HALOS mag-gagabi na nang makarating si Arjhon sa bahay ng hahatiran niya ng pagkain na ipinadeliver sa kaniya. Pagbebenta ng pagkain online ang business niya. Sayang naman kasi ang kita niya dahil marami ang in-order sa kaniya. May kakaibang awra ang loob ng bahay ng papasukin siya. Ang talim ng tingin ng buong pamilya sa kaniya. Nagmamadali naman siyang lumabas ng bahay nang maibigay na sa kaniya ang bayad. Ngayon ay hihintayin na lamang niyang makain ng mga ito ang pagkain na nilagyan niya ng maraming thumbtacks. Napapangiti na lamang siya dahil may bago na naman siyang lulutuin!
