#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت -10-
وين الگه ؟ اليحبني ومايمل مني
ويگلي اسم الله لمن گلبي يوجعني
واذا حس بيه من الدنيا مامرتاحة
يشاقيني يضل خاطر يضحكني..🖤
ماأدري شگد نمت وما أدري شگد
الوقت... بس ما حسيت غير ع عيطة مدوية
خلتني أگمز من السرير للگاع بكل فزع!
باوعتلها جنان بللت شفايفي و گلتلها بسرعة :- جنان شبيج
كمزت علية بسرعة وشمرتني ع السرير
گعدت ع بطني وخنكتني حيل
بس اباوع مصدومة وخايفة وراسي مسطور مداستوعب
شديصير !!
وهي تردد :- عبالج اخليج تتهنين ياا رخيصة
وتاخذين بابا مني
والله اموتج بيدي والله
وخنكتني اقوة
اضرب بيها وارفس جواها واريد توخر عني ماكو
وجهي طگ
من كدما اختنكت فقدت القدرة بأن
ادافع عن نفسي لزمت ايدينها احاول
اوخرهن مني ما أگدر... عيونها تبث
غضب وحقد وكراهيةة... نزلت دموعي بغزارة
صرت أجر النفس گوة وحسيت
صدگ روحي راح تطلع... وتفارق جسدي
الهزيل المتعب بقلة حيلة وضعف حال
همست بشهگة مزقت أوتار قلبي
وينچ أمنية وينچ دارين وينكم عني؟
تعالن شوفن اختچن شصار بيها !!
بچيت وگلت بصوت متقطع گوة أنطق
الكلمة :- عفيةة عوفيني نفسي انگطع !
خنگتني أقوة وگاعدة ع بطني
عظامي نطحنن طحن
گالت :- موتي وهو هذا المطلوب موتتييي
وخنگتني بكل ما تملك من قوة !!
ما گدرت أقاوم الاختناق أكثر وسلمتها
هي روح ورايحة هسا لو بعدين
فلتت ايديني من ايديها اختفت الرؤيا
من عندي و غيمت الدنيا
بعيني وصار غواش ابيض
وما دريت بشي بعد !!
بين الفاقدة والصاحية
حسيت ع روحي فتحت عيوني ببطئ
ورجعت سديتهن من الضوا
صرت افتحهم وأسدهم الى أن أستوعبت نفسي
باوعت بأرجاء الغرفة عگدت حواجبي
من الوجع القوي براسي لزمتة حيل
وگحيت وصرت اتنفس بكل قوتي
شهيق و زفيررر !
داهمت الأحداث ذاكرتي بكل قساووة
وعنف رجفت شفايفي واني اتذكر
الصار... گمت ع الباب بدون وعي
وقفلتة خايفة ترجعلي شكلها يخوف
وكلامها خطير وافعالها اخطر تريد تموتني
گعدت بالگاع وحضنت نفسي
يا الله صدگ اني شلون ما متت اتذكر
غيمت الدنيا بعيني والهوا نفذ شوون ما متت؟!
شون راح أبقى هنا والله خايفة
صارلي يوم من اجيت رجلي أحترگت
وحاولو يموتوني... جسمي صار يختض
مثل السعفة وابجي بجنون
والله راح يموتوني اني مستحيل ابقى هنانة
بعد... اذا ما متت اليوم فأكيد باچر
يوم واحد وكل هذا صار بيه
زين اذا ابقى أكثر...
شراح يصير وشراح يسوون بية
يا الهي شصاار بية... شلون هيج فجأة
حياتي نگلبت فوگ تحت
تذكرت قبل اسبوع بنفس هاليوم شلون
چنت گاعدة بين خواتي... شلون جنت
بأمان وطمأنينة ماكو لا خوف لا قلق
بگلبي شنو الصارر ونگلبت حياتي
كلها وصرت اتخبط بدهاليز الحياة
وغياهب الاقدار....!!
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
