#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت -56-
الحزن مرات ياكل… بالبشر
وادري الدنياااا ظلمة وللحزن
غايه لوتبچي عمر مايرجع الراح
اليعوف الزاد والملح ابد متهمه الحجايه
اشگد لحظات مرت ع الجرح ماطاب
اشيل ابخيط جرحي ومانشف مايه 🖤
دارين :- اي وصلتي تفضلي
ردت :- هو مو متزوج بنت عمة شاكر ..؟
دارين :- باوعتلها بحيرة وذهول من أمرها
اي اني زوجتة دارين بنت شاكر كولي
شرايدة ومنو انتي؟؟!
ردت :- اني أمج يا دارين ....!!
دارين :- لا اكول انصدمت ولا اندهشت ولا تفاجأت
لا والله انصقعت صقع من هول السمعتة غمضت
وفتحت عبالي حلمانة لو داتخيل وحقي عشرين
سنة وهسه يلا تذكرتنة باوعتلها بذهول
ونطقت بكره حاد :- أني ماعندي أم
نجلة :- لا تگولين هيج بنتي وخليني ادخل واشوفج
واحجي وياج واشرحلج كل الصار وياية لا تقسين
ع امج
دارين :- هزيت ايدي وضحكت بسخرية من القدر
ابد ماتخيلت بيوم راح التقي بيها وما جنت مفكرة
لو التقيت بيها شراح اكوللها گتلها بصرامة
مثل ماجيتي ديري وجهج ورجعي منين مااجيتي.
نجلة :- نزلت دموعها وكالت ابوس ايدج يمة لتسوين
بيه هيج انتي ما تعرفين العشته ولا تدرين بالصارلي
خليتي افهمج وافهم خواتج كوليلي خواتج شلونهن
دارين :- احس گلبي يوجعني حيل بودي اصرخ وابجي وينها عنه هسه تذكرت وين جانت
هاجت مواجعي الالام ... الماضي المجحف
العشنا اني وخواتي قسة گلبي
وزمجرت بوجهه بحقد :- گتلج روحي منا
وانسي عندج بنات هسه مثل ما نسيتينا قبل وكملي
حياتج بعيد عنه لا تخليني اطلع قهر السنين بيج
نجلة :- لتحكمين وانتي متعرفين شي بس انطيني فرصة
دارين :- لا فرصه ولا " قاطعني" صوت أمنية
ورايه تصيح دارين منو بالباب
التفتت ورة بسرعة وگلت :- هيج أمنية ماكو احد
أمنية :- شنو ماكو احد ولج لعد شكو صار ساعة
واگفة بالباب گالتها وتقدمت بأتجاهي وصلت يم
الباب ومدت راسها تباوع
شافت نجلة وگالت :- هلو خالة شلونج تفضلي
ليش ع الباب گالتها وهمستلي ولج متستحين
موگفة المرة بالباب
دارين :- انتي تعرفين هالمرة منو
أمنية :- ولا صغرا بيها مااعرفها
نجلة :- انتي مو أمنية
أمنية :- رديت بأبتسامة وگلت اي خالة اني أمنية
منين تعرفيني
نجلة :- اني امج أمنية
أمنية :- صفنت بوجهة ماكدرت استوعب جان
اعيط شنووو شدتحجين انتي شنو اني امج
نجلة :- ما مصدگة شفتكم بعيوني بعد بس
طفوف شوكت اكحل عيني بشوفتها
أمنية :- انتي شدتحجين شنو امنا شنو من
كل عقلج واحنا اصلا ما عدنا ام
نجلة :- بس دخلوني وخل احجيلكم كولشي
لخاطر بطني الحملتجن تسع شهور انطني فرصة
دارين :- خلفلة عليج الله يجازيج يلا روحي
ترا كوة لازمة روحي عنج مو لان عود امي ججج
لا بس لان مرة جبيرة وماريد اهينج
أمنية :- دارين گلتها بحدة
دارين :- اهوووو وبعدين مالج نية تروحين منا
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
