#ثلاث دمعات
الكاتبة :- ســندريلا ||𝐒𝐀𝐑𝐀𝐇 ♡.
البارت - 7 -
وتشاء انت من البشر قطرة
ويشاء ربك ان يغيثك بالمطر
وتشاء انت من الاماني نجمة
ويشاء ربك ان يناولك القمر 🖤
طفوف...
جنت گاعدة ودموعي تهطل بسبب
قلة حيلتي وضعفي... احس روحي
من الوجع والألم تكاد تنفجر...
دخل ابوية بجبروتة المعتاد ورمقني
بنظراتة الاشبه بنظرات شيطانية وبصوت
حاد وبلا مبالاة گال :- ليكونج عبالج تسوين
عرس ترا مالنا خلك هوسة انة بلغت الشيخ رجل
عمتج توة متوفي وكتلة استغني عن العرس وهو
ماكال شي... فحضري نفسج هاليومين تروحين
باوعتله بعيون مدمعة وگلب مكسور
وحجيت بصوت مذبوح :- ليش بابا مستكثر عليه العرس؟
أمنية :- زين ومهرها حتى نجهزها
عاط بيها :- بسجن بسجن من هلسوالف صارلي سنين
طويلة اداري واربي وهسه جايات تطالبني بمهر
دارين :- ههههههههههههههه
تقدم ع دارين وعيونة تشع غضب استفزتة
بضحكتها بس أمنيه وكفت كدامة
وحجت بتوسل ورجاء :- لا بابا فدوة الله يخليك عوفك منها
شاكر :- اسمعني زين عرس ماكو مهر ماكو اختجن راح تروح وتكعد بنص الخير والعز والدلال وجاية لاحكتني ع مهرها
اصلا المفروض تشكرني وتحبن ايدي اختجن
وين تحصللها واحد مثل الشيخ مال وجاه وعز ونسب...
كلنا ما ردينا انسان عقلة هيج واحد شيرد
عليه مثلا ؟؟
راح وتركني اغوص ببحر من الاحزان
وترك الالم يطحن بقلبي... الدموع
تنزل وتچوي خدي... ابچي ضلم
وحرمان ابچي طفولتي الما عشتها براحة
ابجي ذل ومهانة ابجي اوجاعي الصارت
مسرح ويتراقص عليها الكل...
ابچي ع روحي و احس روحي مقهورة على
روحي.... يويل حالي ع حالي.!!
دارين
من رادنة ابوي بموضوع ما أهتميت
قابل شيريد من عدنا بس راد الما جان
ع البال ولا ع الخاطر... نصدمت
من الخبر الچان صادم كلة ولا طفوف
حيل فقيرة وضعيفة احسها قارورة هشة
شلون راح تتحمل
وادري الجايها صعب حيل !!!
كرهت أبوي وحقدت عليه أي
كرهته اي لان بعمرة ما حن علينا
اب اليبيع بناته برخص التراب ما يتسمى
أب
واليوم السوا كفيل بأن يخليني أشرب
من دمة طفوف تؤأمي ونصي الثاني
شون اشوفها تتأذة وما بيدي شي شون
صدگ بوقتها حسيت بروحي عاجزة عاجزة
وما باليد اي حيلة ،،، !!
بين نظرات طفوف الحائرة
وصدمة أمنيه وتشفي حمدية
ما گدرت أسكت وطلعت كل الي بگلبي
وأدري راح أتعاقب بس الضغط يولد الانفجار
واليوم جد انفجرت وطلعت كل صرخاتي
المكتومة مرة وحدة وبلا ما أحس ع نفسي!!!
وكالعادة أكلت ضرب الحيوان ميتحملة
بس كل وجعي يهون الا مصيبة أختي
شيهونها تمنيت أگدر اسوي شي انقذها
من الي هيه بيه... اباوعلها خالة راسها
بحضن امنية ودموعها تكت بصمت
بلا متنطق حرف بلا متتسائل بلا كلمة
عيونها جانت تنطق وتصرخ وجع والم
حيرة وضياااع...!!!
أنت تقرأ
ثلاث دمعات
ChickLitثلاث شقيقات.. يتخبطن في دهاليز الحياة وغياهب الاقدار لتكون لكل منهن حكاية.. رحلة مع الدمعات الثلاث فهل سوف تجف دموعهن ام ينهطل سيلاً منها...!! "ثلاث دمعات" # سندريَلا
