منقذي و لكن ( الجزء الثاني )

الفصل الثامن و الثلاثون

انهي عز مكالمته مع والدته التي تعجبت من كلامه بشده ثم ترجل من سيارته و اتجه الي بيت ملك و ما أن دلف الي الداخل و رأته حتي ركضت نحوه سريعا لترتمي في أحضانه
ملك : كنت فين كل ده قلقتني عليك ! و مش بترد علي موبايلك ليه
عز : انا اسف غصب عني
ملك : طيب ارتاح شوية عقبال ما احضرلك الاكل اكيد مكلتش حاجه من الصبح
تنهد عز بتعب و جلس علي أحدي الكنبات و ذهبت ملك لتحضر له بعض الطعام اغمض عز عينيه و تذكر وجه ابيه و حديثه معه ليبتسم بحزن رغما عنه .. و بعد لحظات جاءت ملك و معها الطعام و وضعته أمام عز ليتناول بعض اللقيمات البسيطة و جاء لينهض و لكنها قالت
ملك : ايه ده ؟ انت أكلت كده
عز : أيوة شبعت خلاص
ملك : لا طبعا انت مكلتش حاجه الاكل زي ماهو !
عز : مليش نفس صدقيني
ملك : عز متخلنيش اتعصب عليك !
عز : تتعصبي عليا ! طب وريني كده هتتعصبي ازاي
ملك : انت صدقت ولا ايه لا ده نوع من أنواع التهديد بس اهدي كده انا جبانه اساسا
ضحك عز رغما عنه بسبب طريقتها لتكمل هي : حيث كده بقى انا هأكلك بأيدي اكيد مش هترفض ايدي يعني
و بدأت في اطعامه بيدها ليقول : انتي ليه بتتعاملي معايا اكني عيل صغير !
ملك : و هو انا عشان بهتم بيك تبقي عيل صغير .. انا بهتم بيك عشان يهمني راحتك و انت تهمني .. زي ما انت مش بتستحمل تشوف فيا حاجه وحشه انا كمان كده !
ابتسم عز و مدت هي يدها لتطعمه و لكنه امسك يدها ليقبلها
عز : صدقيني شبعت خلاص
ملك : ماشي هصدقك
و جاءت لتنهض و لكنه امسكها
عز : تعالي انتي هنا بقى .. انتي عماله تقوليلي كل و مكلتش حاجه من الصبح و هتعصب عليك .. انتي بقى اكلتي حاجه من الصبح ولا ايه ؟
ملك نظرت له بخوف طفولي و جالت بنظرها في الغرفة لتتحاشى النظر إليه
قالت ملك بتلعثم : ما انا هقولك استني اا اصل انا كنت اا
عز : بس بس اسكتي .. و انا اتعصب انا عليكي دلوقتي
ملك : معلش عديها المرة دي
عز : اتفضلي اقعدي عشان اكلك
ملك : انا هاكل لوحدي متتعبش نفسك
عز رفع أحدي حاجبيه : ولله ! قولت اقعدي عشان تاكلي
ملك : خلاص اللي تشوفه
ابتسم عز و بدأ في اطعامها و بعد لحظات انتهت فنهضت من مكانها و أخذت الاطباق الي المطبخ و رجعت له مرة اخري لوحده مغمض عينيه و يمسك رأسه بتعب
ملك : انت اكيد تعبت اوي النهاردة .. قوم عشان ترتاح
نظر لها عز بتساؤل : مش عايزة تعرفي كنت فين !
ابتسمت ملك : بعد ما ترتاح تبقي تقولي .. بكره او بعده و لو مش عايز تقولي مش مهم بالنسبالي لاني بثق فيك جدا .. اكتر من نفسي و عارفه انك مش هتعمل حاجه غلط
عز أراد أن يستفزها فقال : ولله ما عندي وقت اعمل حاجه غلط حتي
ملك : معلش يا حبي...
و صمتت فجأة لتقول : نعم !! يعني لو كان عندك وقت كنت عملت !
ضحك عز بسبب رد فعلها و قال : استني بس انا بهزر
ملك ضيقت عينيها و نظرت له بشكل : اممم .. شكلي كده هبدأ اشك فيك تاني
ضحك عز بسبب طريقتها و قال بجدية : كلها يومين و مش هتحتاجي تشكي فيا
ملك بعدم فهم : مش فاهمه ليه بعد يومين ؟
نهض عز من مكانه و اتجه إليها ليقول بحب : لان بعد يومين هتسيبي الشقة دي و ترجعي لمكانك الاصلي .. فيلا الاسيوطي ♥️ .. جوازنا هيبقي بعد يومين بأذن الله
ملك : و اشمعنا بعد يومين ؟
عز : لاني عايز الفرحه تبقي اتنين !
ملك : مش فاهمه حاجه يا عز
عز : مش لازم تفهمي دلوقتي .. المهم ابدأي جهزي حاجتك بقى خلاص عشان مش هترجعي هنا تاني
ملك نظرت إلي ارجاء الشقة بحزن و قالت : بس انا بحب الشقه دي يا عز .. عيشت فيها لحظات كتير من حزن و ضعف و قوة و تغيير .. كل حاجه في كل ركن لينا ذكرة
عز : لو حابه ممكن اخلي الشقة .. بس هنقفلها و لو عايزة كل فتره وبقي تيجي تاني .. ايه رأيك
ابتسمت ملك : موافقة جدا
ابتسم لها عز و بعد لحظات دلفوا الي غرفتهم ليناموا
_________________________________
في اليوم التالي استيقظ عز على رنين هاتفه التقط الهاتف ليجده أسر نهض من مكانه و رد عليه
أسر : فينك يا عز مختفي فين ؟
عز : معلش يا أسر مشغول جدا الفتره دي .. عارف اني مقصر معاك
أسر : متقوليش كده الله يعينك .. انا بس اتصلت بيك عشان اقولك أن خطوبتي بعد يومين فاكر ولا ايه ؟
عز ضرب رأسه و قال : انا اسف جدا ولله نسيت خالص
ابتسم أسر : طب كويس اني اتصلت بقى
عز : فعلا انا اسف يا أسر
ابتسم أسر : يا عز مفيش بينا الكلام ده .. عموما هستناك في الخطوبة هتبقي في بيت سارة
عز : استني كده .. انت قولت بعد يومين
أسر : أيوة
عز : انا كمان فرحي بعد يومين !
انصدم أسر : فرحك ؟! انت هتتجوز
عز : ده موضوع كبير جدا يا أسر لما اشوفك هبقي احكيلك كل حاجه
أسر : لا انا اتفاجئت بس .. انا يهمني سعادتك و فرحان انك هتكمل حياتك انت تستاهل كل حاجه حلوة يا عز بجد .. يكفي وقفتك جمبي عمري ما هنساها و هفضل فاكرها طول العمر
ابتسم عز : متقولش كده انت زي اخويا و الاخوات مفيش بينهم الكلام ده .. صحيح بقى
أسر : ايه ؟
عز : ايه رأيك لو نعمل فرحي و خطوبتك سوا .. عمتا فرحي هيبقي عائلي لكن لو انت عايز تعزم حد أعظم اكيد
ابتسم أسر : اكيد موافق جدا .. انت مش غريب يا عز .. بصراحه انا كنت شايل هم اليوم ده جدا مكنتش عايز ابقى لوحدي
عز : انا موجود مش هتبقي لوحدك بلاش القلق ده
أسر : خلاص تمام .. مبدأيا كده انا عارف ان انت علطول مشغول ف سيب التجهيزات عليا
عز : ماشي و انا بثق في ذوقك
أسر : شكرا جدا يا عز .. صحيح قول لياسمين متزعلش مني انا و سارة عشان مقصرين معاها جدا
عز : ياسمين تعبانه جدا الفتره دي و عموما متقلقش هي مش زعلانه منكم اكيد
أسر : تعبانه ليه خير ؟
ابتسم عز : كلها كام شهر و هتبقي ماما يا سيدي
أسر بفرحة كبيرة : بجد !! الف الف مبروك فرحت جدا عشانها ولله
عز : الله يبارك فيك
أسر : مش عايز اطول عليك بقى .. هجهز كل حاجه و نبقي علي اتصال بيك
عز : تمام و انا هسيب خبر لوالدتي علشان يبقي عندها علم .. الفرح و الخطوبة هتبقي في الفيلا بتاعتي بأذن الله
تحدث عز مع أسر للحظات و اتفقوا علي كل شئ ثم انهي أسر معه المكالمه و دخل أخذ دش سريع ارتدي ملابسه و خرج من الحمام ليجد فؤاد واقف في نصف الغرفة
أسر : انت وصلت لهنا ازاي !
فؤاد : الف مبروك يا عريس .. طب مش هتعزمني
أسر : خير ؟
فؤاد : انت ليه بتعمل كده ! ليه عايز تحرمني من فرحتي بيك !
أسر : لو انت جاي عشان تقولي الكلمتين دول ف ياريت توفرهم احسن .. انا و اخيرا هعمل اللي انا عايزه لو بتعتبرني ابنك بصحيح ارجوك امشي و سيبني في حالي ابني حياتي لوحدي
فؤاد : ازاي يعني لوحدك !
أسر : مستغرب الكلمه ليه ؟ ما انا طول عمري لوحدي من بعد وفاة ماما و انا مليش حد
فؤاد نظر له بحزن ليقول أسر بانفعال : بلاش نظرة الحزن اللي في عينيك دي .. انت السبب في كل ده !
فؤاد : بس هرجع اقولك اني مأذتكش يا أسر .. انا كنت بحاول ابعدك و احميك من العالم ده
أسر : انا محدش آذاني في حياتي غيرك .. ارجوك امشي و ياريت تنساني احسن
فؤاد انفعل و ظهرت الدموع في عينيه : انسالك ازاي يعني ! انت ابني
ابتسم أسر بسخرية : لسه فاكر دلوقتي ابنك .. فين ابنك ده من كام سنه !
فؤاد : انا بعترف اني غلطان .. تعالي نفتح صفحة جديدة سوا و ننسي اللي فات
أسر : للأسف فات الاوان اوي علي الكلام ده .. مكنتش اتمني يجي يوم و يوصل كلامي معاك لكده .. بس انت اللي أجبرتني
نظر له فؤاد بندم و حزن كبير ليخرج من غرفته و من المنزل بأكمله
_________________________________
نهض عز من مكانه و ملك مازالت نائمة .. أخذ دش و حضر فطار سريع ثم رجع إليها
عز : ملك قومي يلا
ملك بنعاس : سيبني انام شوية
عز : قولت قومي الفطار هيبرد .. يلا عشان نلحق نروح
ملك : نروح فين ؟
عز : مش عايزة تشوفي ندي يعني !
ملك هبت من مكانها سريعا : لا اكيد عايزة أشوفها
عز : طيب يلا عشان تفطري و نروح
جلس عز و ملك بجانبه و تناولوا بعض اللقيمات ثم نهضوا و خرجوا من المنزل متجهين الي فيلا الشريف .. كانت ملك قلقه جدا و تغشي هذه المقابلة .. بعد فتره وصل عز امام البيت
عز : يلا
أخذت ملك نفسا عميقا و ترجلت من السيارة .. وصلوا أمام المنزل طرق عز الباب و لم تمر ثواني حتي فتحت لهم الدادة هدي
هدي : عز بيه اهلا بيك
عز : اهلا بيكي انتي اخباركم ايه
هدي : الحمدلله بخير اتفضل
دخل عز و معه ملك و صعدت هدي لتقول لحياة و بعد لحظات نزلت حياة سريعا لهم و الابتسامة علي وجهها
حياة : ايه المفاجأة الجميلة دي !
ملك : وحشتيني اوي
حياة : انتي اكتر يا حبيبتي
ثم عانقتها بحب كبير لتقول ملك : ندي صاحيه ؟
حياة : أيوة صحت من شوية في اوضتها و علي راح يخلص كام حاجه في المستشفي
ملك تنهدت : انا جايه اطمن عليها
حياة : هتفرح اوي لما تشوفك
تحركت حياة من امامها و اتجهت الي غرفة ندي بحماس و توترت ملك للحظات فأمسك عز يدها و نظر لها بتشجيع لتبادله بابتسامة بسيطة
حياة دلفت الي غرفة ندي و قالت : عندي ليكي مفاجأة !
ندي : مفاجأة ايه ؟
حياة : في حد عايز يشوفك
ندي بتساؤل : مين ؟
و هنا دخلت ملك الي الغرفة لتنظر لها ندي بعدم تصديق
ندي بدموع : ملك !
ابتسمت ملك بحب ثم اقتربت منها قليلا لتجلس امامها .. نظرت لها ندي بعدم تصديق و صدمة ثم رفعت يدها لتلمس وجهها و نظرت إلي عيونها
ندي : ازاي ! 
ملك : عملية تجميل .. انا مموتش في الحادثة بس .. وشي اتشوه عشان كده شكلي اتغير
كانت ندي تكبح دموعها و لكن بعد تلك الجملة لم تستطيع لتنفجر من  البكاء و ترمي نفسها في احضان ملك
ندي : ليه خبيتي عني كل ده مفكرتيش فيا حالتي هتبقي ايه مفكرتيش اني هيبقي لوحدي
ملك مسحت علي شعرها : غصب عني صدقيني
ندي ابتعدت عنها قليلا و نظرت لها بدموع : بس انا كمان غلطانه .. ازاي معرفتكيش ! كنت المفروض اول واحدة تعرفك
ابتسمت ملك : انتي عرفتي فعلا .. من يوم ما حضنتك و انا فهمت انك عرفتي كان ناقصك تتأكدي بس .. و اديكي اتأكدتي اهو
قالت ندي بدموع : انتي وعدتيني زمان أن مفيش حاجه هتحصلي طول ما انتي عايشة .. و طول ما انتي عايشة مش هتسمحي لاي ضرر انه يأذيني .. و حققتي وعدك ده يوم ما لحقتيني من احمد و انقذتيني .. انا اتصابت اه بس لولا وجودك كنت ممكن مبقاش موجودة وسطكم دلوقتي
ملك : متقوليش كده ! بعد الشر عليكي
ندي ببكاء : انا فرحانه اوي انك لسه عايشة و رجعتيلي
ملك : ده منظر واحدة مبسوطة بطلي عياط طب
ندي : لا ما انا بعيط من الفرحة
ضحكت ملك و احتضنتها مرة اخري بحب ثم قالت
ملك : قومي بقى عايزة اقولك خبر حلو
ندي : خبر ايه ؟
ملك : قومي الأول عشان تعرفي
ندي : مش هقدر اقوم !
ملك : ليه ؟
ندي : ملك .. انا مش بقدر اقف من ساعة الحادثة !

اولا انا فرحت جدا بتعليقاتكم امبارح علي الفصل بجد ربنا يخليكم ليا ♥️
يا ترا رد فعل ملك ايه لما تعرف ان ندي مش بتقدر تمشي ؟
توقعاتكم للي جاي ؟
الكاتبة ميار خالد♥️