EWAN ni Andrea pero parang sumpa yata ang pagkakaroon niya ng manliligaw. Paano kasi ay kapag nagkakaroon siya ng manliligaw ay agad naman itong namamatay. Ngayon ay tatlong beses na siyang namamatayan ng manliligaw kaya nagdesisyon siyang hindi na tatanggap pa ng manliligaw. Siya rin ang itinuturo na may kagagawan ng misteryosong pagkamatay ng mga ito pero walang sapat na ebidensiya ang mga taong nagbibintang sa kaniya para patunayan iyon! Kahit siya nga ay walang alam. Pero isang araw ay nasagot na rin ang matagal na niyang tanong nang magpakita sa panaginip niya ang engkanto na may gusto sa kaniya!
