ثلاث دمعات

بارت 33

#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 33 -

مو كل اليحب آيعيش فرحان ..
اكو واحد... يحب بس هو يائس
واكو لمن يحب... آيصارع الموت
ميهمه يصارع............. ألف فارس
ينشدونه آعله قيس وليلى كل يوم
أشو محد... ذكر بالعشــگ عابس🖤

ما ادري شصارلي حتى الم الدعمة نسيتها واني بين ايدينة احاسيسي تفوق سيطرتي اعتلتني الرجفة
مشة بيه بسرعة للگراج دخلني بسيارتة وراح
شوية ورجع يمكن قفل الصيدليه لان ضلت مفتوحة
ع النص الوجع بدا يظهر وحسيت رجليني مكسرة
تكسر..

لزمت رجلي جان أعيط وبجيت بقوة من الالم المبرح الصابني التفتلي بسرعة
غمار :- مبين كسر توجعج هواية
أمنية :- رديت ببكاء اي عفية أستعجل
غمار :- أهدي هاي المستشفى قريبة
باوعتلة يسوق بسرعة وعاگد حواجبة گضة عمرة
مغندب وين الموقف البايخ يجمعني وياه

محد حجة بس كلة شوية أشهگ
وصلنا هو نزل واني اريد افتح الباب احس مابية
اجة فتحلي الباب
نصة عليه صار قريب مني.. غمار :- تگدرين تمشين
هزيت راسي بلا
حك لحيتة وتحمحم وگال :- خلي أشيلچ
رفعت راسي بسرعة صارت عيوني بعيونة بلعت
ريگ وگتلة :- لا عفية جيبلي كرسي متحرك
وخر ورگع الباب حيل وراح يجيبلي كرسي

اجة جايبلي الكرسي من ردت انزل صارت صعبة
وحدة من رجليني مااكدر احركها بحركة سريعة
شالني وخلاني ع الكرسي بوية الخجل رغم وجعي
ابقا بنية واخجل خلاني وقفل السيارة ويدفعني
بالكرسي دموعي نزلت من الوجع الفضيع..

رحنا للطوارئ شافني الدكتور وگال الكاحل
مكسور ولازم تجبيرة.. اني بس گال تجبيرة
ارتعد جسمي عاد بلش يسويها وبألف يا علي
يلا خلصت بس أحس حيلي انهد شلون الفقدت
من الألم المفرط .. گلبي اجة يوگف فرفحت تفرفح روحي شهگت للسما بس مغمضة
وابجي گوة مسيطرة ع شهگاتي الوجع يدگ بالگلب
حتىٰ غمار نسيتة من الوجع بس اسمع صوتة يكول
للدكتور ع كيفك وياها

وره مكمل هم شالني وخلاني بالكرسي
انطاني وصفة علاجات غمار باوع عليها ورجعها للدكتور شلت حذائي وياية
مال رجلي اليسرى بيدي واول مرة انتبه اني بدون
عبايتي وضالة بس بالنفنوف... مشاني بالكرسي
وصلنا نفس الشي شالني وخلاني واني حتى
بطني ترجف خلاني ع المقعد ونصة عليه غمضت
عيوني وعطرة تخلل انفي وعبة رئتي
رجفة صابتني ودگ گلبي بجنون الة..

حسيت المقعد يرجع ليورة فتحت عيوني
بهالاثناء سد الباب وراح للجهة الثانية يصعد
هو رجة المقعد ليورة صرت شبة متمددة

بية سولة مديت ايدي لزمت رجلي بدون شعور
عطت
غمار :- بس أركدي كل شوية لازمتها وعايطة
تحملي مو طفلة أنتي وتعيطين وتبجين
أمنية :- شطت من گال هيج رديت.. ترا توجعني
غمار :- حتى تاخذينها عبرة منا ورايح تنتبهين لطريقج وتبطلين ثول
أمنية :- فوگ ضيمي هذا جاي يتفلسف براسي
رديت بحدة :- ترا الشارع جان فارغ واجتي هالدراجة طايرة ليش تگول ثولة بصفتك شنو