجة بصرامة :- مامش وحدة منجن تطلع من طوعي
طفوف يعني طفوووف انة گلت العلية والباقي يم الشيخ يحدد شوكت يريدها وأوديها الة....
صاحت دارين بكل غضب :- مو بكيفك والله أختي ما تروح
هدية شتريد تسووي تضرب أضرب تموتنا
تراك بيها تسوي فضل علينا أساساً احنا ما عايشين
حتى نموت والله أختي ما ترروح هدية
كافي ضلم كافي جيروت وطغيان...
حس بينا ولو مرة وحدة احنا بناتك ومن صلبك ما جبتنا من الشارع ...!! كافيك الهالحد ضلم كافي
بدال ما ترفع شأنة وتعلي ترووح ترخصنا واحنا النوگع بيهاا .....
تقدم ع دارين ونظراتة تبث غضب وهي واگفة تباوعله بتمرد ممزوج بـ تحدي فضيع !
لزمها من زندها عتهااا حيل ومشة بيها للغرفة
دخلها ودخل بعدها وقفل الباب أرتعد جسمي
وعرفت شنو راح يسويلها...
باوعت ع طفوف بنظرات باكية
قابلتني بنظراات حائرة خائفة تائهة أعتصر
گلبي بوجع... وصارر غواش ع عيوني
أحترت ألتفتت لنفسي... ولا ألتفت لـ طفوف
ولا لدارين المقفولة عليها الغرفة ودتتعاقب وتنجلد
من غير سبب بدون أرتكااب أي جريمة ...!!
طفوف صافنة بالفراغ وما بجت مثل كلمرة
يصيح أبوية ويضربنا... عيونها تنطق ألم ووجع
عرفت أختي ممصدگة ومصدومة
أباوعلها ودموعي مثل مطر عشرة عشرة
وتقابلتي بنظرات عدم تصديق بالي ديصير!
أخذتها لحضني تشبثت بثوبي
كأنها بهالطريقة تحتمي بيه من الواقع المرير
وتطلب مني الآمان .....
طفوف
يگولون الأنسان اليضحك هوايهه گلبة
مكسور ومجروح يمكن اني أكثر وحدة
تنطبق عليه هالگولة أضحك
وأسولف وبگلبي... ألف حسرة
شگد إتمنى....
أشياء بحياتي أتمنى الأمان أتمنى !!
عندي السند و أم تحاميلي وتدافعلي
هوايةة أمنيات مخزونة بگلبي
بعمري ما گلتها لأحد...
عشت طفولة مريرة مليانة معاناة
من صغري وصرت معودة اعله الضيم
والقهر... بالوقت الي لازم ما يكون عندي
هم وكل همي لعبتي حالي حال الأطفال
أخدم وأتحمل أنواع الذل والمهانة
مسيرة مو مخيرة... بالوقت الي لازم
أكون أدرس حالي حال الكل !!
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
