منقذي و لكن ( الجزء الثاني )

الفصل الاول

لحظات تمر كأنها ساعات .. كان يظن أن و أخيرا سوف تضحك له الحياه لكنه لم يكن يعلم ان القدر يخبئ له ذلك الاختبار الصعب أفاق من شروده علي صوت الدكتور الذي يحدثه باللغة الفرنسية
الدكتور : استاذ عز .. حان وقت فك الشاش
عز : هل استيقظت ؟
الدكتور : نعم
في ذلك الوقت جاء اتصال لعز
عز : حسنا .. اعطني خمس دقائق فقط
الدكتور : حسنا
ذهب الطبيب و رد عز علي هاتفه
يوسف : عز ! طمني عليكم ملك هتفك الشاش النهاردة صح
عز : احنا بخير .. قولي ايه الاخبار عندك ؟
يوسف : كله اقتنع ان ملك ماتت و اتأكدوا كمان .. كانت حركة حلوة منك انك جبت جثه مجهولة المصدر و دفنتها مكان ملك .. بس
عز : بس ايه ؟؟
يوسف :  كله بيسأل عليك و مستغرب سبب اختفاءك بعد الدفنه علطول
عز : عملت زي ما قولتلك ؟
يوسف : ايوة اللي يسألني بقولوا انك سافرت تغير جو عشان نفسيتك وحشه !
عز : تمام .. والدة ملك و امي عاملين ايه ؟
يوسف : والدة ملك حالتها صعبه جدا يا عز مش قادرة تتقبل الفكرة و كل يومين في المستشفي .. مصمم تفضل مخبي عليها برضو !
عز : الاحسن دلوقتي انها متعرفش عشان كل حاجه تبقي مقنعه .. احنا بنتعامل مع ناس مش سهلة يا يوسف يعني اقل غلطة مش مسموح بيها .. والدة ملك دلوقتي اكيد كل العيون عليها و لو هي عرفت ان ملك لسه عايشه هيبان عليها جدا لأنها ام عشان كده مش في مصلحتنا انها تعرف في الوقت الحالي
يوسف : اللي تشوفه .. والدتك حالتها وحشة بردو يا عز كل ما اشوفها الاقيها بتعيط او تفضل تسألني عليك و انا بتهرب منها .. ياسمين نفسيتها متدمرة كل حاجه بايظة
عز تنهد : للأسف ده اختبار صعب اوي لينا بس لازم نعديه يا يوسف
يوسف : صحيح ! نائل مسك المدير العام للشركة و بقي هو المسؤول عن كل حاجه
عز : خليه يعيشله يومين حلوين عشان لما ارجع .. كل حاجه هتتقلب تقدر تسميه الهدوء اللي بيسبق العاصفة
يوسف : و انا واثق فيك يا عز .. خلي بالك من نفسك و لو احتاجت اي حاجه انا معاك
عز : شكرا يا يوسف
انهي معه المكالمة و زفر بضيق ثم اتجه الي غرفة ملك برهبه و عندما دخل وجدها تجلس علي سريرها بهدوء و عندما سمعت خطواته هتفت
ملك : عز !!
قال عز للدكتور : هل يمكنك ان تتركنا بمفردنا لمدة خمس دقائق من فضلك
الدكتور : بالتأكيد
اتجه عز الي ملك و نظر لها ليجدها تحرك رأسها بفزع فامسك يديها
ملك بفزع : عز !! في ايه و ايه اللي علي وشي ده انا حصلي ايه !
عز : ملك انا عايزك تهدي و تسمعيني لحد الاخر
سكتت ملك لتترك له فرصة الكلام فأكمل عز : انتي عملتي حادثة صعبه جدا و بمعجزة قدرتي ترجعيلي منها بس ..
ملك : بس ايه !
عز : انتي وشك اتشوه تماما في الحادثة دي و مكانش فيه حل غير اننا نعملك عملية تجميل و نغير شكلك بالكامل
ملك : يعني ايه مش فاهمه حاجة !
عز تنهد : ملك انا عارف انه اختبار صعب عليكي و عليا انا كمان ارجوكي ساعديني
سكتت ملك تماما فنهض عز من مكانه و سمح للطبيب ان يفك الشاش من علي وجهها و وقف هو امامها بخوف و قلق فهذا اختبار صعب جدا بالنسبة له يفكر في كيفية تعامله معها بعد هذا اليوم فهي لم تعد ملك التي يعرفها .
تم نزع الشاش بالكامل عن وجه ملك ليظهر وجهها الجديد نظر لها عز بتعجب نوعا ما اعطت لها احدي الممرضات مرآه لتنظر إلي شكلها الجديد مسكت ملك المرآه بيد ترتجف من الخوف و رفعتها لتنظر الي شكلها الجديد نظرت الي نفسها بصمت و بدون اي رد فعل علي وجهها ثم ترقرقت الدموع في عينيها و صرخت بحزن و رمت هذه المرآه علي الارض لتسقط و تتحطم الي قطع صغيرة في ارجاء الغرفة ذهب عز اليها سريعا و اخذها في احضانه
عز : ملك اهدي !!
ملك بصراخ و دموع : انا مبقيتش ملك ابعد عني مش عايزه حد !!
عز صاح بهم : رجاء اتركونا بمفردنا
ليخرج الطبيب و الممرضات من الغرفة سريعا عز اخذ يربط علي رأس ملك
عز : ملك اهدي عشان خاطري
ملك اخذت تبكي بشده : انا ليه بيحصل معايا كده لييه !! كنت فاكرة ان ايامي اللي جايه هرتاح فيها و افرح لكن لا كل الظروف ضدي !!
عز امسك رأسها و جعلها تنظر الي عينيه : ملك .. انا عارف انها حاجه صعبه عليكي و عليا انا كمان ارجوكي متصعبيش كل حاجة اكتر .. كونك معايا حتي لو بوش تاني اهون عليا ميت مرة من اني كنت اخسرك !
ملك : بس انت كنت بتحب ملك التانيه مش انا !
عز : انا بحبك يا ملك بحب روحك بحب عنادك بحب عيونك بحب كل حاجه فيكي انتي زي ما انتي و حبي ليكي مش هيقل .. انا بس محتاج وقت لحد ما اتعود علي شكلك الجديد انا حبيت روحك انتي مش شكلك
ملك بقهره : بس ده اختبار صعب اوي يا عز صعب اوي
عز : طول ما احنا مع بعض مفيش حاجة صعبه
ملك بدموع نظرت له ثم احتضنته بقوة و ظلوا هكذا لفترة طويلة ثم ابتعدت عنه بعدما هدأت تماما
ملك : و هنعمل ايه دلوقتي !
عز : دلوقتي هسيبك ترتاحي و مش عايزك تفكري في اي حاجة .. انا معاكي
ملك ابتسمت بحزن : انا بحبك
عز : و انا كمان بحبك
ثم قبلها في رأسها و خرج من الغرفة سريعا ليتهاوى علي احد الكراسي و وضع رأسه بين يديه يحاول استيعاب ما يحدث اليه و عزم علي اعاده حق ملك ممن سلبه منها !
_________________________________
: ماما .. جه وقت الدوا بتاعك
نظرت لها حياة بعدم تركيز ثم اخذت منها الدواء و تناولته
ندي : ماما ارجوكي متوجعيش قلبي عليكي كده
حياة : ملك اتأخرت اوي معقول كل ده في الشركة
ندي : ماما !!
حياة : زمانها جايه انا هقوم احضرلها الاكل
نهضت حياة من مكانها لتقول ندي سريعا
ندي : لا ارتاحي انتي اا انا هعمل الاكل ارتاحي
حياة جلست مكانها : اعملي الاكل اللي ملك بتحبه ها اوعي تنسي
ندي حبست دموعها : حاضر يا ماما ارتاحي بس
نامت حياة علي ظهرها و لم تمر خمس دقائق و كانت تغط في سبات عميق خرجت ندي من غرفتها سريعا و هي تحبس دموعها و ما ان خرجت وجدت علي واقف امامها فارتمت في احضانه و اخذت تبكي بشدة
علي : طمنيني عليها حالتها ايه دلوقتي !
ندي : زي ما هي يا علي مش قادرة تتقبل الفكرة ولا انا قادرة اتقبلها .. يعني خلاص كده ملك اختفت !! مش هشوفها تاني
علي حضنها بقوة : ندي اهدي لازم تكوني اقوي من كده
ندي : مش عارفه يا علي مش عارفه .. انا حاسة اني رجعت لوحدي تاني !
علي : و انا معاكي !
ندي : مش قصدي يا علي بس ملك كانت كل حياتي انا مش قادرة استوعب الفكرة
علي : عارف يا ندي و انا مقدر اللي انتي فيه .. بس لازم تكوني عارفه انك مش لوحدك انا معاكي و هنعدي الازمة دي سوا
ندي تنهدت : انا اسفه يا علي .. انا مقصرة معاك و مع كل اللي حواليا
علي : متقوليش كده يا ندي !
ندي : لا هقول .. احنا ليلة فرحنا جالنا الخبر و في ساعتها سيبتك و جيت لماما حياة علطول انا اسفه يا علي
علي : لو مكنتيش عملتي كده انا اللي كنت هجيبك يا ندي .. مش عايزك تضغطي علي نفسك انا معاكي
ندي ابتسمت و احتضنته بهدوء ليمسح هو علي شعرها
_________________________________
انهي يوسف عمله في القسم ثم توجه الي بيت عز الذي انتقل هو و ياسمين للعيش فيه لفتره بسبب حالة عايده و حزنها الشديد علي ابنها لتتمكن ياسمين من رعايتها وصل الي البيت ليجد ياسمين جالسه بجانب عايده و تحاول اطعامها بعض اللقيمات و ما ان رأته عايده اتجهت له سريعا
عايده : يوسف طمني علي عز كلمك مش كده هو راجع امتي !
يوسف : امي ارجوكي اهدي شوية عز كويس هو بس محتاج فتره و هيرجع بعدها تاني
عايده : انت بقالك فترة بتقولي الكلام ده !!
يوسف : اللي عز مر بيه مكانش سهل انتي متخيله يعني ايه يحب مرتين و يخسر حبه ده قدام عينيه ارجوكي حاولي تقدري اللي هو فيه !!
عايده : يوسف .. انا طول عمري بقول عليك ابني بس لو اكتشفت انك كنت عارف حاجة و مقولتليش عمري ما هسامحك
يوسف : يا امي بس..
عايده : انا قولت اللي عندي !
ثم صعدت الي غرفتها سريعا و اتجهت له ياسمين : حمدلله علي السلامة .. احضرلك العشا ؟
يوسف : مليش نفس .. معندكيش انتي كمان كلمتين تقوليهم ليا !
نظرت له ياسمين بحزن ليتنهد بضيق : انا اسف يا ياسمين بس كل حاجه عليا و اخر حاجه كنت اتمناها ضغط مامتك ده
ياسمين : انا عارفه و عشان كده بحاول اهون عليك بس مش عارفه
يوسف : انا اللي المفروض اهون عليكي يا ياسمين .. انا اسف يا حبيبتي
ياسمين ابتسمت بحزن : علي فكرة انا مأكلتش من الصبح .. لسه بردو ملكش نفس
يوسف : لا ليا .. انا هطلع اغير بسرعة تكوني حضرتي عشان ناكل سوا اتفقنا
صعد يوسف سريعا ليبدل ملابسه و في تلك اللحظة اتي اتصال لياسمين من سارة فردت عليها
سارة : حبيبتي عاملة إيه دلوقتي !
ياسمين : انا بخير .. انتي و اسر عاملين ايه ؟
سارة : كنا محددين الفرح الشهر اللي جاي بس اجلناه عشانك
ياسمين : ليه كده !
سارة : مش هينفع نفرح و انتي حزينة يا ياسمين .. زي ما كنا معاكي في الفرح هنكون معاكي في الحزن و خلاص انا و اسر اتفقنا علي كده .. غير كده اسر مصمم عز يحضر الفرح فعشان كده هنستني لحد ما حالته تتحسن
ياسمين : انا مش عارفه اقولكم ايه
سارة : ولا حاجة يا حبيبتي ابقي طمنينا عليكي بس
ياسمين : حاضر .. صحيح متعرفيش حاجة عن سالي ؟
سارة : سالي سافرت هي و مامتها بره مصر هي عايزه تبدأ من اول و جديد و تبني حياتها
ياسمين : طب كويس
سارة : لو احتاجتي اي حاجه انا موجوده ها .. مع السلامة
ثم اغلقت معها المكالمة ثم ذهبت لتحضر الطعام لها هي و يوسف
_______________________________
حلقت طائرة هليكوبتر لتحط في مكان هادئ بعيد عن المدينة و نزل منها شخصا ما ثم اخذ نفس عميق لتقف امام تلك الطائرة سيارة و ترجل منها اثنين
: حمدلله علي السلامة يا فؤاد باشا
فؤاد : ايه الاخبار
عزيز : كله في الامان و اللي كنا عايزينه حصل و ملك ماتت و عز ساب البلد و مشي
ضحك فؤاد باستفزاز : مش قولتلك اللي بييجي عليا مش بيكسب .. و انت ناوي علي ايه ؟
عزيز : انا ناوي ابقي معاك يا باشا انا كده طول عمري .. بدور مصلحتي مع مين و بفضل في ضهره و احنا مصلحتنا واحده يا باشا
فؤاد : كده تعجبني .. نبدأ الشغل بقي !!

يا ترا عز هيقدر يتقبل وش ملك الجديد ولا لا ؟
انتظروا الفصل الجديد بكرة بأذن الله .. رأيكم يهمني جدا ♥️